« Менің отбасым» (сюжеттік)

Мектепалды даярлық

 «Шығармашылық»  білім беру саласының ұйымдастырылған оқу  қызметі: Сурет салу

Өтпелі тақырып: «Менің отбасым»

Тақырыбы: « Менің отбасым»  (сюжеттік)      

  Мақсаттары:

Тәрбиелік: Отбасылық ұйымшылдыққа тәрбиелеу.

Дамытушылық: Балаларға менің отбасым тақырыбындағы суреттер корсетіп, өзерінің отбасыларын бейнелеуге ынталандыру, отбасына деген сүйіспеншіліктерін дамыту.

Оқытушылық: Отбасылық іс-әрекеттерін бейнелеуге үйрету. Қылқаламды дұрыс ұстап, таза,ұқыпты жұмыс жасауға үйрету.

Педагогикалық технологиялар: АКТ

Ресурстармен қамтамасыз ету: интерактивті тақта, слайд, суреттер.

Билингвалдық компонент: отбасы - семья

1.Ұйымдастырушылық кезең:

 -Балалар, қалай ойлайсыңдар, жылы сөздерді сендерге кімдер айтады?

-Иә, балалар сендерге жылы сөздерді аталарың, әке, әжелерің аналарың айтады екен.

-Ал, осы адамдарды бір сөзбен кімдер деп айтамыз?

-Онда бүгінгі оқу іс-қызметінде біз кімдер туралы әңгіме қозғайды екенбіз?

2. Негізгі бөлім:

Балаларды екі орталыққа бөлемін.

Бірінші орталықтағы балаларға отбасы бейнеленген суреттерді қарастырып,өздерінің отбасы мүшелерінің қызметтері мен қарым-қатынастары туралы айтып беруді тапсырады.

Екінші орталықтағы балаларға бірнеше қуыршақтарды пайдаланып,отбасы мүшелерін топтастыру және олардың отбасындағы туыстық қарым-қатынасын анықтап айтып беру тапсырылады(әңгімелесу барысында амандасу,қоштасу,алғыс айту секілді әдептілік қарым-қатынас мәдениеті мен сыпайылыққа қатысты сөздерді пайдаланады)

Сергіту сәті:

Иіліп оңға бір, иіліп солға бір,

Жаттығу жасаймын.

Оң аяқ, сол аяқ, оң аяқ, сол аяқ,

Жаттығу оңай-ақ.

Д/о: «Жылулық тілегі»

Ойынның шарты:ойынға қатысушы барлық балалар ата,апа,ана,әке,ағаның,ал допты ұстаған бала баланың рөлін ойнайды.

Бала допты лақтырған кезде,қағып алған бала(ата,әже,әке,ана,аға)допты кері қайтарып теңеу сөз,жылы сөз, лебіз немесе тілек айтады.

Балаларға отбасын бейнелеу үлгісі көрсетіледі. Балалар өз ойларын қосып, қағаз бетіне түсіреді.

Түстерді дұрыс қолданып, суретті әдемі салу керек екені ескертіледі.

3.Қорытынды:

 -Балалар, біз бүгін кімдер туралы білдік?

-Ұйымдастырылған оқу іс-әрекеті ұнады ма? Балалар өз ойларын ортаға салады.

-Отбасы мүшелері туралы.Балалар сұрақтарға жауап беріп,өзінің отбасы мүшелері туралы айтып береді.