Конспект урока по крымскотатарскому языку на тему "Сёз япыджы ве сёз денъиштириджи ялгъамалар"(4 класс)

4 сыныф ана тили

Мевзу: «Сёз япыджы  ве  сёз денъиштириджи ялгъамалар. Аффиксы, виды аффиксов».

Дерснинъ мундериджеси:

Сёзнинъ тамыры ве тамырдаш сёзлер мевзусыны текрарламакъ ве пекитмек.Ялгъамаларнынъ чешитлерини текрарламакъ.

Дерсте эсас фаалиет:

Берильген аталар сёзлеринде антонимлерни къайд этмек, синонимлерни тапмакъ ве лугъат байлыгъымызны зенгинлештирмек. Сёзлернинъ тамырыны къайд этмек, тамырдаш сёзлерни тапмакъ.Аффикслернинъ чешитлерни бельгилемек.

 Оджа тарафындан къарарлаштырылгъан нетиджелер:

Шахсиетосьтюриджи:

Ана тилимизге меракъ ве севги дуйгъуларны ашламакъ.

Фенлерара:

Аталар сёзлернинъ манасынен таныш этмек. Талебелернинъ дюньябакъышыны, тиль ве лугъат байлыгъыны юв, нутукъларны инкишаф этмек.

Дерсте чалышув чешитлери:

Янъы бильги алув ве пекитюв дерси, фронталь, индивидуаль.

Дерсте окъутув усуллары: коммуникатив

Дерснинъ донатылувы: дерслик, , варакъалар, презтация.

Дерснинъ кетишаты

1.     Тешкилий къысым.

Дерснинъ мотивация ве ориентациясы.

2.     Текрарлав:

1.Тамыр не демек? Тамырдаш сёзлернинъ умумий къысымына тамыр дейлер.

2. Тамырнынъ озь башына манасы бармы? Тамырнынъ озь башына манасы бар.

3. Ялгъаманынъ озь башына манасы бармы?

4.Эв ишини тешкерюв: : с.70, 130 – иш..

3.     Янъы мевзу

Берильген сёзлернинъ тамыр ве ялгъамаларны къайд этинъиз, манасыны анълатынъыз:

Шекер (аш) – шекерлик (савут), шекерни

Туз (аш) – тузлукъ (савут), тузны.

Энди бу сёзлернен джумле тизейик:

Анам тюкянда шекерни сатып алды. - Анам тюкянда шекерлик сатып алды.

Битам тузны софрагъа къойды. - Битам тузлукъны софрагъа къойды. Тамыргъа къошулып, янъы сёз мейдангъа кетирген ялгъамагъа сёз япыджы ялгъама дейлер.

Джумледе сёзлерни бири-биринен багълагъан ялгъамаларгъа сёз денъиштириджи ялгъамалар дейлер.

4.     Раатлыкъ дакъкъасы.

5.     Пекитюв:

1.     135 – иш, с.73, 1-инджи группа 1,2,3 пунктларны беджере, 2-нджи группа исе 4,5,6 пунктларны беджере ве бири-бирининъ ишлерни тешкере.

2.     139 – иш, с.74 тахта узеринде чалышув.

Тамыр	Сёз япыджы ялгъама	Сёз денъиштириджи ялгъама
кой	лю	нинъ
аркъа	даш	ым
ай	лыкъ	ны
кузь	люк	тен
ав	джы	лар
невбет	чи	ден
биль	ги	-
акъыл	лы	-
туз	суз	-
ач	лыкъ	тан

6.     Рефлексия:

Нени бильдинъиз? Даа не бильмек истейсинъиз?

7.     Эв иши: 140-иш, с.75,текрарлав: сеслер, джум.азалары, сёз теркиби.

8.     Баалав.