Праверачная работа па тэме "Фанетыка і арфаэпія. Графіка і арфаграфія" (5 клас)

Праверачная работа па тэме

“Фанетыка і арфаэпія.  Графіка і арфаграфія”

Варыянт 1.

Акіян.

          Як толькі чалавек пачаў асвойваць касмічную прастору, Зямлю сталі прыгожа называць «блакітнай планетай». Большую частку яе паверхні займае вада – чатыры акіяны: Ціхі, Атлантычны, Індыйскі, Паўночны Ледавіты. Дзякуючы ім з космасу Зямля сапраўды здаецца блакітнай.

          Слова «акіян» паходзіць з грэчаскай мовы і азначае «бязмежнае мора», «вялікая рака, якая абцягвае Зямлю». Гэта таямнічы свет з незвычайнымі раслінамі, малюскамі, рыбамі. Акіян поўны разнастайных жывёл – ад мікраскапічнага планктону да вялізных кітоў.

Заданні:

1.Выпішыце тры словы, у якіх галосныя е, ё, ю, я, і  абазначаюць два гукі.

2. Зрабіце гукавы запіс слоў, выпісаных у заданні №1.

3.Падзяліце слова здаецца на склады і для пераносу.

4.Выпішыце тры словы, у якіх літар больш, чым гукаў.

5. Зрабіце фанетычны разбор слова акіян.

Варыянт 2.

Чаму акіян салёны?

          Амаль уся вада на нашай планеце салёная, яе нельга піць. Прэснай, або пітной, вады мала, і ў многіх засушлівых краінах здабыць яе – вялікая праблема. У морах і акіянах шмат солі – той самай, якую мы дадаём у ежу. Яна трапляе ў ваду з сушы. Рэкі і ручаі вымываюць часцінкі солі з глебы і нясуць у мора. Потым вада з паверхні мора выпараецца, а соль – тая самая, прынесеная рэчкаямі з зямлі, - застаецца. Кропелькі вады над акіянам збіраюцца ў хмары і падаюць дажджом на зямлю. А там ізноў збіраюць з глебы часцінкі солі, трапляюць у раку і бягуць да мора... Вось так, дзякуючы кругавароту вады ў прыродзе, акіян робіцца салёным.

Заданні:

1.Выпішыце тры словы, у якіх галосныя е, ё, ю, я, і  абазначаюць два гукі.

2. Зрабіце гукавы запіс слоў, выпісаных у заданні №1.

3.Падзяліце слова дажджом на склады і для пераносу.

4.Выпішыце тры словы, у якіх літар больш, чым гукаў.

5. Зрабіце фанетычны разбор слова робіцца.