Презентация по кабардинскому языку на тему "Псалъэуха"

• 1 слайд

  Псалъэухам и губгъуэ телъыджащэ.
  

• 2 слайд

  ПсалъэухамкIэ дэ ди гупсысэмрэ зэхэщIэныгъэхэмрэ къыдоIуатэ, упщIэ, лъэIу, чэнджэщхэмкIэ зыгуэрхэм захудогъазэ.
  Псалъэухам псалъэу хэтыр грамматикэкIэ зэпхащ. Пкъыгъуэ нэхъыщхьэхэм абы и пкъыр къагъэхъу. Псалъэухам и нэщэнэщ кIэ зыгъуэт къэIуэтэкIэ зэриIэр. III
  

• 3 слайд

  ПСАЛЪЭУХА
  ЗэраIуатэ псалъэуха – ЕджакIуэхэр еджапIэм макIуэ.
  ЗэрыупщIэ псалъэуха – Уэ библиотекэм тхылъ къеIыпха?
  ХэIэтыкIа псалъэуха – Сыту махуэ дахэ нобэ!
  Мыубгъуа псалъэуха – Мурат матхэ.
  Убгъуа псалъэуха – Мурат псынщIэу ручкэкIэ матхэ.
   
  
  

• 4 слайд

  ПСАЛЪЭУХАМ И ПКЪЫГЪУЭ ЗЭЛЪЭПКЪЭГЪУХЭР
  Хадэм бжьын, бжьыныху, балыджэ, нащэ къыщокI. – пкъыгъуэ зэлъэпкъэгъухэр подлежашэщ.
  ФатIимэт фIыуэ йоджэ икIи матхэ. – пкъыгъуэ зэлъэпкъэгъухэр сказуемэщ.
  Мадинэ къищэхуащ тхылъ, тетрадь, ручкэ, къэрэндащ. – пкъыгъуэ зэлъэпкъэгъухэр псалъэухам и етIуанэ пкъыгъуэщ (дополненэщ).
  
  

• 5 слайд

  СИНТАКСИЧЕСКЭ ЗЭПКЪРЫХЫНЫГЪЭ
  Псалъэухар зыхуэдэр (зэраIуатэ, зэрыупщIэ, хэIэтыкIа).
  Псалъэухар убгъуарэ мыубгъуарэ.
  Псалъэухам и пкъыгъуэ нэхъыщхьэхэр.
  Подлежащэм и къэкIуэкIэр.
  Подлежащэмрэ сказуемэмрэ щхьэрэ бжыгъэкIэ зэрызэкIур.
  Псалъэухам и етIуанэ пкъыгъуэхэр, ахэр къызэрыкIуэ псалъэ лъэпкъыгъуэхэр.
  
  Къуалэбзухэр щIыпIэ хуабэхэм мэлъэтэж.
  
  Мы псалъэухам пкъыгъуэ нэхъыщхьитI иIэщ (Къуалэбзухэр мэлъэтэж), зэраIуатэщ, убгъуащ (здэлъэтэжыр (дэнэ?) щIыпIэм; щIыпIэ (сыт хуэдэм?) – хуабэхэм).
  
  

• 6 слайд

  Япэ уэс.
  Хэт щысабийм япэ уэсым щымыгуфIыкIыр? Псори щогуфIыкI. Мис махуитI и пэкIэ дыгъэ къепсу, дунейр хуабэу щытащ. Ауэ дыгъуасэ нэхъ щIыIэ къэхъуащ. Уэшх щIыIэ къешхыу хуежьащ. Нэхъыжьхэм жаIэ: «ЩIымахуэр къэблэгъащ, мы уэшхым уэс къихьынущ».
  Дэ догуфIэ икIи дигукIэ жыдоIэ: «Зэзакъуэ тлъэгъуащэрэт мы уэсыр».
  Ауэ абы куэдрэ дызригъэжьакъым. Жэщым уэс куу къесауэ нэху къекIащ. Губгъуэри, гъуэгухэри, псы Iуфэ нэпкъхэри – псори хужьщ. Уэрамым удэжмэ, апхуэдизкIэ хужьыгъэм уи нэр игъаплъэркъыми, нэпсыр къыпфIыщIож.
  Мэзыр даущыншэщ. Уэрэд къизышу щыта бзухэр куэд щIащ зэрылъэтэжрэ. ЩIымахуэ дыдэр къэсащ.
  Лэжьыгъэр. ЗэраIуатэ псалъэуха, зэрыупщIэ псалъэуха. Хуэзыгъэуш псалъэуха – зырыз къыхэтхыкIын.