Эссе. Тақырыбы:" Менің өмірімдегі көшбасшым"

Эссе

                                                                                                                Павлодар  қаласы ,                                    

                                                                                                  Ленин кенті    №33 ЖОББМ

                                                                                                   Қожакеева Гүлназ Әбубәкірқызы

                             Тақырыбы: « Менің өмірімдегі  көшбасшым»

         Мүмкін...

  Кім біледі, бәлкім, балғын балалығымыз ба, мектеп қабырғасында жүргенімізде кімнен үлгі аласыңдар, өмірлік көшбасшыларың кім сендердің деп жанарынан мейірім төгіліп тұратын аяулы ұстазымыз сұрай қалса болды, ол біздің елбасымыз деп жауап беруші едік. Осындай алып мемлекетті басқару оңай емес қой деп жан-жақтан айқайға салатынбыз.

         Алайда уақыт өткен сайын өмірге деген көзқарасың да өзгереді екен. Біршама дүниелерді тереңінен түсіне бастайсың. Бұрынғыдан әлде қайда бөтен нәрселер таныс бола бастайды. Тіпті киген киімің де, жейтін тамағың да, дос таңдаудағы талғамың да сенімен бірге есейіп, бірге өзгеретін сияқты.

         Дәл қазір мен өмірлік көшбасшымды мүлдем басқа адамнан көремін. Ол кісі маған жат емес, керісінше жақыным. Кезінде ұстазымыз кез келген адам көшбасшы бола алады, ертең есейген соң сендер де көшбасшы болуларың мүмкін деуші еді. Сол кезде осы бір саналы сөздерді мағынасына жетіп түсінбеппін.

Шын көшбасшы ең әуелі өзін-өзі сыйлауы керек, өзін сыйласа өзгелерді де сыйлай алады. Өзіндік пікірі болуы керек, және сол пікірін тыңдармандарыны жеткізе алуы қажет. Әрекеті шыншыл болу керек. Түр-тұлғасы былай тұрсын сөзі мен ісіне жауапты болуы тиіс. Міне осындай қасиеттердің иесі нағыз көшбасшы болуға лайық. Ал мен осы қасиеттерді өз әкемнің  бойынан көрдім. Сондықтан да ол кісінің бүкіл болмысы, жандүниесі маған үлгі, өнеге.

Үшінші  сынып  оқып  жүргенімде анам  кенеттен қатты  науқастанып , төсек  тартып  жатып  қалды . Сол  кезден  бастап  әкем  маған  ана  орнына  ана , әке  орнына  әке болды. Мен өз  әкемді  мақтан  тұтамын  әрі  өмір  бойы  қадірлеп  өтемін. Себебі  ол балаларын  және  науқас  анамды  тастап  кетпей  бізді бағып  қақты  және  анамызды  күндіз –түні  қарап , барлық  жағдайын  жасап отырды . Әкем  осы арқылы өздерінің  махаббаттарының  шексіз  екендігін  көрсете білді деп  ойлаймын .  Әкем  менің  төсек  тартып науқастанып  қалған  анамды  22  жылға жуық аялап  алақанында  ұстап , соңғы  сапарға да қимастан жіберді.....

   Сондықтан  мен асқар  таудай   әкемді үлгі  тұтып , өз  өмірімнің көшбасшысы  деп  білемін.