Равил Фәйзуллинның поэтик лексикасы.

Тезислар

Башкортстан Республикасы Туймазы районы муниципаль районы Кандра авылының 1-нче санлы  урта гомүми белем бирү мәктәбе.

Секция: Туган тел (татар теле һәм әдәбияте).

Фәнни-гамәли эш темасы: Равил Фәйзуллинның поэтик лексикасы.

Башкарды: Әхмәтшина Айгөл Мансур кызы, башлангыч сыйныфлар укытучысы.

         Теманың  актуальлеге: Рәвил Фәйзуллинның әсәрләрен кулга алсаң, анда гадәти булмаган сүз-гыйбарәләрнең, фикер-төшенчәләрнең һич уйламаганда шигырь тукымасына кереп китүе – кыскасы, яңача шигъри сөйләм, яңа дөнья әсир итә, бераз аптырашта калдыра. Шигырьләрен укыганнан соң, аның зирәк акыллы, үз көченә ышанучан икәнлегенә инанасың. Шагыйрь буларак осталыгын, сүз белән осталарча эш итүен, яңача ритмика, рифма, образлар системасын тудыруын, кыскача әйтсәк, индивидуаль иҗат методының үзенчәлекләрен, сурәтләү чараларының ничек кулланылуын күрәсең.

       Тикшерү объекты: Шагыйрь Равил Фәйзуллин.

       Тикшеренү предметы: Равил Фәйзуллинның поэзиясе.

        Максат: Мин фәнни эшемнең максаты итеп сүзлек составы буенча Равил Фәйзуллинның тел үзенчәлекләрен ачыклауны куйдым.

       Бурычлары:

1. Р.Фәйзуллин әсәрләре белән танышу, аларны уку.

2. Р.Файзуллин шигырьләрендә кулланган сүз байлыгын тикшерү.

3. Шагыйрь иҗатының индивидуаль үзенчәлеген табу.

          Әлеге хезмэтне туган тел, дәрестән тыш уку дәресләрендә,  сыйныф  сәгатендә кулланырга мөмкин..