Ил
хөрмәтләй батыр улдарын
(Еңеү
байрамы митингылары өсөн сценарий)
1-се
уҡыусы. Байрам менән, ҡәҙерле дуҫтар, байрам менән!
2-се
уҡыусы. Эйе, байрам. Байрамдың да ниндәйе! Изгеләрҙән изгеһе, ололарҙан олоһо.
3-сө
уҡыусы. 9 май – 1941-1945 йылдарҙағы Бөйөк Ватан һуғышында Еңеү көнө. Ошо
уңайҙан барығыҙҙы ла ихлас күңелдән тәбрик итәбеҙ.
4-се
уҡыусы. Ватанды һаҡлау - борон-борондан килгән изге бурыс. Шул бурысты
халҡыбыҙ һәр саҡ намыҫ менән үтәгән.
5-се
уҡыусы. Килеп тыуған хәл иткес мәлдәрҙә ҡурҡыу белмәй яуға күтәрелгән һәм
илебеҙҙе, еребеҙҙе батырҙарса һаҡлаған.
6-сы
уҡыусы. Чуд күлендә немецты тонсоҡторған, Бородинола Наполеондың иманын
уҡытҡан, ваҡыты еткәс, Гитлерын да дөмөктөргән беҙҙең күп милләтле Рәсәй илебеҙ.
Йыр.
1-се
уҡыусы. Тыуған илебеҙ был көндәрҙә Бөйөк Ватан һуғышында Еңеүҙең 71 йыллығын
билдәләй. Ә ул бит беҙгә еңел генә бирелмәне.
2-се
уҡыусы. Совет илен юҡ итеп, халҡын ҡоллоҡҡа төшөрөргә теләгән Гитлер
фашистарын тар-мар иткәнсе дүрт йыл йән аямай алышырға тура килде.
3-сө
уҡыусы. Ошо дүрт йыл эсендәге ҡот осҡос ҡанлы бәрелештәрҙә егерме ете миллион
кеше ғүмере ҡорбан ителде.
4-се
уҡыусы. Ҡырҡ беренсе йылдың июнь таңы…
Көнсығыштан
ҡояш ҡалҡа алланып,
Ә
көнбайышта шул ваҡытта уттар яна,
Снарядтар
шартлай, туптар ярыла.
Үлем
менән яғалаша һалдат,
Тыуған
илен һаҡлап алыша.
5-се
уҡыусы. Көнбайышты ҡаплап алып,
Үлем
сәсә фашист эттәре.
Ҡара
ҡайғы баҫты Совет илен,
Нуры
китте матур көндәрҙең.
Күп
милләтле халыҡтарҙың
Ҙур
һынауҙар баҫты иңдәрен.
6-сы
уҡыусы. Ҡорал тотоп ҡулдарына
Ил
һаҡларға китә яугирҙәр.
Ғәзиз
башҡайҙарҙың алда
Бер
кем белмәй әле ниҙәр күререн,
Берлинғаса
юлдың әле бер кем
Белмәй
урау-урау, оҙон булырын.
1-се
уҡыусы. Шатланғандыр
фашист эттәр
Мәскәүҙәргә
килеп еткәндә.
Тик
уйламаған улар совет кешеһенең
Ҡорос
сыҙамлығы хаҡында,
Имандарын
уҡытып, дөмбәҫләр
Берҙәмлеге,
көсө хаҡында.
2-се
уҡыусы. Үлһә
үлде һалдат, әммә ләкин
Сигенмәне
артҡа бер аҙым.
Панфиловтар,
Гастеллолар,
Талалихин,
Клочковтар һаҡланы
Тыуған
ерҙең һәр бер аяһын.
Халҡыбыҙ
шулай яҡланы
Мәскәү
тигән ҡалаһын.
3-сө уҡыусы.
Сталинград,
Курскиҙа
Еңеп сыҡты
совет һалдаты,
Тар-мар итеп
дошмандарҙы
Йәһәннәмгә тура
оҙатты.
Азат итте
яугир һалдат
Ғәзиз тыуған
Ватанын,
Фашист ҡоллоғонан ҡотҡарҙы
Тотош ерҙе,
донъяны.
Йыр.
4-се
уҡыусы. Бөйөк Ватан һуғышы йылдарында Башҡортостаныбыҙ ҙа Еңеүҙе яҡынайтыу
үҙәктәренең береһе булды.
5-се
уҡыусы. Беҙҙең республиканан 700 меңдән ашыу кеше тарихта тиңдәше булмаған ошо
ҡанлы яуҙа ҡатнашты, уларҙың һәр өсөнсөһө һуғыш яландарында ятып ҡалды.
6-сы
уҡыусы. Тыуған илебеҙ шул ҡаһармандарҙың батырлығын һәм ҡыйыулығын юғары
баһаланы. 200 меңдән ашыу кеше орден һәм миҙалдар менән бүләкләнде, 300-ҙән
ашыу һалдат һәм офицер Советтар Союзы Геройы исеме алды һәм Дан орденының тулы
кавалеры булды.
1-се
уҡыусы. Башҡортостаныбыҙ ғына түгел, тотош илебеҙ Александр Матросов,
Миңлеғәле Ғөбәйҙуллин кеүек батыр улдарының исеме менән сикһеҙ ғорурлана.
2-се
уҡыусы. Халҡыбыҙҙың батыр ыласыны ике тапҡыр Советтар Союзы Геройы Муса Гәрәев
батырлығына ла тиңләшеүселәр бар микән?
3-сө
уҡыусы. Таһир Кусимов кеүек батыр улдары менән данлы Башҡортостан еребеҙ.
4-се
уҡыусы. Дошмандың ҡотон алған Даян Мурзин – “ҡара генерал”.
5-се
уҡыусы. Үҙенән һуң мәңгегә даны ҡалған Шайморатов генерал.
6-сы
уҡыусы. Һынатманы тиңһеҙ яуҙарҙа һинең улдарың, Урал.
Йыр
“Шайморатов генерал”.
1-се
уҡыусы. Беҙҙең ауылыбыҙ ир-уҙамандарын да һуғыш елдәре урап уҙманы. Ил
саҡырыуына яуап итеп яуға китте Бишул улдары.
2-се
уҡыусы. Киткәндәр…
Гармун
уйнап, моңло йырҙар йырлап,
“Беҙ
ҡайтырбыҙ бер!”- тип киткәндәр,
“Еңеп
ҡайтырбыҙ!”- тип киткәндәр.*
3-сө
уҡыусы. Киткәндәр ҙә…
Әсәйҙәрҙе
яңғыҙ иткәндәр,
Балаларҙы
етем иткәндәр…
Үҙҙәре
бит, моңло йырҙар йырлап,
“Беҙ
ҡайтырбыҙ бер!”- тип киткәндәр.
4-се
уҡыусы. “Еңербеҙ!”- тип киткәс – еңгәндәр бит,
Рейхстагҡа
байраҡ элгәндәр!..
Исемдәрен
данға күмгәндәр!..
“Беҙ
ҡайтырбыҙ бер!”- тип киткәндәр бит,
“Ҡайтырҙар!”-
тип һеҙҙе көткәндәр…
5-се
уҡыусы. Ҡыҙғаныс, күптәренә яңынан тыуған яҡтарға әйләнеп ҡайтыу насип
булманы. Сит-ят ерҙәрҙә ятып ҡалды Биш-Уңғарҙың аҫыл ирҙәре.
6-сы
уҡыусы. Шуныһы шатлыҡлы, 1945 йылда ауылыбыҙға еңеү яулап, күкрәктәрен
орден-миҙалдар менән биҙәп, яугир ир-егеттәр ҡайтып төштө. Үҙҙәре өсөн дә,
яуҙарҙа ятып ҡалғандар өсөн дә бар көсөн биреп, тыныс тормошҡа тотондо
яугирҙәр.
1-се
уҡыусы. Яуҙарҙа сыныҡҡан ауылдаштарыбыҙ ер емертеп эшләне лә, матур итеп
донъяһын да көттө. Үҙҙәренә алмашҡа улдар, ҡыҙҙар үҫтерҙе, ейән-ейәнсәрҙәр
тәрбиәләне.
2-се
уҡыусы. Беҙ, 21-се быуат балалары, беҙгә ошондай матур тыныс тормош яулап,
һуғыш юлдары үткән ауылдаштарыбыҙҙы бер ҡасан да онотмаясаҡбыҙ.
3-сө
уҡыусы. Бына улар – Ғайса һәм Муса Ҡаһармановтар, Лотфулла һәм Ғарифулла
Исхаҡовтар, Һиҙиәт һәм Ғибаҙулла Ҡәйүмовтар.
4-се
уҡыусы. Ғәлимйән Абдрафиҡов, Имаметдин Фәхретдинов, Йәшәретдин Абдрасов,
Баязит Вәлиев, Ильяс Сәхибгәрәев.
5-се
уҡыусы. Фәрит Абдрафиҡов, Динислам Ғөбәйҙуллин, Ғәйсәр Искәндәров, Мөҙәрис
Мирхәйҙәров, Ғәлиулла Ибәтуллин.
6-сы
уҡыусы. Фәүзи Күсемов, Мансаф Фәтихов, Әйүп Заһиҙуллин, Мөхәрләм Дәүләтбаев, Шәйхетдин
Хөснөтдинов.
1-се
уҡыусы. Мофаззал Искәндәров, Фәтхетдин Заһиҙуллин, Тимерйән Хәйретдинов,
Саҙретдин Шәйбәҡов.
2-се
уҡыусы. Һөйләгән һүҙе хаҡ, ҡылған эше маҡтаулы булды уларҙың. Бөгөн һәр
береһенең исемен тағы ла бер тапҡыр хөрмәтләп иҫкә алабыҙ.
3-сө
уҡыусы. Бөйөк Ватан һуғышында ҡатнашҡан ауылдаштарыбыҙҙы бер минут тын ҡалып хәтергә
алайыҡ, яугирҙәр хөрмәтенә ҡуйылған обелискҡа сәскәләр һалайыҡ. Мәңгелек дан һеҙгә,
батыр яугирҙәр!
Бер
минут тынлыҡ. Венок һалыу.
4-се
уҡыусы. Һуңғы һуғыш ҡағылмайса уҙған
Ауылымда
юҡтыр бер өй ҙә.
Бер
кемде лә онотҡаныбыҙ юҡ,
Онотолмай
әле бер ни ҙә.
5-се
уҡыусы. Ҡайтмай ҡалғандарҙың йөрәк уты
Йондоҙҙарға
күсеп нурлана:
Кәрниздәрҙә,
ҡапҡа баштарында
Әллә
күпме йондоҙ – күр, ана!..
6-сы
уҡыусы. Бер кемде лә онотҡаныбыҙ юҡ
(Һыҙлана
ла күңел, әрней ҙә…):
Берәү
генә, икәү генә түгел,
Өсәр-дүртәр
йондоҙ һәр өйҙә…
Йыр.
1-се
уҡыусы. Май ҡояшы балҡый күк өҫтөндә,
Нурға
күмә барлыҡ донъяны.
Майҙан
тулы халыҡ ташҡынына
Оркестрҙар
марш уйнаны.
2-се
уҡыусы. Еңеү көнө оло шатлығыбыҙ,
Йөҙөбөҙҙә
беҙҙең сағыла.
Ватан
күген биҙәй ал байраҡтар
Тантаналы
байрам сағында.
3-сө
уҡыусы. Ғорурланыу хисе мәңге һүнмәҫ,
Һәйкәлдәрҙә
сәскә бәйләме.
Донъя
балҡый, илем салют бирә,
Бөгөн
- ерҙә Еңеү байрамы.
4-се
уҡыусы. Еңеү көнө – иң ҙур байрам бит ул,
Дүрт
күҙ менән зарығып көткән көн,
Күпме
ҡайғы, юғалтыуҙар аша
Илгә
шатлыҡ алып килгән көн.
5-се
уҡыусы. Байрамдарҙа гөл-сәскәләр һалына,
Изге
һәйкәлдәргә илемдә.
Батырҙарҙың
данлы исемдәре
Мәңге
йәшәр беҙҙең күңелдә.
6-сы
уҡыусы. Бөгөн байрам, күҙҙән йәш тамһа ла,
Беҙ-
бәхетле: аяҙ күгебеҙ.
Һаҡлай
алһаҡ именлекте ерҙә,
Яҡты
булыр килер көнөбөҙ.
Йыр.
1-се
уҡыусы. Кеше ышанмаҫ ғазаптарҙы еңеп,
Ҡот
осҡос ҡорбандар хаҡына,
Яуыз
фашизмды юҡ иткәнгә
Барыһы
бергә. “Рәхмәт!”- тим мин туған халҡыма, “Рәхмәт!”- тим мин батыр һалдатҡа.
2-се
уҡыусы. Тормош алға бара. Илебеҙ, халҡыбыҙ 71-се тапҡыр Еңеү көнөн билдәләй.
3-сө
уҡыусы. Күгебеҙ аяҙ. Көн һайын алланып ҡояш ҡалҡа. Һәр кемебеҙ алдағы көнгә
ышаныс, өмөттәр менән баға. Ошонан да ҙурыраҡ бәхет булыуы мөмкинме?
4-се
уҡыусы. Илебеҙ сиктәре ышаныслы һаҡлана, хәрби ҡоралыбыҙ ҡеүәтле. Халҡыбыҙҙың
тыныс тормошо Ватанды һаҡлаусы ҡыйыу ир-егеттәр ҡулында.
5-се
уҡыусы. Уң булыр эшебеҙ, аҡланыр өмөтөбөҙ, тормошҡа ашыр хыялыбыҙ. Тик башҡаса
һис ҡасан булмаһын һуғыштар.
6-сы
уҡыусы. Шулай булһын. Уяу булайыҡ. Ерҙә булһын һәр саҡ тыныслыҡ. Тик шуны
бергәләп теләйек.
Йыр.
Рим
Исхаҡов
Иҫкәрмә*.
Артабанғы шиғыр өҙөктәре “Йырҙарымда – һуғыш һулышы” (Өфө, 2005. Төҙөүселәре-
Ҡәҙим Аралбай, Ирек Кинйәбулатов) китабынан алынды.
Оставьте свой комментарий
Авторизуйтесь, чтобы задавать вопросы.