Поурочный план по самопознанию на тему "Отбасы жарастығы" (5 класс)

Өзін-өзі тану сабағының жоспары

Мектеп: Чапаев жалпы орта білім беретін мектебі.

Күні:   26.11.2016                              №: 12

Тақырыбы:  Отбасы жарастығы.

Құндылық: Сүйіспеншілік                  Қасиеттері:  бауырмалдық, татулық, сыйластық

Мұғалім: Ерзакова Акмарал Беляловна     Сыныбы: 5                               Оқушылар саны: 11

Сабақтың мақсаты: Оқушыларға отбасы жарастығы    туралы түсінік бере отырып, сүйіспеншілік құндылығының мәнін ашу.	Ресурстар:(құралдар, мәлiметтер)
Сабақтың міндеттері: 1.Оқушыларға  сыйластық  туралы түсінік беру; 2.  Оқушылардың бойындағы бауырмалдыққа қасиеттерін дамыту; 3. Оқушыларды татулыққа тәрбиелеу.
Сабақ барысы:
1.Ұйымдастыру кезеңі. Сабақтағы жағымды күйге келу. 5Т ережесін еске түсіру. Тыныштық сәті "Теңізге саяхат". (Море  мелодиясы).	Сабақ барысын талқылау:
2. Үй тапсырмасын тексеру.
3. Жағымды ой-пікір (Дәйексөз). "Ұяда не көрсең, ұшқанда соны ілесің"  (Халық мақалы)                                                                     "Ұяда көрсең" дегенде "ұя" деген қандай мағынада берілген? Дәйексөзді жаттатқызып, дәптерге жаздыру..
4. Оқиға айту (әңгіме).                                         «Сүйіспеншілік»                                А.Асылбеков         Базарға барайын деп шыққан әйел есіктің артында отырған үш қарияны көріп,тұрыңқырап қалады да бар ниетімен үйіне шақырады.Сонда қариялардың біреуі: «Біз шақырған жерге үшеуміз бармаймыз »,-дейді.Оң жақтағы досым-Байлық,сол жақтағы болса-Сәттілік. Менің атым-Сүйіспеншілік. Өзін, жолдастарын таныстырғаннан кейін Сүйіспеншілік әйелге былай деп талап қойды: -Қазір үйіңізге барып,үй иесімен ақылдасыңыз.Үшеуміздің біреумізді ғана шақыруға құқыларыңыз бар.Қайсымыз баратынымызды өздеріңіз айтасыздар,-деді. ...Әйел Сүйіспеншіліктің талабын үй иесіне айтқанда,қатты қуанған ол: «Қандай жақсы,қандай жақсы,-деп қайталай берді. -Кімді шақыру еркіндігін бізге берді емес пе? Біз «Байлықты шақырайық,үйіміз бірден молшылыққа кенелсін».Үй иесінің шешіміне көңілі толмаған әйелі: «Сәттілікті шақыруға қалай қарайсың?»,-деді.Екеуі ортақтасып , мынадай шешімге келеді : «Негізінде ең асылы ,Сүйіспеншілік қой деймін. Ол бар жерде біз бақытты боламыз». Есікті ашқан әйел үш ақсақалға: «Қайсыңыз Сүйіспеншіліксіз?» Төрлетіңіз.Сізді шақыруды ұйғардық»,-деді.Сүйіспеншілік орнынан тұрды да,үйге беттеді.Аң-таң болған жас әйел Байлық пен Сәттілікке: «Тек біреуміз ғана бара аламыз деп айтып едіңіздер...»-деді. Қариялар:          Егер тек қана Байлықты немесе Сәттілікті шақырсаңыз,басқа екеуміз далада отырар едік. Бірақ та сіздер Сүйіспеншілікті шақырдыңыздар.Сол үшін үшеуміз бірге баруымыз керек»,-дейді. - «Өйткені Сүйіспеншіліктің жүрген жерінде біз-Байлық пен Сәттілік қашанда қасындамыз». Әңгіме бойынша сұрақтар: 1. Әңгімеден не түсіндіңдер? 2. Әңгімедегі кейіпкерлердің орынында болсаңдар сендер бірінші кімді шақырар едіңдер? 3.Шаңырақ жарастығының негізін не құрайды? 4.Бір шаңырақ астында тұратын адамдардың бір-біріне сүйіспеншілігі басым болса ол үйде не болады? Неліктен?	Өзін-өзі тану. Мұғалімге арналған хрестоматия
5. Шығармашылық жұмыс. Отбасы сөзінің ұғымын түсіндір. Оқушылар өз ойларын айтып,нақты бір сөзден тұратын ассоцияцияларын жобаға жазады. Онда балалар ең алдымен «Отбасы» деген сөзді естігенде ойларыңызда қандай ассоцияция туындайды? Жауаптарыңды нақтылай отыра өз сөздеріңмен түсіндіріңдер.
6. Топпен ән айту.    Әке  1) Отқа түстін суға түстің мен үшін Енді міне бағын берді жемісін Бала қыран шыңға шықса бұл күнде Мұның бәрі әке сенің жемісін Қ-сы: Анашымды отырғызып жаныма Той берейін салып алаканыма Ей адамдар шүкіршілік етіңдер  Мына өмірде әкелерің барына Тек әкелер сендер ғана лайықсын Хан сарайы патша тағына Тек әкелер сендер ғана лайықсын Хан сарайы патша тағына 2) Алатаудай қадірің білесін бе? Арманың мен ұлдарын өсуде Алтын шапан кигізсем де аз саған Айтшы әке не істей алам сен үшін Қ-сы: 3) Ана жұмақ әке жұмақ қақпасы Бұлар жаққа бұрсандаршы ат басын Бір күндері жұмақ іздеп барғанда Қапа болып қақпа ашылмай жатпасын Қ-сы:
7. Үй тапсырмасы. 44-беттегі,  №13 сабақтың  М.Жұмабаевтың  "Сөз және мағына  " мәтінін оқып келу.
8. Сабақтың қорытынды сәті. Тыныштық сәті. Баяу музыка қосылады. Балалар, бүгінгі сабақтан алған білімдерінді, әдепті болу, шындықты айту, жауапкершілік, үнемшілдік  қасиеттерді жүрегімізде сақтайық. Сау болыңыздар!