Графиктік ақпаратты өңдеу. 5 сынып сабақ жоспары

Пән аты: Информатика 
Сыныбы 5 А, Ә, Б, В
Күні ____________
№18 сабақ

Сабақтың тақырыбы: Графиктік ақпаратты өңдеу (бейнелерді масштабтау, трансформациялау), баспаға дайындау. Баспадан шығару. 
 Білімділік: Үзінділерді шағылдырып бейнелеуді, бұруды, созуды және еңкейтуді 
үйрету;
Тәрбиелілік: Оқушылардың эстетикалық талғамын қалыптастыра отырып, жан-жақты болуға, техникалық құрылғыларды пайдалану барысында ұқыптылыққа, мәдениеттіліке тәрбиелеу;
Дамытушылық: Оқушылардың компьютерлік графикамен жұмыс істеу принциптерін меңгерту арқылы теориялық білімін, ой-өрісін, шапшаң ойлау қабілетін дамыту. Шығармашылыққа баулу;
Сабақтың түрі: Аралас сабақ. 
Сабақта қолданылатын көрнекті құралдар: Интерактивті тақта, POWER POINT 
слайдтары, компьютер.
Сабақтың өту барысы:
1. Ұйымдастыру кезеңі 
2. Үйге берілген тапсырманы тексеру
3. Жаңа тақырыпты түсіндіру.
4. Сабақты бекіту.
5. Үйге тапсырма беру
Өткен тақырыпты қайталау:
• Үзінді дегеніміз не?
• Үзінділерді белгілеу жолдары қандай?
• Үзінділермен қандай әрекеттерді орындауға болады?
• Үзінділерді көшіру және жылжыту әрекеттері қалай орындалады?
• Үзіндіні жою әрекеті қалай орындалады?
Жаңа түсініктер:
Кескіннің детальдарын дәлдеу масштабтың көмегімен жасалады. Windows-тегі барлық амалдар сияқты, масштабты әртүрлі тәсілдермен өзгертуге болады. Мыналарды пайдаланыңдар: 
-Түр (Вид) тіркеме бетінің саймандарын; 
-Негізгі тіркеме бетіндегі Масштаб сайманын; 
-Жай-күй жолындағы Масштаб жүгірткішін; 
«Трансформация» сөзі латын тілінен түрлену, алмасу деп аударылады. 
Үзіндіні бейнелеу немесе бұру әрекеттері:
1. Үзіндіні белгілеу
2. Рисунок менюіндегі немесе қосымша
менюдегі Отразить/Повернуть командасын орындаймыз
Бұл команда арқылы үзіндіні тік (вертикаль) немесе көлденең (горизонталь) осьтеріне қатысты 90,180, 270 градусқа бұруға болады.
Үзіндіні еңкейту немесе созу әрекеттері
1. Үзіндіні белгілеу
2. Рисунок менюіндегі немесе қосымша
менюдегі Растянуть/Наклонить
командасын орындаймыз
Беттің параметрлері терезесін шақырыңдар (96-сурет): Paint –Басып шығару батырмасы-Беттің параметрлері. Беттің толтырылу бағытын (ориентация) ортаға түзеуді, масштабты өзгертіңдер. Печать батырмасын шертіп, сенімді түрде басып шығаруға жөнелтіңдер. Егер бір нәрсе өзгерту керек болса, онда Беттің параметрлері терезесіне қайтып оралуға тура келеді. 
Тапсырмалар:
Компьютердегі тәжірибелік жұмыс
Суретке “Құттықтаймын!” мәтінін орналастырыңдар. Суреттің масштабын өзгертіңдер. Түспен толтыру сайманын пайдаланып, әр әріпті өз түсіне қайта бояп шығыңдар. 
Құттықтаймын! 
Компьютердегі тәжірибелік жұмыс
1. Көбелектің суретін салыңдар. 
2. Кескінді бірнеше рет көшіріңдер. 
3. Суреттің мөлшерін барлық мүмкін тәсілдермен өзгертіңдер.
4. Әр өзгертуді жазып, белгілеңдер. Мысалы, “30 градусқа бұру”
5. Суретті сақтаңдар. 

Сабақты бекіту сұрақтары:
• Үзінділерді бұру әрекеті қалай орындалады?
• Үзінділерді еңкейту немесе созу әрекеті қалай орындалады?
• Суретті басып шығаруға жіберу үшін пернелердің қандай тіркемесі қолданылады? 
• Суреттің фрагментін қалай ұлғайтуға болады?

Үйге тапсырма: п.17, 18.