Әдістемелік сабақтар "Менің Отаным - Қазақстан"

      Тақырыбы:     Қазақстан болашағы білімді ұрпағында

Сабақтың мақсаты: Сабақта балалардың білім туралы ойларын бекіту мақсатында білімнің адам өміріндегі маңыздылығы мен пайдасы туралы түсінік беру арқылы бүлдіршіндердің өз білімдерін сайыс түрінде көрсету көзделеді.

Көрнекілікке суреттер:қоржын, асықтар, сандар пайдаланады.

Сабақ ұйымдастыру кезеңінен басталады. Балалар «Білімділер»,

«Алғырлар» болып екі топқа бөлінеді.

Білімділер тобының ұраны:

Білімді мыңды жығады, білікті бірді жығады.

Алғырлар тобының ұраны:

Білім басқа бітеді, қына тасқа бітеді.

Жүргізуші:

Ақылды адам ерінбейді,

Қуатты адам сүрінбейді.

Байлық мұзға жазылған сөз

Білім кітапқа жазылған сөздей келіп, жарысатын екі топқа қойылатын сұрақтарды байқайды.

1.                  Нүктені көріп, қанша екенін белгілеу.

2.                  Сандарды ретімен қою

3.                  Білім туралы тақпақтар айту.

4.                  Кім тез тазалайды?

5.                  Кім тез мүсін жасайды?

6.                  Жұмбақ ойлап табу.

7.                  Орыс тілінде тақпақ айту.

8.                  Ағылшын тілінде тақпақ айту.

9.                  Дене шынықтыру, сергіту сәті.

10.              Ән айту.

11.              Жұмбақ жарысы.

12.              Мақал жарысы

1-тапсырма: Нүктені көргенде,қанша нүкте барын дұрыс белгілеу.

2-тапсырма: Шашылып жатқан сандарды ретімен тез жинау.

3-тапсырма: Білім туралы  тақпақ айту.

Білімділер тобы:

Пайдамыз тиіп Отанға,

Риза болсын халқымыз.

5 болсын алар бағамыз,

Білімнен бақыт табамыз.

Алғырлар тобы:

Білім алар көп адам,

Жақсы нәрсе жоқ одан.

Қызыға кеп қараймын,

Кітап көрсем жаңадан.

Білімділер тобы:

Оқу келер еңбекпен,

Қиындықты жеңбекпен,

Еңбекпен қашқан әр кезде,

Кездеседі дөңбекпен.

Кел балалар оқылық,

Оқығанды көңілге

Ықыласпен тоқылық.

Оқысаңыз, балалар

Шамнан шырақ жағылар.

Тілегінің алдынан

Іздемей- ақ табылар.

Тақпақ «Ғылым таппай мақтанба»

Жер бетінде адам өмір өткізер,

Бар нәрсеге білім қолды жеткізер.

Бар ізгілік тек білімнен алынар. Біліммен аспанға жол салынар.

4-тапсырма: Кім тез тазалайды?

5-тапсырма: Кім тез мүсін жасайды?

6-тапсырма: Жұмбақ ойлап тап. (Ойыншық туралы өз бетінше жұмбақ ойлап табу)

7-тапсырма: Орыс тілінде тақпақ айта білесің бе?

8-тапсырма: Денсаулық – зор байлық. Деніміз сау болу үшін не істеу керек?

Сергіту  жаттығуы жасалады.

9-тапсырма: Ән  айта білесің бе?

Білімділер тобы ән айтады.

Алғырлар тобы ән «Гүлжазира  Қазақстан»

10-тапсырма: Жұмбақ жарыс.

Сырт – сырт соғады, уақыт озады.

Ақ  сандығым ашылды

Ішінен жібек шашылды. (Күннің шығуы)

Одан кір қорқады,

Судан бұл қорқады. (Сабын)

Қос құлақты, белін буған,

Өнер  қуған (домбыра)

Беті дуылдап тұр,

Танауы шуылдап тұр (шәйнек)

Үй үстінде алтын тас,

Алайын десем, алынбас. (жұлдыз)

Кезекті бір жануар,

Үстінде екі тауы бар, (түйе)

11-тапсырма: Мақал жарыс.

Білімділер:

Ақыл азбайды, білім тозбайды.

Алғырлар:

Ақыл тозбайтын тон,

Білім таусылмайтын көл.

Білімділер:

Оқу білім бұлағы, білім- өмір шырағы.

Алғырлар:

Оқусыз білім жоқ, білімсіз күнің жоқ.

Білімділер:

Білім ер азығы, ер – ел азығы.

Алғырлар:

Білімдімен бір жүрген білмегенін біледі.

Білімділер: Ақыл, қайрат, білімді,

Тең ұстаған зор болар.

Алғырлар:  Біліммен қаруланған қор болмайды.

Білімділер:

Әдептілік белгісі иіліп сәлем бергені.

Жарыс қорытындысы: Екі топтың ұпайлары саналады.

Жеңімпаз топ анықталады. Сыйлықтар табыс етіледі.