Разработка урока "Имя прилагательное"

Татарстан Республикасы Мәгариф һәм фән министрлыгы

Аксубай муниципаль районы

“В.Г.Тимирясов исемендәге беренче номерлы Аксубай  урта гомуми белем  мәктәбе”

муниципаль бюджет гомуми белем учреждениесе

“Сыйфат ” темасына  интеграль дәрес эшкәртмәсе

(Туган  тел һәм рус теле  дәресе)

Аксубай муниципаль районы

“В.Г.Тимирясов исемендәге беренче номерлы

Аксубай  урта гомум белем  мәктәбе”

муниципаль бюджет гомум белем учреждениесенең

беренче квалификацион категорияле

татар теле һәм әдәбияты укытучысы

Хәлиуллина Илсөяр Фазыл кызы,

Сафина Гөлгенә Ирек кызы

Фән: Туган тел.Рус теле

Тема: Сыйфат.

Дәреснең максаты:   предметның билгесен белдерә торган сүзләр белән таныштыру ;аларны аерып таный белергә өйрәтү;

Үстерелешле уку гамәлләре: сөйләм телен үстерү; логик фикер йөртү осталыгын камилләштерү; хәтерне үстерү;

Тәрбияви: эш барышында үзеңне әдәпле тоту культурасы тәрбияләү, туган тел һәм рус теле  дәресләренә кызыксыну уяту;хезмәтне яратырга өйрәтү; туган телгә, табигатькә   хөрмәт хисе  тәрбияләү.

Планлаштырылган   нәтиҗәләр:

Предмет   нәтиҗәләре: предметның билгесе  турында төшенчә бирү.

Шәхси нәтиҗәләр: уку материалына кызыксыну уяту, уку эшчәнлеген мотивлаштыру, күршеңә ярдәм итүдә танып-белү инициативасы;

Метапредмет  нәтиҗәләр:

Регулятив УУГ: укытучы ярдәмендә дәреснең максатын билгели һәм формалаштыра белү; дәрестәге гамәлләр эзлеклелеген әйтү; ясалган хаталарны исәпкә алу һәм эшләрне бәяләүдән соң төзәтмәләр кертү; үз фикереңне  дөрес итеп әйтү.

Коммуникатив УУГ:  үзеңнең фикереңне телдән матур итеп әйтә һәм башкаларны ишетә-тыңлый белү.

Танып-белү УУГ: үзеңнең белем системасында ориентлаша белү; яңа белемнәр табу; дәрестә алган белемнәрдән файдаланып, сорауларга җавап бирү.

Дәрес тибы: яңа белемнәрне ныгыту

Төп төшенчәләр: предметның билгесен белдергән сүзләр. Пространство оештыру: парлап эш, шәхси якын килү, төркемнәрдә эш.

Җиһазлау :  презентация, картиналар.

Предметара бәйләнеш: әдәбият (шигырьләр)

Дәрес структурасы

1)      Оештыру этабы.

2)      Дәрескә максат һәм бурычлар кую. Укучыларның уку эшчәнлеген мотивлаштыру.

3)      Белемнәрне актуальләштерү.

4)      Яңа белемнәрне беренчел үзләштерү.

5)      Яңа белемнәрне үзләштерүне тикшерү.

6)      Яңа белемнәрне ныгыту.

7)      Өй эше турында мәгълүмат, аны үтәү буенча күрсәтмә бирү.

8)      Рефлексия (дәрескә йомгак ясау).

1.Оештыру этабы

Татар теле укытучысы

Исәнмесез укучылар!

Хәерле көннәр сезгә!

Зиһен һәм тел ачкычларын

Телибез һәммәбезгә.

- Хәерле көн, укучылар.Бер-беребезгә яхшы кәеф теләп. дәресебезне башлыйбыз.! Хәзер безнең туган теле дәресе.. Сез бүген гади укучылардан тикшеренүчеләргә әйләнерсез һәм ачышлар ясарсыз.  Ә мин сезнең ярдәмчегез булырмын..

Пусть сегодняшний урок принесёт Всем радость общения друг с другом.

У нас сегодня будет необычный урок - интегрированный.  

Вы готовы окунуться в мир татарского и русского языка?

 -Эшкә керешер алдыннан, парларда эшләү кагыйдәләрен искә төшереп китик.

-Бирелгән сүзләрне ике төркемгә бүлегез. 

Малай, укый, күгәрчен, ашый, йөгерә, сыерчык, эшли, китапханә, җырлый, дәреслек..

 -Укучылар, бу сүзләрне нинди ике төркемгә бүлдегез?Ни өчен?Предметны белдергән сүзләр дип нинди сүзләрне атыйбыз?(парларда эш)

-Эш-хәрәкәтне белдергән сүзләр дип нинди сүзләрне атыйбыз?

-Кем? Нәрсә? Соравына җавап биргән,предметны белдергән сүз төркеме  ничек атала?

-Нишли?Нишләде? Сорауларына җавап биргән,предметның эшен,хәрәкәтен белдергән сүзләр ниди сүз төркеме дип атала?

2. Дәрескә максат һәм бурычлар кую этабы

Яшел,укучы,куян,түгәрәк,акыллы,каен,урам,тыйнак,сандугач,баллы

Бирелгән сүзләрне ике баганага аерыгыз.(Беренче багана:укучы,куян,каен,урам,сандугач.Икенче багана:Яшел,түгәрәк,акыллы,тыйнак).

-Беренче баганадагы сүзләр нинди сорауга җавап бирәләр?

-Беренче баганадагы сүзләр нәрсәне белдерә?

Предметны белдереп,кем?нәрсә?соравына җавапбиргән сүз төркеме ничек атала?

-          Икенче баганадагы сүзләр нәрсә белдерә?

-          Яшел-төсне, түгәрәк-форма,акылы-характер,баллы- тәм.

-          Бу сүзләрне бер сүз белән атарга мөмкин-билгеләр.

-          Бу сүзләр нинди сорауга җавап бирә?(Нинди?кайсы?)

Предметнын билгесен белдергән сүзләр сыйфат дип атала.Алар нинди?кайсы? сорауларына җавап бирә.

Бүгенге дәреснең темасын билгеләгез.

Дәреслекнең 81 нче битендәге кагыйдәне уку.

-Димәк,бүгенге дәрестә нинди сүзләр турында сөйләшербез?

-Билгене белдерә торган сүзләр турында өйрәнербез.

Максатларны тактага язып куябыз.

Что общего между словами солнце, лимон, банан, одуванчик, подсолнух?(желтый)А что общего между словами желтый, красный, умный, добрый,весенний?(отвечают на вопрос какой?)

У существительных подчас

Не жизнь, а просто скука!

Ни цвета нет у них без нас,

Ни запаха, ни звука.

Но если нас к ним приложить,

Им веселее станет жить.

Вот громкий стук,

Вот желтый шар,

Вот сокрушительный удар,

-О каких словах рассказывает поэт?(Об именах прилагательных)

Белемнәрне актуальләштерү этабы.

Яшел шәлен ураган,

Ап-ак күлмәген кигән.

Үзе бөдрә,чәче юк.

-Табышмакның  җавабын әйтегез.(каен)Бу табышмакта сүз  нәрсә турында бара?

 -Нинди билгеләрен белдегез?Бу сүзләр нәрсә белдерә?Нинди сорауларга җавап бирә?

Табышмакны күчереп язу,сыйфатларның асларына дулкынлы сызык сыз. Бер укучы сыйфатларны укый,калганнары тикшерә.

Фикультминутка

Балалар түгәрәккә төзелеп басалар һәм капчык эчендәге предметны капшап карап, билгеләрен атыйлар. Шуннан сон нәрсә икәнен әйтергә тиешләр.

4.Яңа белемнәрне беренчел үзләштерү    этабы.

-Шакмаклар санына карап.сыйфатларны язып бетерегез.

я	х
с	у
й	о	м
б	а	л

Бер укучы җавапларны әйтә,калган укучылар эшләрен тикшерә Әгәр бирем дөрес эшләнсә+куела.

-Бу сүзләр нәрсәне белдерә?

-Нинди сорауга  җавап бирә?

-Сыйфатлар белән сүзтезмәләр төзеп язарга.

Каким должен быть предмет?

По цвету	По форме	По величине	По месту	По времени	По характеру

У каждого ученика на столе лежит таблица. Нужно записать как можно больше имен прилагательных по каждому виду признаков. В конце проводится проверка. Победители определяются по наибольшему числу подобранных прилагательных.

5. Яңа белемнәрне үзләштерүне тикшерү этабы

Чын дуслык авыр вакытта беленә.

Күмәк эш – күңелле эш.

Яхшы сүз балдан татлы.

Кешегә иң кирәге – ягымлы йөз, тәмле сүз.

Бирелгән мәкальне укырга,күчереп язарга.Сыфатларны билгеләргә.

На доске записан слева столбик слов, обозначающих признаки предметов, а справа столбик слов, обозначающих предметы, но в другом порядке. Нужно записать словосочетания.

Колючий                 олень

Трусливый                  медведь

Хитрая                       ёж

 Неуклюжий               лиса

Богатый                     заяц                

6. Яңа белемнәрне ныгыту.

Предметның билгесен белдергән сүзләрне кулланып сыйныфташыгыз турында хикәя төзегез.

Ул _____________ буйлы_________  малай(кыз). _________________, ___________,________________ булганга, без аны яратабыз.

Терәк сүзләр: озын,кыска,акыллы,тәртипле,тәрбияле.

7.Өй эше турында  мәгълүмат, аны үтәү буенча күрсәтмә бирү

1.196 нчы күнегү.

2. Предметның төсен, тәмен, формасын, характерын белдергән 5-6 сыйфат белән җөмләләр төзеп язарга.

3.”Минем әнием” темасына кечкенә текст язарга.

8.Рефлексия

-Бүгенге дәресебездә нәрсә эшләргә тиеш идек? (УМ искә төшерелә, тактадан укыйлар)

-Ничек эшләдек?

-Кайсы эш аеруча ошады?

-Ниндиләре уйланырга мәҗбүр итте?

-Нинди нәтиҗә ясадык?

Нәтиҗә . Үзбәя.

Кулланылган әдәбият:

1.Туган тел(татар теле).2 сыйныф.Ике кисәктә.Беренче кисәк:башлангыч гомуми белем бирү оешмалары өчен уку әсбабы(татар телен туган телбуларак өйрәнүче укучылар өчен)/М.М.Шәкүрова,Л.М.Гыйниятуллина,О.Р.Хисамов;{рәссамыДиләрә Нәүрузова},-Казан:Татар.кит.нәшр.,2020.-126б.:рәс.б-н.

2.Ситникова Т.Т.Н.,Яценко И.Ф.,Васильева Н.Ю.

Поурочные разработки по русскому языку.2 класс.-М:ВАКО,2013.-368с.-(В помощь школьному учителю).