Көңілді жарыс "Шынығып, ширап өсеміз"

Өлеңді орта мектебі

Тақырыбы:

«Шынығып, ширап өсеміз»

                            Дене шынықтыру пән мұғалімі: Буханов Н.Е.

2015-2016 оқу жылы

       Тақырыбы : “ Шынығып, ширап өсеміз ”

Ұраны : “ Ауқатты тамақтан, салауатты өмір сүр, денсаулығынды сақта! ”

     Мақсаты : Оқушыларға салауатты өмір салтын насихаттап , өз денсаулығын күте білуге , зиянды әдеттерден аулақ болуға баулу; еліміздің болашағы жастардың қолында екенін айта отырып болашаққа деген көзқарасын қалыптастыру.

      Көрнекілігі : теннис ракеткасы, теннис шаригі, шаңғы, ақ қағаздар, баскетбол добы, арқан, секундомер, ысқырық.

Таусылмаса жүректегі асқақ әнім ,

Тек биікте самғатам жыр қыранын.

Азатпыз , Тәуелсіз біз , Еркінбіз деп .

Шырқайық Ұлы Отанның Әнұранын

                                                   ( әнұран орындалады )

         Құрметті қонақтар , ұстаздар,  қымбатты оқушылар , “ Шынығып, ширап өсеміз ”  атты спорттық жарысқа  қош келдіңіздер. Жарысқа 7 сынып оқушылары қатысады.Сайыс мынадай бөлімдерден тұрады:

1.     Сәлем – сөздің анасы. Сәлемдесу.

2.     Шынықсаң, шымыр боласың.(Спорттық жарыстар)

Жарысты бастамас бұрын әділ баға беретін әділқазылар алқасымен таныс болыныздар.

 Мектеп директоры Серкенов Жомарт Амантайұлы.

Директордың тәрбие ісі жөніндегі орынбасары Спанова Ажаркүл Балтабекқызы.

Әскери жетекші Исмагулов Ерболат Кереевич.

1.     Сәлемдесу. Әр топ өздерін таныстырады. Ең жоғары ұпай 5.

Командаларды сапқа тұрғызу, командаларды ортағы шақыру.

Команданың аты: «Өркен».

Команданың ұраны:

Біз – Өркенбіз,

Шынығып алда боламыз.

Біріміз үшін, бәріміз

Жаттығамыз шынығып.

Сәлемдесуі: «Өркен» командасының жетекшісі:

Армысыздар, «Жас талап», көрермендер,

Мың сәлем, туған өлке, егемен ел.

Біліммен ел көгерер, гүлменен жер,

Сіздерге сәлем берген өркендіктер.

Команданың аты: «Жас талап».

Команданың ұраны:

Біріміз бәріміз үшін,

Бәріміз біріміз үшін.

Үйренеміз спортты

Бұл спорттың мерейі.

Сәлемдесуі: «жас талап» командасының жетекшісі:

«Жас талаппыз», «Өркеге» сәлем береміз,

Ағалардан үйреніп, еріп келеміз.

Туған елге, Жасталап керек шыныққан

Армысыздар! Ертеңгі күнге сенеміз.

2.     Теннис ракеткасына, теннис шаригін қойып кедергілерден алып жүру.

3.     Топ басшысын шаңғы тебуге дайындау.( Оқушылар кезектесіп  тұрған үстелдегі киімдерді кезектесіп әкеліп топ басшысын киіндіреді, ең сонында топ басшысы шаңғыны киіп, үстелді айналып келуі тиіс. Қай команданы4 топ басшысы бұрын аяқтаса, сол команда жеңіске жетеді.)

4.     Кірпіше қарғу.

(еңкейіп тұрған алдындағы баланың арқасына қолын тіреп, аяғын тигізбей, үстінен қарғып өтеді. Кезек бастапқыда қарғыған бастаушы қайта айналып келгенде, ойын аяқталады. Қай команда бұрын аяқтаса, сол команда жеңіске жетеді.)

5.     Мумия.(Әр топтан бір оқушыдан ортаға шығады, қалған оқушылар 4 минут ішінде оқушыны қағазбен орау керек. Қай команда бұрын аяқтаса, сол команда жеңіске жетеді.)

Ортаға мектебіміздің бищі қыздарын «Лока-лока» биімен қарсы алайық.

6.     Капитандар сайысы.( Баскетбол добын торға лақтыру 5 мүмкіндік беріледі .Кім көп спорт түрлерін біледі?)

7.     Арқан тартыс.

     Құрметті қонақтар , ұстаздар,  қымбатты оқушылар , “ Шынығып, ширап өсеміз ”  атты спорттық жарысымыз өз мәресіне жетті, қорытынды сөзді әділқазылар алқасына беріледі.

  Келесі кездескенше сау болыңыздар. Жеңімпаз команда тиісті сыйлықтар мен мадақтау қағазымен марапатталады.

Тақырыбы:                “ Шынығып, ширап өсеміз ”

№	Сайыс түрлері	«Өркен» тобы	«Жас талап» тобы
1	Сәлемдесу
2	Теннис ракеткасына, теннис шаригін қойып кедергілерден алып жүру.
3	Топ басшысын шаңғы тебуге дайындау.
4	Кірпіше қарғу.
5	Мумия.
6	Капитандар сайысы.
7	Арқан тартыс.
Жалпы ұпай саны