Конспект урока по казахскому языку

Сабақтың тақырыбы: КӨКТЕМ

Сабақтың мақсаты

1) Білімділік: Оқушыларға лексикалық тақырып бойынша толық түсінік

беру, жаңа сөздермен таныстырып, лексикалық бірліктерді

меңгерту, сабақты бекіту барысында алған білімдерін одан

әрі жетілдіру, білімдерін бағалау;

2) Дамытушылық: Сөздік қорын байыту, ауызекі сөйлеу тілін, есте сақтау

мен сын тұрғысынан ойлауды дамыту, лексикалық мини -

мумдарды қатыстыра отырып, қысқаша сөйлеу әрекеттерін

қалыптастыру, топпен жұмыс, жекелей жұмыстарды орын-

дау мақсатында іскерлікке машықтандыру;

3)Тәрбиелік; Табиғаттың әсемдігін қорғауға , көктем мерекелерін білуге,

аналарды ардақтап, салт-дәстүрлерді құрметтеуге, ұйымшылдыққа

тәрбиелеу;

Сабақтың түрі: жаңа сабақты меңгерту

Сабақтың әдіс-тәсілдері: түсіндіру, сөйлесу, ойын, қызығушылықтарын оятуға қатысты мәтінге құралған сызба, сұрақ - жауап Сабақтың көрнекілігі: суреттер, буклеттер, сызбалар, оқулық, гүл алаңы.

Сабақтың барысы: І – Ұйымдастыру кезеңі

(Сәлемдесу, аман-саулық сұрау, оқушыларды сабаққа даярлау, рефлексия, шаттық шеңбері) – 3 мин

Бір, екі, үш деп

Орнымыздан тұрамыз

Тұрыңдар, балалар!

-Сәлеметсіңдер ме, балалар!

-Сәлеметсіз бе, мұғалім!

-Отырыңдар, балалар!

Келіңдер, енді, балалар, « Шаттық шеңберін » құрамыз.

Үлкенге де сіз, Қуан шаттан

Кішіге де сіз, Қуанатын келді күн.

Бар адамды құрметтеп, Қайырлы таң!

Бас иеміз біз! Қайырлы күн!

Күліп шықты күн бүгін!

ІІ – Өткенді пысықтау

а) фонетикалық жаттығулар (дыбыстардың айтылу ерекшеліктерін тексеру)

Қане, балалар, енді сендердің қазақша әріптерді қаншалықты нақышына келтіріп айтатындарыңды тексеріп, көрейін).Қазақ тіліне тән дыбыстарды қайталаймыз. Сосын мұғалім сұрақ қояды, балалар жауап береді.

1-ші қатардың оқушыларына - Қозы қалай маңырайды? (мә-ә-ә-ә)

2-ші қатардың оқушыларына - Бұзау шөлдеп тұр. Не дейді? (мө-ө-ө)

3-ші қатардың оқушыларына - Тауық не дейді? (құт-құт-құт) 1 мин

Ал, енді барлығымыз хормен жауап берейік - Сендерді аналарың қалай аймалайды? (құлыным)

ә) лексикалық жаттығулар (Дима ханзада болып, сұрақтар қойып, жауабын алады) 1 мин

-Қазір қай сабақ?

-Сенің атың кім?

-Сенің тегің кім?

-Сен қазақша білесің бе?

-Сен неше жастасың?

-Сен нешінші сыныпта оқисың?

-Сен қайда тұрасың?

ІІІ – Жаңа сабақ барысы - 25 мин

а) өткен сабақ пен жаңа сабақты байланыстыру кезеңі

-Өткен сабақтар бойынша қандай көкөністерді білесіңдер? (аттарын атау)

-Суретпен жұмыс.

-Ойын ойнату: «Менің қолымда не бар?»

-Балалар, енді, менің сұрағыма жауап беріңдерші?

-Олар қайда өседі?

-Бақшада.

-Адамдар көкөністерді қашан және қай жыл мезгілінде егеді?

-Көктемде. Дұрыс, балалар, жарайсыңдар.

- Қане, енді балалар мына суретке қараңдаршы. Жылдың неше мезгілі бар?

(жаз, күз, көктем, қыс)

- Қазір қай жыл мезгілі? (көктем)

- Ал, ендеше, балалар, біз бүгін осы көктем мезгілі, көктем айлары туралы айтып, жазып үйренетін боламыз.

- Ал, сендердің мақсаттарың қандай? Біз сабақта оқимыз, жазамыз, сұраққа жауап береміз, ойнаймыз. Жақсы, балалар. Ендеше, біз жаңа сабағымызды бастаймыз.

ә) Сызба бойынша түсіндіру барысы

Тақтаға «КӨКТЕМ» деген сөзді ілемін.

• Қане, балалар, осы «Көктем» деген сөзді естігенде, сендердің ойларыңа, естеріңе қандай сөздер, іс-әрекеттер келеді?. Балалар білетін сөздерін айтады, оны тақырыптың айналасына топтастырамын. (күн, наурыз, құстар, жылы, сәуір, мамыр, ағаш)

• Жақсы, балалар, көктем туралы сендер білмейтін тағы мынандай сөздер бар екен, қайталап оқып шығайық

б) Жаңа сөздермен жұмыс

көктем келді бәйшешек

қар ериді мереке

қызғалдақ күн жылы

МЕРЕКЕ КӨКТЕМ КЕЛДІ ҚАР ЕРИДІ

(жаңа сөздермен таныстырып болған соң, тақырыптың айналасына сөздерді қосамын)

в) Мәтінмен жұмыс (бірінші мен оқимын, хормен оқимыз, жеке оқимыз)

Көктем келді. Көктем айлары: наурыз, сәуір, мамыр. 8 наурыз – аналар мерекесі. Көктемде қар ериді. Күн жылынады. Құстар ұшып келеді. Біз ағаш егеміз. Көктемде бәйшешек, қызғалдақ гүлдейді.

-Балалар, сонымен, көктем айлары қандай екен?

-Қандай мереке болады?

-Дұрыс, жарайсыңдар.

-Қане,енді, балалар, орнымыздан тұрайық,

-Бір демалып алайық!

Сергіту сәті: Жадыраған күндейміз, күндейміз!

Жайнап өскен гүлдейміз, гүлдейміз!

Тұнық таза ауамыз, ауамыз!

Сылдыраған сумыз біз, тазамыз, тазамыз!

г) Дәптермен жұмыс.

Дәптерімізді ашайық,

Қолға қалам алайық.

Салақтықтан қашайық,

Әдемі етіп жазайық! (қарамен жазылған сөздерді дәптерлеріңе көшіріп жазыңдар)

Сабақтың бекіту: а) Топпен жұмыс (әр қатарға 4 сөзден таратып беремін, олар сол сөздерге мысалдар келтіріп, сөйлем ішінде қолдана білулері қажет) 10 мин

ә) Үйге тапсырма (160- бет, сөз жаттау)

б) Рефлексия (1,2,3, біздің көңіл күйіміз қандай?....)

- Балалар, енді, гүлдер алаңын құру үшін, алдарыңдағы пен тақтаға әкеп ілеміз.

Сабақты қорытындылау, білімдерін бағалау 5 мин

• Сабақ аяқталды. Сау болыңдар, балалар!