Презентация на крымскотатарском языке "Школьная олимпиада - путь к успеху"

• 1 слайд

  Олимпиада ярышы – гъалебе ёлу
  МБОУ «Первомайское мектеби»
  Къырымтатар тили ве эдебияты оджасы
  Нуфтуллаева Эмине Медатовна
  

• 2 слайд

  Бизлер, оджалар, юз йыл эвельси олсун, отуз йыл, он йыл эвельси – даима окъутув джерьяны янъы, эффектив усулларны, технологияларны араштырувнен мешгъульмиз. Башкъа чаре ёкъ. Инсаниет озюнинъ энъ къыйметли барлыгъыны – эвлядыны оджагъа теслим эте.
  
  

• 3 слайд

  Илимлерге окъув вакъыты – балагъа энъ муим вакъыт. Эр бала, талебе башындан окъумагъа тырыша, истей. Олар эр шейнен меракъланалар, суаллер берелер, янъы адиселернен къуванчнен таныш олалар, окъувгъа ынтыналар.
  
  

• 4 слайд

  Бир талай вакъыт кече, баланынъ козьлери энди ойле пек парылдамай, бир тюрлю сёнюк корюнелер. Баштаки къуванч, ишанч, истек ёкъ олып кете.
  Не ичюн экен? Себеби неде? Талебелернинъ окъувгъа истеклерини насыл этип сакъламалы?
  

• 5 слайд

  Земаневий окъутув джерьяны эффектив технологияларны араштырувнен, къулланувнен багълы. Шимдики дерслерде талебе актив иштиракчы олмакъ керек, оджа исе бу окъутувнынъ яратыджысы олмалы.
  Фенлер боюнджа олимпиадалар – земаневий окъутувда перспектив технологияларындан бири. Къырымтатар тили ве эдебияты фенинден де истисна дегиль.
  Яш несильнинъ иджадий тюшюнмек ве практик меселелерини чезмек истидатлары фенлер олимпиадаларында айдын корюне.
  

• 6 слайд

  Къырымтатар тили ве эдебияты фенинден олимпиадасы, башкъа фенлер олимпиадаларына бакъкъанда, даа «яш». Кечирилюви, азырланувы, талебелернинъ иштирак этюви ве бир талай меселелер огренильмели, илериде, бельки, денъишмели.
  Талебеге бу ярышларгъа даа да актив янашмакъ, меракъларыны арттырмакъ – булар эписи оджанынъ фаалиетинен багълы. Эгер оджа дерслерини кечирип, тез-тез «мен озь ишимни беджердим» деп, четке чекильсе, талебенинъ мерагъы фенге артмаз ве нетиджелер косьтермез.
  
  

• 7 слайд

  Практик вазифелери дегенде, тизильген олимпиада вазифелери баланынъ истидатыны толусынен ачмакъ кереклер. Бу вазифелер эм ярышув, эм окъутув, эм де тербиелев тарафларындан бакъылып тизильмели. Тек о вакъыт оларнынъ файдасы корюнир.
  
  Олимпиадалар тек иштирак эткен талебелерге файдалы дегиль. Олар бу балалар яшагъан укюметке де бир балабан файдадыр, чюнки не къадар чокъ бильгили, зийрек, илимнен багълы инсан олса, мемлекетте эалининъ яшайышы о къадар юксек севиеде олур.
  

• 8 слайд

  Олимпиадаларнынъ нетиджелери оджанынъ актив иштирак эткенинен, авеслигинен де багълы. Бунынъ темели – балабан сабырлыкъ ве иш. Буларнынъ эписи топланса – сонъ гъалебе олур.