Неделя Олонхо. Презентация "Сэьэн Куолу" 2 кылаас

• 1 слайд

  Олоҥхоҕо айыы бухатыыра
  Сэһэн куолу.
  Презентацияны оҥордулар:Үөһээ Дьааҥы оройуонун «Табалаах орто оскуолата» муниципальнай бюджетнай үөрэх тэрилтэтин 2 кылааһын үөрэнээччитэ Слепцова Наташа
  Салайааччы:
  алын кылаас учуутала Седалищева Светлана Гаврильевна
  

• 2 слайд

  Олоҥхо диэн айыы бухатыырдара, күн сирин кѳмүскээн, абааһы бухатыырдарын утары геройдуу охсуһууларын кѳрдѳрѳр айымньы.
  Олоҥхоҕо саха тылын саамай кэрэтэ, ууһа-урана барыта этиллэр.
  

• 3 слайд

  Үс былас холобурдаах
  Үѳкэл-биэкэл ѳрбѳгѳр ѳттүктээх,
  Биэс былас холобурдаах
  Биэкэйэр бииллээх,
  Алта былас холобурдаах
  Аманаат дараҕар сарыннаах,
  Үѳһэ ѳттѳ
  Үҥүү-батас курдук,
  Аллара ѳттѳ
  Атара арбыйа курдук,
  Быыра ох курдук
  Быһыы-таһаа быакаллыбыт,
  Үтүѳ киһи
  Үс күлэр ѳргѳстѳѳҕѳ
  Бу буолан үѳскээбит эбит.
   
  

• 4 слайд

  Түҥнэритэ холоруктуур
  Түѳрт түѳрэм таас туйахтаах,
  Уотунан охсуһа оонньуур,
  Оҥочо куйаар кутуруктаах,
  Үс былас үѳрбэ чаҕаан кѳҕүллээх,
  Сэттэ былас тибиилээх хара сиэллээх
  Тоҥус киһи туут маһын
  Туруору туппут курдук
  Дуллу кѳмүс кулгаахтаах,
  Күлүмэх күүстээх
  Күн Дьѳһѳгѳй оҕото
  Дьэлтэччи кѳрѳн
  Дьэргэйэ оонньуу турар эбит…
  

• 5 слайд

  Айгыр – силик
  Аан ийэ дойдум!
  Арҕаһыттан тэһииннээх
  Айыым аймахтара,
  Чэгиэн эт сэймэктэһэ,
  Уһун уҥуох урусхаллаһа
  Барар күнүм буолла.
  Эрэйбин ситэн
  Эргиллэн кэлиэхпэр диэри
  Аан дойдум ньуура алдьамматын,
  Оттубут уотум умуллубатын,
  Кѳмүс уйам үрэллибэтин,
  Быдан хонуктарга
  Бырастыы буоллун!
  

• 6 слайд

  Үс дойду үрдүнэн
  Үѳрүү буолла,
  Бар-дьон үрдүнэн
  Махтаат буолла,
  Үтүѳ киһи аата
  Үс үйэ тухары
  Үѳтүллэ турар буолла
  

• 7 слайд

  Кырдьаҕастан алгыһын, эдэртэн эйэтин ылан биир бэйэҕит биэс буолуҥ,
  саха буолан сандаарыҥ, киһи буолан килбэйиҥ!