"Есімдіктің сөйлемдегі қызметі" 6-сынып

Күні: 25.12.15	Пәні: қазақ тілі Сыныбы: 6ә
Сабақ тақырыбы	Есімдіктің түрлерін қайталау
Сабақ мақсаты	Есімдік туралы алған теориялық білімдерін практикада қолдану, ауызша, жазбаша талдау жұмыстарын жүргізе отырып, білімдерін бекіту.
Күтілетін нәтиже	А)Есімдік тарауы бойынша өткен білімдерін еске түсіреді; В)Осы тақырып бойынша алған білімдерін айқын тұжырымдайды. С)Тапсырмаларды орындау арқылы ойлау, сөйлеу қабілеттері артады.
Оқытуда қолданылатын әдіс-тәсілдер	Топтық тапсырмалар, Венн диаграммасы, топтық жұмыстар, «Жұмбақ сұрақтар», «Полиглот», тест, кеңейтілген деңгейлік тапсырма.
Барлық оқушыларды сабаққа тарту жұмысы	Сергіту сәті, қызығушылықты ояту, мағынаны тану, жеке кеңейтілген деңгейлік тапсырмалар, тест, өздік жұмыс, кері байланыс
Үйрену барысын бағалау	Суммативті бағалау, критерийлер арқылы бағалау.
Негізгі дереккөздер, құрал-жабдықтар	Дидактикалық үлестірме материалдар, смайлик, стикер, портрет
	Мұғалім	Оқушы
Кіріспе	Оқушылармен амандасамын. Оқушыларды ортаға шығарып, ертегі оқи отырып топқа бөлемін, оларды 5-еуден топтаймын./5минут/ Топтық тапсырмалар/15минут/ І топ: 2 есімдікті Венн диаграммасы арқылы талдау; ІІ топ: есімдіктерді қатыстыра отырып, диалог құрайды; ІІІ топ: «Есімдіктер» картасын салып қорғау ІV топ: Елбасының портретіне қарап, есімдіктерді қатыстырып, мәтін құрау.	Орындарынан тұрады. Шеңберге тұрып, ертегі желісімен топқа бөлінеді. Есімдіктерді салыстырып, ортақ қасиеттерін табады, диалог құрастырады, есімдіктерді жан-жақты қарастырып, қорғайды. Ынтымақтастықта жұмыс жасайды.
Негізгі бөлім	Топтық жұмыстар 1. «Жұмбақ сұрақтар» 4минут «Ия,жоқ» әдісі арқылы есімдік және оның түрлері сұралады. 1. Есімдік сөз табы ма? ия 2. Ол зат есім, сын есім, сан есімнің орнына жұмсала ма? ия 3. Есімдіктің алты түрі бар ма? жоқ 4. Сілтеу есімдігі «қай?» деген сұраққа жауап бере ме? ия 5. «Анау» деген сұрау есімдігі ме? жоқ 6. «Өз елім – өлең төсегім» деген мақалдың ішінде есімдік бар ма? ия 7. Есімдіктер орынбасар сөз табы деп аталады ма? ия 8. «Әрқашан күн сөнбесін» деген сөйлемде жіктеу есімдігі қолданылған ба? Жоқ 2.«Полиглот» 5 минут Ф.Оңғарсынованың «Перзент сөзі» өлеңін мәнерлеп 1 оқушыға оқытамын. Әр топқа бір шумақтан беріп, асты сызылған сөзді орыс, ағылшын тіліне аударуға тапсырма беремін. «Перзент сөзі» өлеңі 1.Әкем – менің тәңірім, пайғамбарым, Ұмтылатын биігім, сайран бағым. Ол білмейтін дүниеде құпия жоқ, Біліп алған, япыр-ау, қайдан бәрін?! Мен – я - ай Күшті де жоқ, дәл ондай жер бетінде, Сұлу мүсін, бір мін жоқ келбетінде! Батыр, дана сол ғана. Асығамын Әкеме ұқсап тезірек ержетуге. 2.Ол жоқ болса, ұйқы да қашты менен, Көріскенде қуаныш шашты денем. Әкеме ұқсап әжемді қадірлеймін, Анашымды әкемше жақсы көрем. Ол – он/она/ - хи/ши/ 3.Ол тұрғанда сезінбей қатер демін, Хандардың да қалпағын әпермедім. Әділ шешім айтатын барлық істе Біздің үйде бас қазы – әкем менің. Біз – мы - уэи 4.Әкем барда, арқам кең, жоқ алаңым, Бәрі орнында: шаруаң, қора, малың. Төрт жағымыз құбыла. Мен өскенде Қиындау-ау әкемдей бола аларым. Бәрі – все - оол Сергіту сәті «Бұл қай есімдіктер?» 2 мин Етікші аспабының бірімен ұқсас келетін есімдіктің қай түрі? Біз Басқаның бәрін өзі сұрайды, өзінен ешкім сұрамайды? Сұрау Көпшіл және көңілшек, Ештемені бөліп жармайды, Көптік ұғым беріп, Көпшілікті қармайды. Жалпылау Құрамындағы сөздің көбін көршісінен сұрап алыпты. Алдына бір буын қосыпты да, есімдіктің бір түрі боп тұра қалыпты.Болымсыздық Суммативті бағалау үшін жеке жұмыстар 1.Тест орындау 3минут 1.Жіктеу есімдігін табыңыз а/бұлар; ә/қайдан;б/ешкім;в/олар 2.Болымсыздық есімдігін көрсет а/бірнеше;ә/саған;б/дәнеңе;в/сол 3.Дұрыс септелген есімдікті табыңыз а/менге;ә/сенмен;б/бұдан;в/сеннің 4.Тәуелденген тұлғадағы сілтеу есімдігін табыңыз а/кіміңіз?;ә/бұнысы;б/өздерің;в/бәрінің 5.тәуелденіп барып септелетін есімдік а/өздік;ә/жіктеу;б/сілтеу;в/жалпылау 2.Өздік жұмыс( кеңейтілген деңгейлік тапсырмалар) 1.... тұтас жер болып едің, Жер-Ана./сен-ж.е./ 2....оқиғаны есіне алғысы келмейді./сол-сілтеу е./ 3.Алмат достарының ... келетінін білмейді./қашан-сұрау е./ 4.... Мадиярға аға тұтып жүр./өзін-өздік е./ 5. Енді ол үшін ... дүние тас қараңғы./бүкіл-жалпылау е./ 6.Басқа ... дыбыс шығарып сөйлемейді./ешкім-болымсыздық е./ 7.... жігіттер жүреді мақтан сөйлеп. /кейбір белгісіздік е./	Критерий бойынша топ басшысы бағалайды. Оқушылар жеке тапсырмаларды орындайды, өздерін және бір-бірін критерий бойынша бағалайды.
Қорытынды	«Ойды аяқтаңыз» рефлексия парағын толтыру арқылы алған білімдерін тексеріп, кері байланыс орнату.(5мин) Бүгінгі сабақ мен үшін сәтті өтті, себебі ... Бүгінгі сабақ мен үшін сәтсіз өтті, себебі ... Сабақ бойы жұмыстану бойынша оқушыларды формативті бағалаймын. Оқушылар өзін-өзі бағалайды.	Оқушылар бүгінгі сабақтан алған әсерлерін қағазға жазып, тақтадағы смайликтерге стикерлерді жапсырады.