"Менин суйыкты андерим" 1 сынып сабағы

Бекітемін

№ 5 сабақ

1 бөлім:  Өзім туралы	Сабақтың тақырыбы:    Менің сүйікті әндерім
Күні: 29.09.2016 ж	Мұғалімнің аты-жөні: Ж.Н. Байжанов
Сынып: 1	Қатысқан оқушылар  саны                             Қатыспаған оқушылар саны:
Осы сабақты меңгеруге қол жеткізетін оқыту мақсаттары	1.1.1.1  Тыңдалған музыкалық шығарманың көңіл-күйін, ырғақ, екпінін,динамикасын анықтау 1.1.2.1 Әндерді музыкалық аспаптың сүйемелдеуімен орындау 1.3.1.1 Өз  шығармашылық жұмысын көрсету. 1.2.2.1  Дауысты және музыкалық аспаптарды қолдану арқылы музыкалық фразалар(1-2 такт) шығару
Сабақтың мақсаттары	Барлық оқушылар: Дыбыстар     мен символдар арасындағы  байланысты анықтай бастайды. Ән айту ережелерімен танысады. Мұғалімнің қол қимылына қарап ән орындауды меңгереді.
	Оқушылардың көпшілігі: Музыкалық түсінігін  дамытады. Ән  айтады (жеке және топ құрамында).
	Кейбір оқушылар:  Қарапайым музыкалық материалды  меңгереді.
Тілдік мақсаттар	Оқышыларды тілді барынша нақты пайдалануға ынталандыру. Оқушылар: Сүйікті әндері  туралы өз ойларын айта алады. Ән қандай  көңіл күй сыйлайтынын жеткізеді. Өз сезімін бет-әлпетімен білдіре алады.
	Пән лексикасы мен терминалогиясы: Композитор музыка шығарады. Әннің сөзін ақын жазады. Әнді дұрыс орындау ережесін сақта! Ән айтар алдында кеудеңмен терең тыныс ал. Музыкалық дыбыс. Диалог/ жазу үшін қажетті сөз тіркестері: Талқылауға арналған сұрақтар: -         Үйренген әндерді бізге кім  сыйлайды  екен? -         Композитор деген кім? -         Ақын не жазады? -         Егер әнді қосылып бірге айтсақ, ол қалай естіледі? -         Музыканы басқаша қалай өзгерте аламыз?
Алдыңғы сабақтардан алған білім	Оқушылар ән айтуға дағдыланды.Көңілді, көңілсіз әуендерді ажыратады.Шулы аспаптардан асатаяқ,даңғыра, тұяқты таниды.. Өз көңіл күйін музыкаға сәйкес қадағалай алады.
Сабақтың барысы
Сабақ кезеңдері		Сабақтағы жоспарланған іс- әрекет	Ресурстар
Сабақтың басталуы 0-5 минут		Сабақ басталар алдында  ән ойналып тұрады. көңілді Оқушылармен үш тілде сәлемдес Сәлеметсіңдер, ме балалар! –Здравствуйте, дети! –Hello ,children! «Көбелек» әнін қайталау Әнді көтеріңкі көңіл күймен, сезімталдықпен орындауға баулу.	Сандық жазу құрылысы ( аудио немесе бейне дыбыспен) В.А. Моцарттың Twinkle, twinkle,little star»
Сабақтың ортасы 7-11 12-14		(Қ) Біз қай сабақта отырмыз? Музыка сабағы саған несімен ұнайды? Біз тыңдап, орындап жүрген музыканы кім жазатынын білесің бе? Оқулықтан ережені оқып беріп таныстыру (Ұ)Ән  тыңдау: «Ән сабағы» (Қ. Қуатбаев). К. Қуатбаев-«Музыка сауаты», «Музыкалық ойындар»,әндер, билер», «Қоңырау», «Моншақтар» атты балалар мен жасөспірімдерге арналған оқу құралдарының, әндер жинағынығ авторы.. Ән көңілді, сергек, жайдары орындалады. (оқушылармен талдау) (МК) Балалардың қызығушылығын арттыру үшін оларға Шарипа, Күлипаның орнына сыныптағы өнерлі қыздардың атын қосып айтуды сұраймын. Бірге орындаймыз. (Ұ,Қ) Ақын әннің сөзін жазатынын, ал композитор әннің әнін жазатынын оқушыларға түсіндіру. (Ұ,Қ) (Ұ) Үшлілділік: композитор- композитор-composer . Қазақ,орыс, ағылшын тілдерінде таза айтқызып үйрету.	: «Науқас қуыршақ» (П.И.Чайковский). «Көбелек» әні (К.Қуатбаев
15-20 21-35		Ән айту алдында, музыкалық сөздердің аралығында иықты  көтермей, демді ішке алу. Сөздерді анық айту. Әнді мұғалімнің қол қимылына қарап бір мезгілде бастап, бір мезгілде аяқтау,қарқынды, баяу орындау, ән сазын дұрыс бере білусияқты ережелерді түсіндіру. (МК,Қ) Оқушылардын тыныс алу ережелерін мұғаліммен бірге қайталауды сұрау және ән айтқанда дұрыс орындауын қадағалау. Ән  айту кезінде  ауызды қалай ашу керектігін айту. Мысалы, «А» дыбысын айтқанда ауызды кең ашамыз, «О» дыбысын айтқанда ерінді алдыға қарай дөңгелектейміз. Хорда ән айтқанда түзу тұру керек. Сахнада немесе концертте ән айтқанда ән әуеніне сәйкес қимыл жасап әсемдеуге болады. Ән айтып болған соң тыңдаушыларға басыңды иіп, ықыласыңды білдіруді ұмытпа. (Т) Ән үйрену: «Әнші бала» (Ж.Тезекбаев). Оқушылардың есту, есте сақтау  қабілетін  дамыту жролды тез жаттауға үйрету. Сергіту сәті: «Жұлдызша достарын қызықты ойынға шақырады». Ойынның шарты: Бір оқушының көзі байланады.Мұғалімнің белгісімен оқушылар кезекпен «Әнші бала» әніні айтады. Көзі байланған бала оқушы кім екенін табу керек. Дауысты тыңдай отырып ажырата білуге баулу, есту, есте сақтау қабілетін дамыту.	Түрлі түсті суреттер
Сабақтың соңы 35-45		(Ұ,Ө,Қ)  Оқушылар шеңберге тұрып, қимыл-қозғалыс  жасайды-солға адымдау, оңға адымдау, 3 рет қол шапалақтау, кідіріс(пауза)(төртке дейін санау) және басынан қайталау. Мұны 3 рет жасайды.Әрі қарай осы қимыл-қозғалыстарды қайталай отырып, оқушылар кідіріс кезінде өз есімін қосады.
Қосымша ақпарат
Дифференциация – көбірек қолдау көрсетуді қалай жоспарлайсыз? Неғұрлым қабілетті оқушылардың алдына қандай міндеттер қоюды жоспарлайсыз		Бағалау – оқушылардың материалды игеру деңгейін тексеруді қалай жоспарлайсыз?	Пәнаралық байланыстар Денсаулық және қауіпсіздік АКТ-мен байланыстар Құндылықтармен байланыстар (тәрбиелік элемент)
Шығармашылық міндеттегі нәтижелерді дифференциациялау • Оқушы жүргізуші бола алады • Қорытынды міндеттегі неғұрлым күрделі ырғақтар		Бақылау, тыңдау, оқушыларға ойлануға берілген сұрақтар : - Ән айтып тұрғанда қандай ережені сақтау керек? Сыртта ән айтып тұрғанда досыңның дауысын қалай тыңдар едің? Сүйікті әнің саған қандай әсер қалдырды?	Өнермен байланыс, қоршаған ортамен байланыс. Басқалармен бірге жұмыс істеу, түрлі пікірлерді құрметтеу.