ГъашIэу сиIэр икъэгъагъэу
Ныдэлъфыбзэм сыкъефапэ
Идэхагъэ, ишъыпкъагъэ,
ИгъэшIуабзэ сэркIэ лъапIэх.
Цуекъо Джэхьфар
Хэтрэ
цIыф лъэпкъи ежь ие шъыпкъэу
ныдэлъфыбзэ иI. Ащ иIашIугъэ ным ибыдзыщэ кIыгъоу сабыим зыхешIэ. Сабыим игупшысэхэр ыбзэкIэ къыреIотыкIых, янэ едэхашIэ. Ныдэлъфыбзэр сыдигъуи гъуазэу тиI. Адыгэмэ гущыIэжъ яl: «Зыбзэ зиджагъом янэ еуджэгъужьы». Адыгабзэр сян,
сыкъэзылъфыгъэ ным фэдэу шlу
сэлъэгъу, сишъыпкъэу зэсэгъашlэ, нахь
куоу къызlэкlэзгъэхьаными сыпылъ.
Бзэ лые щыlэп. Нахь бзабэ пшlэ къэс, нахь бай охъу. ЦIыф лъэпкъ зэфэшъхьафхэм уадэгущыlэщтымэ, ащ абзэкlэ уадэгущыlэн плъэкlыщт. Ар зымкlэ дэгъу, ау убзэ умышlэжьыныр ар пхъэтэпэмыхь пшlыныр емыкlу. Щыlэх урысыбзэм нахь дихьыххэу, абзэкlэ гущыlэнхэу ашъхьа рамыпэсхэу. Ар тэрэзэп. Непэ адыгабзэр
тиреспубликэ икъэралыгъуабз, Адыгэ телевидением икъэтынхэр ныдэлъфыбзэкlэ зэхещэх, Адыгэ радиом икъэтынхэри
макlох, Адыгэ къэралыгъо
университетым илъэпкъ факультет кадрэхэр къегъэхьазырых, педагогическэ колледжми
адыгабзэр куоу щызэрагъашlэ.
Бзэр
щэlэфэ лъэпкъыр щыl, ар пщыгъупшэмэ, убыххэм къащышlыгъэр къыпщышlыт, - лъэпкъ кlодэу тыкlодыщт, тихъишъи ащыгъупшэжьыщт. Ар
зэрэмыхъущтыр хэти щыгъупшэ хъущтэп. Бзэр – лъэпкъым ыпс, тиусакlохэм ятхыгъэхэм ащкlэ тяджэ, усэхэр зэтэгъашlэх, театрэм икъэгъэлъэгъонхэр
адыгабзэкlэ агъэуцух.
Адыгэхэм сыдигъокlи жэбзэ дахэ зыlулъыр ялъэпlагъ. «Куп зыгъэдаlорэр, куп ыуас» - аlощтыгъэ. Гущыlэ щэрыохэр зикlасэхэм, зижабзэ къабзэм уасэ фашlыщтыгъэ. Лlыжъ губзыгъэхэу хьакlэщхэм къыщыгущыlэхэрэм щысэ атырахыщтыгъэ. Джэгуакlоу джэгур зезыщэрэм игущыlэ зэкlэ хъярым къекlолlагъэхэр ыгъэдаlощтыгъэ. Джащ фэдизэу жабзэм мэхьанэ
ратыщтыгъэ. Адыгэ джэгуакlохэм яжабзэ мэхьанэшхо
ритыщтыгъэ М. Горькэми. Ащ истатьяэу «Разрушение личности» зыфиlорэм адыгэ джэгуакlохэм щысэ атрахынэу литераторхэм
къяджэщтыгъэ.
Непэрэ ныбжьыкlэхэм мыхэр икъоу къыдгурыlорэп,
тыбзэ lэкlыб зышlыхэри къытхэт: адыгабзэр къин, онтэгъу зыlохэрэр.
Сыбзэ бэ къинэу зэпичыгъэр, хьазабэу ыщэчыгъэх, ау зыми къыуфагъэп. Хьарап
хэгъэгухэм арыс тилъэпкъэгъухэр адыгэбзэ къабзэкlэ мэгущыlэх,
уядэlу зэпытытыгъэми уязэщырэп, абзи яхабзи чlанагъэп,
къаухъумагъ, ялъапl: Европэм икъэралыгъохэм ащыпсэурэ тилъэпкъэгъухэми
адыгабзэр дэгъоу ашlэ, агъэфедэ, агъэлъапlэ. Ятхакlохэр
бзэмкlэ матхэх, ясабыйхэм адыгабзэр арагъашlэ.
Ахэмэ уадыгэмэ уарымыгушхон плъэкlырэп. Щыlэх хэгъэгухэр тилъэпкъэгъухэр абзэкlэ
щыгущыlэнхэ фимытыхэу. Ар тхьамыкlагъу.
Тэ ащкlэ тышъхьафит.Тыгу щизэу адыгабзэкlэ
тэгущыlэ, адыгэ орэдхэр къэтэlох, еджапlэм
тыщеджэ. Ащкlэ тыфэраз Адыгэ Республикэм илlышъхьэ.
Адыгэ Республикэм щызэрахьэрэ lофтхьабзэхэм яшlуагъэкlэ
адыгабзэр ыпэкlэ лъэкlуатэ, урысыбзэм кlыгъоу
къэралыгъуабзэм ипшъэрылъхэр зэшlуехых. Тицlыф гъэсагъэхэм бзэм хахъо ышlынымкlэ бэ lофэу ашlэрэр.
Бзэр дэгъоу пшlэным пае титхакlохэм ятхыгъэхэм уяджэн фае. Лъэпкъым итарихъ
пшlэнымкlэ ар зы lоф инэу сэ сэлъытэ.
Сиадыгабзэ шlу сэлъэгъу, сэгъэлъапlэ. Усэ
цlыкlоу стхыгъэр ащ фэсэгъэхьы.
«Сиадыгабзэ
згъэбзэрабзэу
Ныдэлъфыбзэм сыфэусэ
Сигонэсэу.
Сыпсэ хэлъэу
Гъашlэм
ренэу ар сигъус».
Оставьте свой комментарий
Авторизуйтесь, чтобы задавать вопросы.