Б.Соқпақбаевтың туғанына -90 жыл

                                                         Талдықорған қаласы,

                                                         Еркін ауылындағы

                                                         Есжан Берліқожаұлы      

                                                                 атындағы №11 орта мектептің 

                                                                 кітапханашысы Б.Кебекбаева

Балалар әдебиетінің классигі Б.Соқпақбаевқа -90 жыл

Жоспар

1. Балалар әдебиетінің классигі Б.Соқпақбаевқа өмірбаянымен таныстыру

2. Балалар әдебиетінің классигі Б.Соқпақбаевтың шығармаларымен әңгімелеу,сұрақ -жауап

3.Қортынды

Мақсаты: Балалар әдебиетінің классигі  Б.Соқпақбаевтың шығармашылығымен   өмірі жайлы  насихаттау, оқушылардың  әңгіме,повесіне деген қызығушылығын арттыру,  жазушының  ірілігі мен парасаттылығын айқындай түсу.

Көрнекілігі: жазушының  портреті ,кітап көрмесі, слайд.

Кітапханашы : Құрметті ұстаздар, оқушылар! «Балалар әдебиетінің классигі Б.Соқпақбаевқа -90 жыл» атты әдеби кешімізді бастауға  рұқсат етіңіздер.  Бердібек Соқпақбаевтың  кірпияз мінезі жазушінің жан дүниесінің тазалығын білдіреді. Өте қарапайымдығымен өзін биік ұстайтын жазушылардың  байқамайтындығын байқап, соның желісімен жанына  нәр тапқан жазушы.Оның бізден ерекшелігі сол. Сендердің топырақтарында туып, елдің  мерейін ұстем ететін үлкен классик жазушы болуының  сыры да сонда,- дейді Таһауи Ахтанов.                                                                                                        Мектебіміздің кітапханашысы Кебекбаева Бақытгүл апай кітап көрмесімен таныстырады.                                                                                  

2- жүргізуші: Балалар әдебиетінің  бәйтерегі   Б.Соқпақбаевтың90 жылдық мерейтойына қош келдіңіздер!

1- Жүргізуші:                                                                                                                          Бала шақта кестелеген тілі нық,

Бір болса егер-осы болар ірілік.

Ұландары отызыншы жылдардың

Қайта келер көз алдыңа тіріліп.                                                                                           2- жүргізуші:                                                                                                                    Бастан кешкен шындық шымыр екшеліп,

Кітап болып бізге жетті естелік.

Чемпионан Бекең өзі баптаған

Талай мықты жатты құлап ,сескеніп.

1- жүргізуші:                                                                                                            Аспантаудан ақ бұлақтар атқылап,                                                                                  Экранға –туған өлке, бақ қырат...                                                                                     Қолын бұлғап Жанар,Жантас;Сұлтанға                                                                            Келеді әне Қара Қожа шапқылап!                                                                                      2- жүргізуші:

 Кейіпкермен  бірге тұрып,жүресің,                                                                                Бірге жасап,бірге жылап күлесін                                                                               Сөз қадырын білген шебер екен деп                                                                                       Өз қадірін Бекеннің де білесің.

 1- жүргізуші:                                                                                                                             Ту етіпті тектілікті бұл ағай,                                                                                                    Пір еткені қара шалың –Ұлы Абай!                                                                                               Тік қалпында мәңгі жасай береді.

1- жүргізуші :Сүйікті жазушымыз Б.Соқпақбаевтың кітаптарын  бәріміз сүйіп оқимыз.Жазушы сомдаған кез келген кейіпкер өзіне тән  ерекшелігімен  оқушы жадында  сақталып қалады.

2- жүргізуші : Құрметті оқырмандар ,енді кезекті Б.Соқпақбаевтың «Менің атым Кожа» повесі  бойынша  сұрақтарға берсек. Біз  бүгін  мектебіміздің ең мықты,әдебиетті сүйетін жақсы оқитын  оқырмандарымызды шақырып отырмыз. 7-8 сынып оқушылары арасындағы жарысты бастағымыз келіп отыр.Сіздерге сұрақ қойылады, кім көп жауап берсе, сол топ ұпай жинайды.

1-жүргізуші: Бүгінгі сайысымызға әділ баға беретін,  әділқазы  алқасын сайлап алайық:                                                                                                            Н.Шпекбаева                                                                                                             А.Көпбаева                                                                                                                  Ф.Жолдыбаев                                            

      Кітапханашы: Бірінші кезең,жазушы өміріне саяхат. Мәтін таратылады, түсінгендерің бойынша  сұрақ қойып жауап береді.Б.Соқпақбаев 1924 жылы қазанның 15 –інде Алматы облысының Нарынқол ауданында дүниеге келген. Абай атындағы  мемлекеттік педагогикалық институтынан кейін , Мәскеудегі Жоғарғы әдеби курсты бітірген. Біраз жыл ауылдық мектепте ұстаз болып, кейінен баспасөз саласына ауысты.Қазақ әдебиеті газетінде, Балдырған журналында, Шәкен Айманов атындағы Қазақфильм студиясында қызмет істеді. Қазақстан Жазушылары одағында балалар әдебиеті жөнінде әдеби кеңесшісі болды.1967 жылы балалар мен жасөспірімдерге арналған  фильмдердің Канн қаласында (Франция жерінде)  өткен халыаралық фестивалінде жазушының сценарийі  бойынша  қойылған Менің  атым Кожа  фильмі  арнаулы жүлдеге ие болған.1974 жылы «Өлгендер қайтып келмейді» романы Қазақстан Республикасының Мемлекеттік сыйлығына ұсынылады. Б.Соқпақбаевтың балалар үшін танымдық мәні зор  шығармаларының бірі «Жекпе –жек» хикаясы.Жазушының бұл шығармасы да қазақ әдебиетіне келген тың туынды. Өйткені , қазақ балалар әдебиетіне бұғанға дейін бұл спорт тақырыбы мұндай деңгейге көтерілген  шығарма болған емес. Бұл шығарма бокс  жайлы жазылған. Ал бокс деген спорт  түрі қара домалақ қазақ баласына өте жақын  жазылған десек артық айтқан болмас  еді ауыл спортының ,әсіресе  бокстың дамуына үлкен төңкеріс жасаған құрыштай  шыныққан  саңылақтардың дүркіреп  шығуына, серпіліс, ерекше  серпім берген айтулы  көркем дүние. Жасында әлжуаз болып өскенмен, үзбей шынығу, ұдайы жаттығудың  нәтежесінде спорт шыңына шыққан. Мұраттың бейнесі арқылы жазушы арман жолында қиындықтан қашпау керектігін ұғындырады.                                                                                                                               2- жүргізуші :Екінші кезең Қожаның сұрақтары.ол өзі бұзауын байлауға кетті.Бізге сұрақтарын тастап кетті.                                                                                      1.Оллаһи ,мақтанғаным емес, достарым, шынын айтындаршы мен өскенде қандай  маман иесі болуды  армандадым?

2.Сұлтан екеуміздің қарақшылық өміріміз қанша уақытқа созылды?

3.Мен үйімде төргі бөлменің есігін жауып алдып,кеңес өткізгенімді білесіңдер,Сонда  кімнің мәселесін қарадым?

4.Менімен  дойбы  ойнап отырған Жанар мені неүшін мақтаншақ қожа деп мазақтады?

5.Менің он үш жыл өмірімдегі ең қатыгез күн қашан болып еді?

1-жүргізуші:Үшінші кезең, Сұлтанның сұрақтары.Сұлтан жылқы үйірін жайлауға алып кетті. Кетерінде маған сұрақтарын тастап кетті.

1.»Ой Қарабасқыр,әлі жатырмысың? Осы сенің-ақ қолыңнан кітап түспейді екен. Тасташы былай ,немене  бүгін той екенін ұмыттың ба?»  Осы сөзден кейін қандай тойға барды,онда не болды?

2. «Оллаһи ,мақтанғаным емес достарым, шындықты  айтып отырмын-әттең жазушы болсам деген арман менің көкейімде ерте ұялады.Үшінші,төртінші кластарда оқып  жүргеннің өзінде-ақ ақындық даңқым мектептен асып бүкіл ауылға жайылды» кімнің сөзі?

3. «Шыбыным, әйтеуір ешкімге тимей,ұрынбай жайыңа жүр. Тек жүрсең, тоқ жүресің дейді атаң қазақ.Сенің тентектігіңді менен басқа ешкім де көтермейді.Әйтеуір  саған айтар ақылым-тыныш жүр балам, тыныш жүр. Біреудің  ала жібін аттаушы болма» Кімнің сөзі?                                                                 2- жүргізуші :

1. Қожа не себепті аттан құлап қалады?

2.Қайран қара Қожам-ау  ажалыңнан  3 күн бұрын  өлетін болдың –ау кімнің сөзі?

3.Қожаның әкесінің аты кім?

4. Қожаның үйіне келетін мотацикілдің иесі кім?

5.Орыс тілі пәнінің  мұғалімі кім?

   2- жүргізуші :Балалар ,бүгінгі әдеби ойынымыз мәреге жетіп қалған сияқты дегенмен, Қожа-қазақ балаларының Том Сойер іспетті сүйікті кейіпкері. «Менің  атым Қожа» повесі қарапайымдылыққа, нанымдылыққа туған. «Өтірік ештеңе қоспаймын» -деп  уәде берген автор уәдесін автор орындайды да. Бұл повесінде жазушы балаларға бала болып сырын ашады. Өзінің бар болмысын,жамандығын да , жақсылығын да жасырмай  жазады. Сол жасырмай  жазуының  арқасында  оқырманның ыстық ықыласын өзіне аударады. Повестің өн бойында  мейір қозғайтын,әдеп ұқтыратын және оны әдейілеп оңашаламай, оқиға  барысында жымдастырып , келтіретін тұстары  мол.Сөз кезегін бүгінгі  сайысымызға әділ баға беретін,  әділқазы  алқасына сөз береміз.                                                                                                                             1-жүргізуші: «Оқырмандарым! Менің кейіпкерлерім аспаннан түскен адамдар емес .Осы  өздеріңнің араларында бірге ойнап-күліп жүргендер. Ендеше қожа маған  қандай қымбат болса , сендер де сондай қымбатсыңдар.» -деп Бердібек аға бізге тілегін айтып кетіпті.

2- жүргізуші : Бүгінгі әдеби кешімізге келіп қатысқандарыңызға рахмет! Қош сау болыңыздар!