Кластан тыс жұмыс "Ғажайып информатика"

Кластан тыс жұмыс жоспары                                                                      «Бекітемін»

                                                                                                                      _______________

                                                                                                           «__» _____________2015 ж.

Тақырыбы: «Ғажайып информатика»
Уақыты: 27.11.2015 ж.

Қатысатын кластар: 6 «А», 6 «Ә», 6 «Б»

Жарыс кезеңдері:
І. “Бәйге” (Сайыскерлерге 10 сұрақ қойылады. Әр дұрыс жауапқа 10 ұпайдан беріледі).
ІІ. “Тіл - өнер” (Жұмбақталып 10 жасырын сөз оқылады. Сол сөзді тауып қазақ, орыс, ағылшын тілдерінде айтқан оқушыға 30 ұпай, ал екі тіл де айтса 20 ұпай, бір тілде айтса 10 ұпай).
ІІІ. “Көкпар” (Логикалық есептер беріледі, дұрыс жауапқа 10 ұпай).

ІV. “Адасқан әріптер” (Дұрыс жауапқа 5 ұпай).
V. «Кім жылдам?» (Информатикаға қатысты торкөзде сөздер жасырылған дұрыс жауапқа 5 ұпай)

VI. «Сергіту» (Әр топқа қима қағаздар таратылады. Қағазда жазылған тапсырмаларды әр топтан бір оқушы шығып мимикамен (іс-қимылмен) көрсетуі қажет, дұрыс шыққан іс-әрекетке 50 ұпай, сәтсіз шыққанына 25 ұпай)

VII. Марапаттау.

Жүргізуші: Құрметті ұстаздар мен оқушылар! «Ғажайып информатика» атты сайысымызға қош келдіңіздер! Әділқазы алқасын танысып өтсек:

1._________________________

2._________________________

3._________________________
Компьютер – сенің көмекшің
Қаламың, әрі қағазың!
Керек емес демессің,
Аздаған болса хабарың.
Үйрену керек бәрін де – 
Ақпараттық заманың! – дей келе «Ғажайып информатика» атты ойынымызға қатысушы топтарды қошеметтейік.

1 топ – «Алғырлар»

2 топ – «Тапқырлар»

3 топ – «Білімділер»

Енді қазір алдарыңызға жеребе тасталады, әр топтан бір оқушы шығып бір-бір жеребе алайық. Жеребеде реттік номерлер жазылған, сол реттік номерлер бойынша топтар жауап береді.

Мәңгі бақи есте қалар,
Қызықты бір жиын болсын
Білімдірек шәкірт озар,
Сұрақтары қиын болсын – дей отырып, ойынымыздың «Бәйге» деп аталатын І кезеңін бастайық. Бұл бөлімде топтарға сұрақтар қойылады. Жауап нақты, тез болу керек. Әр дұрыс жауапқа 10 ұпай беріледі.

1 топқа арналған сұрақтар:
1. Ақпараттың неше түрі бар? (5 түрі бар)
2. Ақпараттық процестерді атаңыз. (сақтау, өңдеу, жеткізу).
3. Компьютердің негізгі құрылғыларына не жатады? (жүйелік блок, монитор, пернетақта, тышқан).
4. «Ақпарат» сөзі латынның қандай сөзінен шыққан? (information)
5. Пернетақтаның неше пернесі бар? (104 пернесі бар)
6. Алғашқы есептеу құрылғысы? (саусақтар)
7. Компьютердің миы. (процессор)
8. Жалпы желіге қосылу үшін қажетті құрылғы (Модем)
9. Адам мен компьютер арасындағы қарым – қатынас (Интерфейс)
10. Вирустың кері әсерін жоятын программа (Антивирус)

2 топқа арналған сұрақтар:

1. Ақпаратты қағазға басып шығаратын құрылғыны қалай атаймыз? (Принтер)
2. Қағаздағы ақпаратты компьютерге тікелей енгізетін құрал (Сканер)
3. Компьютердің ақыл ойы? (Процессор)
4. Терезенің орысша атауы? (Окно)
5. Сурет салуға арналған графикалық редактор?(Paint)
6. Алғашқы есептеу құрылғысы (Саусақ)
7. Ақпараттың ең кіші өлшем бірлігі (Бит)
8. Бір байта неше бит бар? (8)
9. Алгоритмнің графиктік түрде бейнеленуі (Блок - схема)
10. Компьютерге зақым келтіретін арнайы шағын программа (Вирус)

3      топқа арналған сұрақтар:

1.    ЭЕМ - мен жұмыс жасау кезінде экраннан қанша қашықтықта отыру керек? (60 - 70)

2.    «Paint» қандай редактор? (графиктік)

3.    Ақпараттың ең кіші өлшем бірлігі (Бит)

4.    «Ақпарат» сөзі қай тілден шыққан? (Латын)

5.    Дүниежүзілік желі? (Интернет)

6.    Бас әріптер режимін іске қосу пернесі? (CapsLock)

7.    Екілік санау жүйесінің сандары? (0 мен 1)

8.    Компьютердің миы (Процессор)

9.    Вирусты жоятын программа (антивирус)

10.    Дыбыс жазу құрылғысы (Микрофон)

Жүргізуші:  Жас достарым, мұны айтпаймын несіне,
Информатиканы құрметтеу менің есімде.
Қазақ, орыс, ағылшын тілін білсеңіз,
30 ұпай, шәкіртім саған несібе, - дей келе “Тіл - өнер” атты ІІ кезеңімізді бастайық. Бұл бөлімде жұмбақ беріледі. Жауабын тауып, сөзді орысшаға, ағылшынға аударасыздар. Бір тілде жауап берсе 10 ұпай, екі тілде жауап берсе 20 ұпай, 3 тілде жауап берсе 30 ұпай қосылады. 

1 топ:
1. Төртбұрышты әйнек,
Тұнып тұрған әлек. (монитор - монитор)
2. Ұзын тұра Жалқаубек,
Тұрмай ылғи жатады.
Қозғала қалса артынан,
Ешбір белгі қалмайды. (бос орын пернесі - пробел - blank)
3. Бұта қорнында мың бір инесі,
Компьютер жаны мекені (кактус - cactus – тікенек гүл)

2 топ:
1. Тетігін бассаң алаңсыз,
Жазады қалам, қағазсыз (пернетақта - клавиатура - keyboard)
2. Батырмасын басасың
Қажетті файлды ашасың (тышқан - мышка - maus)
3. Жоқ өзінде бас та, қас та, мойын да,
Ұзындығы жазулы тұр бойында. (сызғыш, линейка, a ruler)

3 топ:

1. Қабат-қабат қаттама
Ақылың болса аттама. (кітап, книга, book)
2. Түйеқұс таразыда бір аяғымен тұрғанда 12 кг. тартады. Ал егер екі аяғымен тұрса, қанша тартады?  (он екі, двенадцать, twelve)

3. Батырмасын басасың
Қажетті файлды ашасың (тышқан, мышь, mouse)

Жүргізуші:

Қойылған сұрақ есепке,
Ойланып жауап іздейік.
Уақытты текке өткізбей,
Қатесін анықтап берейік, -дей келе “Көкпар” атты ІІІ кезеңімізді бастайық. Бұл бөлімде логикалық есептер беріледі дұрыс жауапқа 10 ұпай.
1 топқа:

1. Бөлмедегі әр бұрышта бір мысықтан және оған қарама – қарсы үш мысықтан отырса, бөлмеде неше мысық бар? - 4 
2. Үстел үстінде үш стакан шие тұр. Марат бір стакан шиені жеп қойды. 
неше стакан қалды? - 3 стакан 
2 топқа:

1. Үш ат жегілген шана бір сағатта 15 км жүріп өткен. Әрбір аттың жылдамдығы қандай еді? - (15 км/сағ)
2. Допты лақтырғанда, доп сол ізі мен кері қайту үшін оны қалай лақтыру керек? - жоғары
3 топқа:

1. Қараңғы бөлмеде майшам мен керосин лампасы бар. Бірінші не жағасыз? – шырпы
2. Баспалдақ 15 басқыштан тұрады. Баспалдақтың ортасында тұру үшін нешінші басқышта тұру керек? – 8.

Жүргізуші. Ойынымыздың IV кезеңі “Адасқан әріптер” бұл кезеңде информатикаға қатысты сөздер берілген. Осы адасқан әріптер арқылы дұрыс сөз құрастыру. Дұрыс жауапқа 5 ұпай.
1 топ

1. Нимотор ----------- Монитор
2. Пьюромтек ------- Компьютер
3. Енрепатқат -------- Пернетақта
2 топ

1. Лайф ---------------- Файл
2. Рльоукятакл ------ Калькулятор
3. Атқсуа -------------- Сақтау
3 топ

1. Аэкторикелн ----- Электроника
2. Дңеөу -------------- Өңдеу

3. Партқаа -----------Ақпарат

Жүргізуші.
V. «Кім жылдам?»  атты бесінші кезеңімізді бастайық. Берілген торкөздердегі әріптерден кім жылдам және информатикаға қатысты атауларын табар екен? 

М	К	А	К	О	М	П
О	Н	К	С	Т	Н	Ь
В	И	Т	У	Ы	А	Ю
И	Т	О	Р	Ш	Қ	Т
Р	П	С	К	А	Р	Е
У	Е	Е	Т	Н	Е	Р
С	Р	Н	А	Қ	Т	А

Жауап: бұл жерде 7 информатикаға қатысты сөз жасырылған (МОНИТОР, КОМПЬЮТЕР, ВИРУС, КАКТУС, ПЕРНЕТАҚТА, СКАНЕР, ТЫШҚАН)
 

Жүргізуші:

Келесі кезең «Сергіту», бұл сайыстың мақсаты топмүшелерінің бірлігі мен ұйымшылдығы және жылдамдығын арттыру.  Топтарға тапсырма жазылған қима қағаздар беріледі, әр топ осы тапсырмаларды 4 минут ішінде ақылдасып іс- қимылмен (мимикамен) көретулері тиіс, мимиканың сәтті шығуына байланысты әр тапсырмаға 50 ұпай , сәтсізіне 25 ұпай беріледі. 
1 топ тапсырмасы 
• Батып бара жатқан Титаникті көрсет; 
• Үрленген шардың жарылуы 
2 топ тапсырмасы 

• Көңілді паравоз.. 
• Іші жолаушыларға толған автобустың ойлы-қырлы жолмен жүрісін көрсет; 
3 топ тапсырмасы

• Жаңа ашылған гүлді көрсет; 
• Айдахардың ашулануын көрсет 

Әділ қазыларға сөз беріледі. Ойынның қорытындысы айтылады. 

Жүргізуші. Бүгінгі көріп тамашалаған «Ғажайып информатика» атты сайысымыз өз мәресіне жетті. Зейін қойып тыңдағандарыңыз үшін алғысымыз шексіз!