Классный час на тему "8-март аналар күні"

Дәрис мавзуси: «Ана – өйниң жүриги»

Дәрис мәхсити: Анилар мәйримини тән-тәнлик атап өтүш , мәйрәм әһмийитини чүшәндүрүш.

 Аниға дегән меһирванлиғини, көйүмчанлиғини муһаббитини күчәйтиш.           Балиларни анисиниң әмгигини һөрмәтләшкә, адәмгәрчиликкә, меһирванлиққа тәрбийәләш.

Пайдилинидиған көрнәклик: там гезити, проектор, гүлләр, соғилар, шарлар, конкурслар, видеоролики.

Дәрисниң бериши:

1.     Уюштуруш қисми

Муәллим:

-         Һөрмәтлик устазлар, қиммәтлик анилар, меһриван момилар, баһар гүлидәк ечилған қизлар, силәрни 8-март хәлиқаралиқ аяллар күни билән тәбрикләймән! Силәргә әң биринчи тән саламәтлик, аиләвий бәхит, узақ өмүр, ишиңларға утуқлар тиләймән! Бүгүнки бизниң 8-март мәйримигә беғишланған әтигәнликкә хуш кәпсиләр! Бу узун тарихқа егә болған мәйрәм өз бешини 1910-жилдин башлайду.Дәсләп аялларниң тәң һоқуқлуқ болушини халиған Клара Цеткин еди.Бу чуғи кичик әқиллик аялниң сөзини көпчилик қоллап-қувәтләп,мәйрәм сүпитидә атап жүрди.Лекин йошурун түрдә өтәтти.Һазир мустәқил Қазақстанда яшаватқан барлиқ милләт аяллири бирдәк һоққуққа егә.

-         Анилар бизни дунияға яратти,бақти,өстүрди.Меңишни, сөзләшни үгәтти.Аниларниң биз үчүн қилған пүтмәс,түгимәс әҗрини аңлап көрәйлуқ.

-         Ким ойғитиду һәр таң?

-         Анам.

-         Ким тәйярлайду чай вә нан?

-         Анам.

-         Чачлиримни ким тарар?

-         Анам.

-         Ким әркилитиду қозам дәп?

-         Анам.

-         Ким мәктәпкә узитиду?

-         Анам.

Слайд көрситиш аниларниң балилири билән чүшкән сүрәтләр.

-         Силәргә беғишлап бизниң балилар тәйярлиған шеир, нахша вә усуллирини қобул қилиңлар.

Искандер:

8-март

Аяллар күни,

Сорашқа бардим.

Момам һалини

Берип салам дәп,

Алдим қолини

Тәбриклидим

Улуқ тойини.

Аиша:

Йоған деризидә,

Кочида еди.

Клубқа маңған,

Қизлар көрүнди.

Момам көрдидә,

Бир еғир тинди.

Есигә алди, өткән өмрини.

Интизар:

Бөшүгүмгә бағриң йеқип,

Уйқиға сән  бәрдиң бәрдаш.

«Балам» дәпму жапа чекип,

Көйүп-пишип төктиң көп яш.

Радмир :

Бу жаһанда көрмидим,

Ана кәби меһриван.

Миң издисәң тапалмайсән,

Ана охшаш қәдирдан.

Мәрзия :

Бизни чоң қип қоштиң,

Яхши адәм қатариға.

Яшлиқ өмрүң ақти судәк,

Һаятиңниң гүлзариға.

Осман:

Ана бәхит юлтузи,

Бәхти-оғул һәм қизи.

Әвлат өсүп йетилсә,

Мәңгү өчмәс юлтузи.

Рамина:

Ағрип қалсақ биз,

Пәрванә болуп.

Бизгә көйүнүп,

Ғәмдә қалисиз

Дильмухомед :

«Ана» десәм қәлбим күлүп,

Хошаллиқта сайрар тилим.

«Ана» исми шунчә улуқ,

Нур алғандин шундин дилим.

Оқуғучи:

Гүлләрдин таллап саңа дәстә тизай,

Рәссам боп сүритиңни,ана,сизай.

Аниҗан сениң үчүн та бир өмүр,

Тәвритип қәлимимни дастан язай.

Оқуғучи:

Қуанышы баланың,

Қуанышы ананың.

Қуанышы ананың,

Қуанышы баланың.

Муәллим:

-         Әнди, балилирмиздин силәргә музыкилиқ соға

«ана » нахшисини хор билән ейтиш

Ана десәм билимән,                    Ана десәм тағларниң

Сулар тохтап қалғандәк             Қари ерип кәткәндәк

Ана йәрниң үнигә                       Шу улуқ нам алдида

Худди қулақ салғандәк              Турар бешин әккәндәк

Амина:

Дунияда улуқ,                    Аниларни биз,

Анилиримиз.                      Һөрмәт қилимиз

Ана һәққидә,                      Уларға узақ

Қошақ ейтимиз.                 Өмүр тиләймиз

Фариз :

Анидәк әзиз,

Меһриван болмас.

Ана у бир гүл,

Ечилар солмас

Ислам:

Ана мәйримиң,

Мубарәк  болсун.

Бәхтияр өмрүң,

Шатлиққа толсун.

Балилар әнди биз силарниң анилириңлар билән оюн ойнап көрәйли. «Йеңи туғулған бовақни қандақ күтүш керәк»?

Латифа :

Арзулап бизни,

Өстәрди ана.

Балам өссун дәп,

Тилигән ана.

Халима :

Ана өмүр гүлидур,

Бар пориги, ғунчиси.

Аңа бирдәк қәдирлик,

Тунжиси һәм кәнжиси

Низам :

Ана меһри кәң упуқтин,

Биз меһирни шундин алған.

Ана улуқ улуқлардин,

Көңлимизгә орнап қалған.

Ясмина:

Ана меһри бала үчүн,

Қайнап турған пак булақ.

Мәйли сәт бол, мәйли қиңғир

Сән анаңға бир омақ.

Умида :

Ана дегән әң йеқимлиқ,

Әң гөзәл аләмдә.

Ана ойи мәңгү течлиқ

Меһривандур адәмгә.

Муәллим:

-         Силәрниң һөрмитиңларға, оғулларниң уссулини қобул қилиңлар

Ирада :

Қозам дәтти сөйгү тепип қәлбидә,

Бағриға у бесип мәккәм бәзидә.

Жиллар өтүп, өсүп чоң болсам,

Ақ сүтни ақлаш мәхсәт мениңдә.

Шахмира :

Арман билән өстәрдиң,

Ақ сүт берип анижан.

Уруғини гүлләрниң,

Дилға тәрдиң анижан.

Шахсанам :

Ана қәлби бала үчүн

Қиши йези көк орман.

Ана шәпқәт һәмдәм саңа,

Дайим йөләк күч дәрман.

Әнди балилар қизлар  уссулини қобул қилаңлар

Муәллим:

Қазақстан Җумһурийитидә яшаватқан һәммә анилар тәң һоқуққа егә.Билим елиш,әмгәк қилиш,әмгигигә һәқ елиш,сәясий вә мәдәний ишларға арилишиш һоқуқлири бар.

Қанунда йезилған һоқуқлар иш йүзидә әмәлгә ешип кәлмәктә.

-         Әнди балилар апилириңларға тәйярлиған соғилириңларни бериңлар.

Муәллим:

Улар бу сүрәтләргә алаһидә көңүл бөлүп,меһри билән силәрниң қияпитиңларни сүрәтләп чиқти.Оқуғучилар үчүн бу интайин қийин иш,лекин бизниң балилар бу ишниң һөддисидин дегәндәк чиқти,дәп баһа беришкә болиду.

Мошу сүрәтлирини пайдилинип,балилар билән бир оюн ойнашни тоғра көрдүм.

Нөвәттә оқуғучилар үч топқа бөлүнүп,һәр бир топқа соал берилиду.Берилгән соалға қайси топ тоғра вә көпирәк җавап бәрсә, шу топ йәңгән болиду вә соға берилиду.

1.     «Арман» топиға соал:

-Ана тоғрисида шеир ейтиш.

     2. «Гүлхан» топиға соал:

          -Сениң анаң қандақ?

     3. «Гүлистан» топиға соал:

- Берилгән сүрәтләргә қарап анилиримизға чирайлиқ сөзләрни ейтиш.

          

                                    

Муәллимниң хуласә сөзи:

-Һөрмәтлик анилар,меһманлар, әзиз балилар!Кәлгән қәдимиңлар үчүн көп рәхмәт!Мустәқил Қазақстан һурийитимизни гүлләндүрүш үчүн бар күчимизни айимай,сәрип қилайлуқ!