Конспект урока на тему "Ортаңғы топтағы кіріктірілген оқу қызметі"

Ортаңғы  «Раушан» тобындағы ұйымдастырылған оқу қызметінің конспектісі

Өткізу күні: 29.11.18 ж

Тәрбиеші: М.Н.Усенова

«Комуникация» білім беру саласының ұйымдастырылған оқу қызметі:                                                   

Білім беру саласы: «Коммуникация», «Шығармашылық».

Пәні: Сөйлеуді дамыту. Сурет салу.

Өтпелі тақырып: «Алақай, қыс келді!»

Тақырыбы: Қыс көрінісі                     

Мақсаты:

Тәрбиелік: Балалардың қыс мезгіліне деген сүйіспеншіліктерін тәрбиелеу

Дамытушылық: Қыс мезгіліне деген қызығушылықтарын арттыру, зейіндерін дамыту. Синоним сөздерді сөздік қорына еңгізу. Балалардың шығармашылық ойлау мен қиялын дамыту, сурет салу дағдыларын арттыру.

Оқыту: Сурет арқылы қыс мезгіліндегі табиғат ерекшелігін ажырата білуге және әңгіме құрастыруға үйрету. Қар бүршіктерін бейнелей білуге үйрету.

«Педагогикалық технологиялар:АКТ, Воскобович блоктар

Ресурстармен қамтамасыз ету: интерактивті тақта,слайд,суреттер.

Билингвалдық компонент: қар –снег, аяз- мороз, қар бүршіктері-снежинко, аққала-снеговик.

Көрнекіліктер:  қыс көрінісі  сурет, сурет салуға арналған құралдар;  губка , сурет салуға қағаз , акварель, майшам,стакан,су, салфетка.

Сөздік жұмыс: шана, шаңғы, қаршақ, қар бүршіктері.

Ұйымдастырылған оқу қызметінің  барысы

1.Ұйымдастырушылық кезеңі:

Тосын сый

Балалар бізге  қонаққа аққала келіпті.

Сәлеметсіңдер ме, балалар?

Аққала айтады: балалар мен сендерден көмек сұрауға келдім.

Маған көмектесіңдер ма?

Ал енді тақтаға назар аударып менің тапсырмаларымды орындаңдар.

Жұмбақ жасыру:

Ештеңеден қаймықпай,

Көзді арбаған өрнекпен.

Сурет салар терезеге,

Шебер еді ол неткен?

(Аяз)

Қыста ғана болады,

Ұстасан қолын тонады.

(Қар)

-Қысы, жазы бір түсті

Ол не екен?

2.Негізгі бөлім:

Слайд қарау

-Қыс туралы өлең оқылады.

Аяз қысып, өрнек сызып,

Терезені торлайды.

Қарға омбығып,

Бет домбығып.

Сырғып балалар ойнайды.

Кейде ұлып, кейде ысқырып,

Ұйтқып боран соғады.

Айтыңдаршы балалар,

Бұл қай кезде болады? (Балалар ойланып жауап береді)

-Қыста болатын өзгерістер туралы сұрақтар қою.

-Қыс туралы білетін тақпақтарын сұраймын.

-Қыста киетін киімдері туралы сұрау

-Қыста қандай ойындар ойнайсыңдар, қандай көріністер көресіңдер?

-Суретпен жұмыс, интерактивті тақтадан қысқы көріністерді көреміз

-Қыс әңгімесі. Балалар әңгіме құрастырады.

Қыс мезгілі келді. Даланы аппақ қар басты. Балалар балабақша ауласына шықты. Малика мен Арлан  аққала тұрғызды.

Сергіту сәті: (Балала сөздерге сәйкес қимыл көрсетеді)

Қарға, қарға, қарғалар

Қар үстінде жорғалар,

Боран соқса қор болар

Бұталардан қорғанар,

Қысып қалса сары аяз.

Ойын «Сөзге сәйкес қимыл көрсет»

Қар жауады, аяз болып, боран соғады. Ендеше, боран соққанын қимылмен қалай көрсетеміз?
( Балалар қолдарын жоғары көтеріп, гуілдейді) Қатты аяз болып, тоңғанда не істейміз? (Қолдарын қусырап, аяқтарын топырлатады)
Ал, күн шыққанда не істейсіңдер?
(Алақай, деп қолдарын көтереді)
Жарайсыңдар балалар!

Сурет салу: Балалар аққала сендерге сиқырлы қағаздар алып келіпті, сендер аққала әкелген сиқырлы қағазға сурет салғыларың келе ме?

-           

3.Қорытынды: Сұрақ-жауап әдісі арқылы сабақта алған білімдерін қорытындылайды.

-Жарайсыңдар балалар, сонымен біз қыста немен ойнайды екенбіз?

-Қыста қандай өзгерістар болады екен?

-Қандай сурет салдық?

- Бүгін өте тамаша сендер жақсы жауап бардіңдер.

Балаларды мадақтап,мақтау.