Народные приметы об осени

Көзге сынамышлар.

Кояш батканда аяз булып, төньягыннан салкынча җил булса, кырау булыр.

Әүвәлге карны күрсәткәч, кырык көннән кар ятар.

Беренче кар көндез яуса – кыш салкын, төнлә яуса – җылы булыр.

Сентябрьдә кар күренсә, көз озак килер.

Имәндә чикләвек күп булса, кыш салкын килә.

Суган кабыгы ике кат булган елны кыш җылы булыр, ә кабыгы күп катлы булган елны кыш салкын булыр.

Чия яфраклары коелып бетми торып, күпме кар яуса да барыбер эреп бетә.

Әгәр көз көне каен агачлары астан саргаеп, яфракларын астан коя башласалар – кыш җылы килә, ә өстән саргаеп, өстән яфрак коя башласалар – кыш салкын килә.

Кыр казлары көз көне киткәндә түбәннән очып китсәләр, кар тиз булыр.

Беренче ноябрь көнне яңгыр өстенә кар булса, җәй салкын килер, печән уңар.