Как научиться писать сочинения на кабардинском языке?

         Дэтхэнэ зыми ещ1э сочиненэр 1ыхьищу зэрызэхэлъыр: пэщ1эдзэ,1ыхьэ нэхъыщхьэ, к1эух. Нэхъ гугъу дыдэр щ1эдзап1эращ дэтхэнэм дежк1и. Аращи, ар дыдогъэхури 1ыхьэ нэхъыщхьэм долэжь. Черновик т1ыгъкъэ -т1э?

         Сочиненэр литературнэ тхыгъэр ди псалъэк1э къэт1уэтэжу аракъым, ат1э тхак1уэм 1уэхугъуэ зытетхыхьхэмк1э къытхуи1уэтэну зыхуейр, абы теухуауэ дэ ди гупсысэхэр къыщыдгъэлъэгъуэн хуей щ1ып1эщ.

         Дауэ пщ1ыну, уи гупсысэр а темэм пхутемыухуэмэ? Дауэ мыхъуми тхылъым итыр щ1эк1ыу къыумытхык1. Ар къэгъэсэбэп, ауэ уэ къызэрыбгуры1уам хуэдэу, уи псалъэк1э, уи 1уэху еплъык1эк1э.

         Иджыри зэ сочиненэм и темэм доплъыжри, упщ1эм жэуап идот.

Ар идейно-художественнэ характеристикэ гуэру щытмэ , к1эщ1у къыхыдогъэк1 езы тхак1уэм и гупсысэр, тхыгъэр щитхым и1ар, ит1анэ къигъэсэбэпа хдожественно-изобразительнэ 1эмалхэр жыдо1э.

         Ар л1ыхъужьым и хьэл гуэрмэ, дигу къыдогъэк1ыж ар зи ц1ыху лъапсэр, тхак1уэм ар ди нэгу къызэрыщ1игъэувэр, абы и дуней тетык1эмк1э езым теухуа выводхэр дощ1ыж.

         Сочиненэм и темэм л1ыхъужьым апхуэдэу е мопхуэдэу щ1ищ1ар къэтщ1эну арамэ, япэ дыдэу дэ а упщ1эм и жэуап зэдотыж.

         Ефта? А гупсысэр тхыгъэм къыхэщ щапхъэхэр къэтхьк1эрэ зыдогъэужь.

Л1ыхъужьхэм ит зэманым иту ф1эк1а фытемыпсэлъыхь. Псалъэм папщ1э: Хьэтурэ Пщэхурэ нэгъуэщ1 къуажэ щохьэщ1э. Ахэр дыгъужьхэм хуозэ.

Къэбгъэсэбэп хъуну псалъэхэр:

Дауэ хъуми...

Арати...

А1уэхугъуэр мы щ1ып1эм...

Согъэтэмэм...

         Дигу илъыр псори къэт1уэта нэужь, псори къызэщ1эткъуэжу тхыгъэм дызэрыхущытыр, темэр дигу зэрырихьар ди зэманым идопх.

          Гу зэрылъыфтащи, к1эухми дыхуэк1уэжащ.

Иджы къэнэжар зы мащ1э дыдэщ - пэщ1эдзэр тхыжынырщ. К1эухым зэманыр къыхэщамэ, тхылъыр щатха зэманымк1э къыщ1эбдзэ хъунущ. Пэщ1эдзэм укъеджэмэ, сочиненэр зытеухуар къыбгуригъэ1уэфу щытын хуейщ.

Мыпхуэдэ псалъэхэри хэбгъыхьэ хъунущ:

Тхыгъэм лъабжьэ хуэхъуащ...

Абы и гугъу щещ1...

А темэм тетхыхьа нэгъуэщ1 авторхэми я гугъу пщ1ы хъунущ.

         Иджы птхам псоми укъоджэж, щыуагъэхэр къыхыбогъэк1ыжри, къабзэу къыботхык1ыж. Уи сочиненэр хьэзырщ!