КІР ЖУҒЫШ МАШИНА ЖӘНЕ ОНЫҢ ҚҰРЫЛЫСЫ

Сабақтың  тақырыбы : Кір жуатын машина, оның құрылысы

Сабақтың мақсаты :

 а) Оқушыларға кір жуатын машина, оның құрылысы туралы білімді игерту;

 ә)  Оқушылардың ой-өрісін, ойлау қабілетін, сөйлеу тілін дамыту. Өз ойын еркін түрде жеткізе білу дағдыларын жетілдіру;

б)  Тәрбиелік мәні бар мысалдар келтіре отырып оқушылардың пәнге деген қызығушылығын ояту, өмірде кездесетін оқыс оқиғалардың алдын алуға баулу.

Сабақтың барысы :

а)  Ұйымдастыру кезеңі :

 Оқушылармен амандасу, түгелдеу, оқу құралдарын тексеру. Сыныптың тазалығына көңіл бөлу. Оқушылардың зейінін сабаққа аудару.

ә)  Өткенді пысықтау.

 б)  Жаңа сабақ.

Кір Жуғыш Машина– электрлі. Кірлеген бұйымдарды үй жағдайында жууға лайықталып шығарылады. Кірлеген бұйымдарды ерітінді арқылы жуу, шайқау (қарқынды түрде айналуға мүмкіндік жасайтын энергия бөлу) әдетте айналып тұратын қалақты дискі (активатор) немесе барабан арқылы жүзеге асады. Кір жуғыш машиналардың кірді сықпайтын (СМ типті); біліктің көмегімен қолмен сығатын (СМР типті); жартылай автоматты-дискілі активаторы және кірді сығатын центрифугасы бар екі бакты немесе жалғыз бактыбарабанды (СМП типті); программамен басқарылатын автоматты (әдетте жалғыз бакты барабанды) (СМА типті) түрлері шығарылады. СМ және СМР типті, сондай-ақ екі бакты жартылай автоматты кір жуғыш машиналардың түбі көлбеу, еңіс келеді де, тігінен орналасқан бағы болады. Бактың түбіне немесе қабырғасына орнатылған дискілі активатор машинаның жұмыс органы болып табылады. Ол машина корпусының төменгі жағына орнатылған электродвигательдің күшімен (минутына 600—700 рет) айналады. Машинаның токқа қосылуы сөндіргіш немесе таймер арқылы жүзеге асады. Таймер тұтқасын белгілі бір уақытқа қойғанда, сәл уақыт өткен соң машина автоматты түрде тоқтайды. Кір суды шлангымен ағызып жібереді немесе насостың көмегімен сорғызып алады.2. Үйдегі дәріқұты (аптечка) және оның құрамымен таныстыру.

Тапсырмалар орындау:

1.     Диалог «Кір жуатын машинаны дүкенде сатып алу» рөлге бөліп ойнау.

2.     Кір жуатын машина құрылысын қайталау.

Қорытынды:  Балалар, қандай тақырыппен таныс болдыңдар? Кір жуатын машина дегеніміз не? Ол не үшін қажет? Оның құрылысы қандай?