Презентация по предмету технологии

• 1 слайд

  Қағаз және қатты қағаз
  
  Тақырып
  

• 2 слайд

  Қатырмақағазды бүктеу.
  мақсаты:
     1. Білімдік: қатырмақағазды бүктеу тәсілдерін үйрету; қатырмақағазды бүктеу дағдысын қалыптастыру.
     2. Дамытушылық: қатырмақағазды қаптау технологиясының ерекшелік - терімен таныстыру.
     3. Тәрбиелік: оқушылардың эстетикалық талғамын қалыптастыру.
     Сабақтың көрнекілігі және қажетті материалдар: қатырмақағазды бүктеу тәсілдері керсетілген плакат; қатырқамағаз, сызғыш.
     Еңбек нысаны: қатырмақағазды бүктеу, бүктеу түрлерімен танысу.
    Сабақтың барысы:
     Қатырмақағаз туралы жалпы түсінік беру. Онымен жұмыс істеу ерекше - ліктерін үйрету, қолын жаттықтыру.
     Қатырмақағаз - бір беті жылтыр тегіс, ал екінші беті қалыңдау, бедерлі болып келген қағаз түрі. Қатырмақағаз өндірісте дайындалған қалыңдығына қарай шарушылықта, жиһаз жасауда, құрылыста кеңінен пайдаланылады.
    
  

• 3 слайд

  Оқушыларға таныстырылатын қатырмақағаз түрлері:
  1.     Мұқабалық қатырмақағаз (кітап, альбом, қалың дәптер мұқабалары).
  2.     Сызу сызатын және сурет салатын қатырмақағаз түрлері.
     3.  Өндірістік-техникалық мақсатта пайдаланылатын қатырмақағаздар (қораптар, құрылыс материалдары).
     3-сыныпта оқушылардың қабілетіне қарай мұқабалық, сызу сызатын және сурет салатын қатырмақағазбен жұмыс түрлері ұсынылады.
     Қатырмақағазды бүктеу тәсіліне қатысты оқушылар қатырмақағаздың қалыңдығы, жасалу ерекшелігі, түрі, қасиеті, онымен жұмыс істеу ерекшелігін білуге тиіс.
     Қатырмақағазбен жұмысқа қажетті құрал-жабдықтармен таныстыру: сызғыш, қарындаш, қайшы, тапсырма үлгісі, жұқалау қатырмақағаз, желім, қылқалам, су бояу, су құюға арналған шағын ыдыс, таза шүберек, жұмыс үстелі бетіне төсейтін целлофан немесе таза қағаз.
  

• 4 слайд

  Сабақтың тақырыбы: Қағаз және қатырма қағазымен жұмыс
  Сабақтың мақсаты:
  Қағаз және қатырма қағаымен жұмыс істеуге үйрету; қағаз және қатырма қағазды бүктеу тәсілдерін үйрете отырып бүктеу дағдысын қалыптастыру.
  Есте сақтау, ойлау қабілеттерін дамыту.
  Оқушылардың эстетикалық талғамын қалыптастыру және қағазды ұқыпты ұстауға тәрбиелеу.
  Сабақтың көрнекілігі: қағаз түрлері, ашық хат түрлері, интерактивті тақта, электронды оқулық.
  Жұмысқа қажетті материалдар: түрлі түсті қағаз, ақ қағаз, қатырма қағаз, қайшы, қарындаш, сызғыш, желім, қол сүртетін сүлгі.
  Әдісі: сұрақ-жауап, түсіндіру, көрсету.
  Сабақтың барысы:
  Ұйымдастыру кезеңі. Сабаққа әзірлік.
  Өткенді пысықтау. Симметрия, асимметрия дегеніміз не? Оны қалай анықтайды?
  Мақсат қою кезезеңі: Сабақтың тақырыбын, мақсатын қою.
  Жаңа сабақ.
  Қатырма қағаз тығыз болғандықтан одан ашық хат жасауға болады. Ашық хаттардың түрлері мен өлшемдері әр алуан. Оларды неше түрлі фото суреттермен, түрлі түсті қағаздармен безендіруге болады. V. Түсінгендерін тексеру: Оқушылар тақтаға шығып, электронды оқулықтағы берілген тапсырмадағы қажетті қалыптарды таңдап аппликация құрастырады.
  VІ. Бекіту: Оқушының еңбегң,мұғалімнің көмегі.
  VІІ. Үйге тапсырма:Жұмыстарын аяқтау, оқу.
  VІІІ. Бағалау.
  
  

• 5 слайд

  
  Қағаз туралы
  Қағаз (парсыша: كاغد‎ — «кағоз») — өсімдік талшықтарын белгілі бір тәсілмен өңдеу және бір-бірімен ұйыстыра байланыстыру арқылы жұқа парақ түрінде жасалатын материал. Италиянша bambagіa, яғни мақта деген ұғымды білдіреді; кейін осыдан барып қағаз сөзі өмірге келді.Қағаз өндіру үшін әр түрлі ағаштар мен бір жылдық өсімдіктер целлюлозасы және ағаш массасы (уатылған ағашқа су араластырылған талшықты қойыртпақ) жұмсалады. Қасиетін жоғарылату үшін қағаз массасына (қағаз және картон жасау үшін пайдаланылатын ұнтақталған талшықты материалдар, су, үстемелер, бояғыш, желімдегіш заттар қоспасы) қосымша минералдық үстемелер қосады: минералдық заттар (каолин, тальк, т.б.) қағаз түсін ағартады, тығыздығы мен тегістігін арттырады және жақсы баспалық қасиеттер (мөлдір емес, бояу жұғатын, т.б.) береді; желімдік материалдар (канифоль желім, крахмал, шайыр, т.б.) қағаздың сия сормайтын қасиетін және парақтың беріктігі мен тығыздығын арттырады; кейбір қағаз түрлерін жасауда бояғыштар, химиялық талшықтар, т.б. қолданылады.
  
  

• 6 слайд

  Тарихы
  Қағаз тұңғыш рет ІІ ғасырда Қытайда жасалды, Еуропада ХІ-ХІІ ғасырларда пайда болды. Оған негізгі материал ретінде зығыр, мақта, кендір пайдаланылды. Қағаз өндіру кітап басу мүмкіндігі ашылғаннан кейін қауырт дамыды. ХVІІ-ХVІІІ ғасырлар аралығында Голландияда ұнтақтауыш жаңа аппараттың – роллдың жасалуы және француздық Николас Луи Робер ұсынған (1799) механикалық әдіспен үздіксіз қағаз құю әдісі шыққаннан бастап, машиналық өндіріс пайда болды. Шикізат есебінде ағаш, целлюлоза талшықтары қолданылды.
  

• 7 слайд

  Қағаздың 600-ден астам түрі бар. Қағаз 11 топқа бөлінеді:
  баспалық қағаз (баспаханалық, офсеттік, иллюстрациялық, картографиялық, т.б.) – тегістігімен, түсінің ақтығымен ерекшеленеді, баспа бояуы жақсы жұғылады.Тұсқағаздар мен газеттік қағаздар да осы топқа кіреді.
  Жазбалық қағаз (жазуға, конверттік, карточкалық, т.б. поштаға арналған қағаздар) – бетінің жылтырлығымен, жақсы желімделгіштігімен және сия сормайтындығымен ерекшеленеді.
  Сызба және сурет салу қағазы (сурет салу, сызба сызу қағаздары, сызбалық мөлдір және калькалық), әдетте толтырғышсыз (немесе аздап қосылған) массадан жасалады. Мөлдір болу үшін кейбір сорттары көбірек суланып, жоғары қысыммен каландрленеді. Электр оқшаулағыш қағаздың (конденсаторлық, кабельдік, телефондық, оқшаулағыш-орамдық, т.б.) механикалық беріктігі жоғары әрі жақсы диэлектрлік қасиеттерімен сипатталады.
  Сіңіргіш қағаз (сүзгілік, сорғыштық, т.б.) фибра, жарғақ, санитарлық-гигиеналық бұйымдар, т.б. өндіру үшін қолданылады. Бұлар кеуектеу келеді де, сұйықты жақсы сіңіреді.
  Аппараттық қағаз (таспалық, перфокарталық, т.б.) өте жоғары механикалық беріктігімен сипатталады. Жарық сезгіш қағаз фотографиялық және жарықпен көшіруге қажетті, т.б. қағаз жасауға пайдаланылады.
  Көшірмелік қағаз арнайы өңделіп дайындалады.
  Орамдық қағаз тағамдық және өнеркәсіптік бұйымдарды орауға, бууға, т.б. пайдаланылады. Бұлар берік талшықты материалдардан және өндіріс қалдықтарынан жасалады.
  Өнеркәсіптік-техникалық қағаз патрон, зімпара, диффузор жасауға, жіпке қосуға, дыбыс жазуға қолданылады. Қағаз массасын дайындау бірнеше сатыдан өтеді: талшықты материалдарды ұнтақтау, талшық түріне орай құрам дайындау, массаны бояу, желімдік ерітінді және үстемелер даярлау, т.б.
  

• 8 слайд

  Қағаздан жасалған бұйымдар
  

• 9 слайд

  Қатты қағаздан дайындалған стакан
  

• 10 слайд

  Қағаз өндірісі
  Қағаз өндірісі әртүрлі 7-8 технологиялық операциядан тұратын процесс. Аз уақытты алмайды. Егер бір тоннадай қағазды қайта өңдеуден өткізетін болса, 17 ағашты, 26 мың литр суды, 3 текшеметр топырақты, 240 литр жанар-жағар май мен 4000 киловатт - сағат электр энергиясын үнемделеді екен. Ал қайта өңдеуден өткізілген өндіріс барысында электр қуатын екі есе аз үнемдеуге болады. Осының арқасында ауаны былғайтын зиянды қалдықтар 70 пайыз төмендейді.
  Соңғы 20 жыл ішінде әлемде қағаз бұйымдарын тұтыну 92 миллионнан 208 миллионға артып, оның көрсеткіші 128 пайызға артты. Қазіргі заманғы технологияның жанданып, электрондық құжаттың өмірге келуі мен компьютерлік байланыстың артуы бәрібір қағаз өндірісіне кері әсерін тигізіп отырған жоқ. Сұраныс та, қажеттілік те бар. Мысалы, миллион тонна қағаздың 14 мың теміржол вагонына сиятынын ескерсек, бұл саладағы өнімнің азаймай, қайта жыл сайын артып келе жатқанын түсінуге болады
  

• 11 слайд

  Негізі бір парақ қағазды өз заңдылығы бойынша жеті рет қана бүктеуге болады дейді сарапшылар, одан ары бүктеу өте күрделі. Алайда жуырда бұл қисынды америкалық бір оқушы бұзды. Ақ қағазды 12 рет бүктеп, ол рекорд жасаған көрінеді. Бұл нәтижені осы уақытқа дейін ешкім түзей алған жоқ.
  Жақында бір жазушы жаңашыл бастама көтеріп, оны өзі жүзеге асырды. Ол әжетханалық қағаз арқылы өзінің көркем туындысын жазып, кітап етіп шығарған. Франкфурттегі мұражайда кітап көрмесін өткізген. Жазушының ойынша, «әжетхана -нағыз кітапқұмарлардың орны».
  Атақты «Титаник» кемесінің 3 класты қонақтары тамақтанатын мейманханасынан бір жолаушының «менюі» табылған. Белгісіз қонақ ішкен бұл дастарқан мәзірі кеме апатқа ұшыраған маңда су бетінде қалқып жүрген. Бұл дастарқан мәзірі аукционда 45 мың долларға сатылды.
  Калифорния штатында іс-қағаздары қолданыстағы заңдылыққа сәйкес, жиналған макулатурадан қайта өңделіп, яғни қалдықтан шыққан қағаздан жүргізіледі екен. Американың тәуелсіздік декларациясының ең алғашқы жобасы коноплядан жасалған қағазға жазылған көрінеді.
  
  Қағаз туралы қызықты деректер
  

• 12 слайд

  2010 жылы бұрын хайуанды қорлағаны үшін АҚШ-тың бір азаматы екі жылға сотталды. Ол хамелеонды түрлі-түсті суретті қағаздың үстіне отырғызып қойып, тыныштық бермей әбігерге түсірген. Ақырында хамелеон 19 рет түсін өзгертіп, қорлыққа шыдамай өліп кеткен.
  Жалпы әлемде әжетхана қағазына сұранысы өте жоғары ел - Испания. Әсіресе, футбол ойындары басталған шақта испандық жанкүйерлер домалақ әдемі етіп оралған түрлі-түсті әжетхана қағаздарын сатып алып, лента ретінде алаң ортасына қарай атады. Футбол алаңында отшашулар болып, лентаға оралып жатқан жанкүйерлер бұл сәтті жеңіс үшін, өз клубын қолдау үшін ұйымдастырады.
  АҚШ үкіметі Kimberly-Clark компаниясын патриоттық қызметі үшін мемлекеттік марапатқа ұсынған. Өйткені компанияның әжетхана қызметіне арнап шығарған түрлі-түсті жұмсақ қағаздары екінші дүниежүзілік соғыс кезінде сарбаздардың қажетіне жараған. Сондай-ақ 1991 жылы АҚШ армиясы «Шөл даладағы дауыл» операциясы кезінде танк пен әскери машиналардың үстін жасырын жабу үшін түрлі-түсті қағаздарды пайдаланған
   
  

• 13 слайд

  Қағаздан көлем шығару
  Тақырып
  

• 14 слайд

  Кіріспе
  
  Макеттеу – оның графикалық (жазықтықтың) бейнелеуден өзгешелігі – материалды модел түріндегі форманың туындысы және ол өзінің көлемді түрін айқын көрсетіп, елестетеді.
  Ірі құрылымдарды салу кезінде кіші масштабтағы оның формасының көшірмесін орындаған мысалдары бізге сәулет өнерінің тарихынан белгілі. Болашақтағы құрылымдардың детальдарын және кеңістіктік шешімдерін көрнекті етіп көрсету үшін олардың көлемді моделдеріне соңғы жылдары тағы да қызығушылық пайда болды.
  Сондықтан, сәулетші, дизайн – студенттеріне графикалық дайындықпен қатар көлемді моделдеу дағдысын дамыту керек етеді.
  Макеттеуді дағдылауын дамытудың практикалық сабақтары «Сәулеттік графика және композиция I», «Сәулеттік графика және макеттеу» пәндерінің алғашқы этаптары болып табылады және оларды бірінші курстың бірінші және екінші семестрлеріне кіргізілді.
  Ұсынылып отырған әдістемелік нұсқауда архитектураны оқытуда макеттеуді қолдану шекарасының және мүмкіншіліктерін қарастырады. Қағазбен, құрал – жабдықтармен, материалдармен және желімдердің түрлерімен жұмыс істеудің жаттығу әдістерін ұсынады.
  Студенттерді практикалық сабақтарда макет жасауды үйретуді – курс өзіне мақсат қояды.
  Жаттығулар мен курс жұмыстарын орындау кездерінде осы әдістемелік нұсқау студенттерге көмек көрсетіп, орындау тәсілдерін практикада үйренулеріне көмектеседі.
  

• 15 слайд

  
  Қағазбен жұмыс істеу тәсілдері
  Материалдар мен құрал - жабдықтар
  Макеттеу техникасын орындау жұмысы үшін міндетті түрде келесі материалдар мен құрал – жабдықтар керек:
  «ватман», «торшон» түріндегі сызу қағаздарының беттері;
  арнаулы кесуге арналған пышақ;
  қайшы;
  фаскасы бар сызғыш (темір сызғыш та жарайды);
  ПВА, резина желімдері (резина желімі ақ түсті болғаны дұрыс);
  қатты қарындаш.
  Қағаз
  Қағаз материалының сапасы әр түрлі заттарды жасау үшін шексіз жағдайлар туғызады. Біз үшін қағаздың сапасы көлемді модел жасау үшін тек қана материал ретінде қажет.
  Қағаздың сортын анықтаған соң, оны орынды жұмыста қолданады. Әрбір жағдайларда қағаздарды қолдану сферасы тек қана оның құрылысына ғана байланысты емес, сонымен қатар жасалған моделдің жарыққа әсері де қарастырылады. Фактурасы ірі түршіктерден жасалған макет көптеген ұсақ көлеңкелердің арқасында салмақты болып көрінеді. Көлемді моделдер жасау үшін тегіс бетті қағаздар ыңғайлы. Оларды бүгуге , кесуге, бүктеуге және желімдеуге ыңғайлы.
  
  

• 16 слайд

  Қағаз көмегімен көлемді фигуралар жасалуы, яғни макеттер
  А)Алдыңғы жағынан көрініс
  Б)Үстіңгі жағынан көрініс
  А3 форматтағы қағаздан жасалған көлемді макет
  

Краткое описание документа:

Қатырмақағазды бүктеу.

мақсаты:

1. Білімдік: қатырмақағазды бүктеу тәсілдерін үйрету; қатырмақағазды бүктеу дағдысын қалыптастыру.

2. Дамытушылық: қатырмақағазды қаптау технологиясының ерекшелік - терімен таныстыру.

3. Тәрбиелік: оқушылардың эстетикалық талғамын қалыптастыру.

Сабақтың көрнекілігі және қажетті материалдар: қатырмақағазды бүктеу тәсілдері керсетілген плакат; қатырқамағаз, сызғыш.

Еңбек нысаны: қатырмақағазды бүктеу, бүктеу түрлерімен танысу.

Сабақтың барысы:

Қатырмақағаз туралы жалпы түсінік беру. Онымен жұмыс істеу ерекше - ліктерін үйрету, қолын жаттықтыру.

Қатырмақағаз - бір беті жылтыр тегіс, ал екінші беті қалыңдау, бедерлі болып келген қағаз түрі. Қатырмақағаз өндірісте дайындалған қалыңдығына қарай шарушылықта, жиһаз жасауда, құрылыста кеңінен пайдаланылады.