Разработка урока на тему: "Компьютерлік графика"

Сабақ  тақырыбы			Компьютерлік графика түрлері
Күні			26.01.2017
Сынып       7 «А»			Қатысқандар саны - 11	қатыспағандар саны - 1
Сабақ негізделген оқу мақсаты
Оқу нәтижелері			Барлық оқушылар ·        Компьютерлік графика түрлерін ажырата алады.
			Оқушылардың басым бөлігі ·        Компьютерлік графика түрлерінің айырмашылығыны
			Кейбір оқушылар ·          Компьютерлік графикада жұмыс жасай алады
Алдыңғы оқу			Графика түсінігі
Жоспар
Жоспарланған уақыт		Жоспарланған  жаттығулар Ұйымдастыру кезеңі. - Оқушылармен сәлемдесу; - Оқушылардың сабаққа қатысын тексеру; - Жағымды психологиялық ахуал туғызу;         Оқушыларға доп лақтыру арқылы бір-бірне   тілек айту			Дерек  көздері
Басталуы		Үй тапсырмасын сұрау Үйге берілген тапсырманы топ бойынша қорғау Модель. Модель түрлері І-топ. Модель. Модельдеу ІІ-топ. Модель түрлері			оқулық информатика 7 сынып
Ортасы		Адам өмірінде суреттің орны ерекше. Бұрынғы уақытта жазуды білмейтіндер сурет арқылы өз өмірлері туралы жеткізетін болған және де кез-келген затқа сурет салатын болған. Олар үшін суреттің орны ерекше. Осы жерде Альберт Энштейннің сөзі еске түсіп отыр: «Ең қарапайым әдіс-тәсілмен терең ойды білдірудің өзі - өнер» Ал өзіміз балалық шағымыздағы кітаптарымызды еске түсірейік. Олар қандай болып еді? Неге балалар кітаптарында суреттер көбірек бейнеленген? Дұрыс, сурет арқылы ең қиын деген мәліметтің өзін оңай игеруге, яғни қабылдауға болады. Информатика пәніндегі сурет – бұл компьютерлік графика. Ал балалар біздің бүгінгі жаңа сабағымыз: «Компьютерлік графика және оның түрлері». Графика дегеніміз – бұл сызба құралдарының көмегімен жасалған сурет. Графикалық редактор дегеніміз – графикалық бейнелерді құруға немесе өзгертуге арналған программа. Компьютерлік графика – әр түрлі кескіндерді (суреттерді, сызбаларды, мультипликацияларды) компьютердің көмегімен алуды қарастыратын информатиканың маңызды саласы. Компьютерлік  графика : 1) Екі өлшемді графика                                             2) Үш өлшемді графика болып бөлінеді. Екі өлшемді графикаға: растрлық, векторлық және фракталдық. Растрлық графикада кескіндер түрлі-түсті нүктелердің жиынтығынан тұрады. Растрлық кескінді құрайтын әрбір пиксельдің өз орны мен түсі болады және әр пиксельге компьютер жадында бір ұяшық қажет.      Растрлық кескіннің сапасы сол кескіннің өлшеміне (тігінен және көлденең орналасқан пиксельдердің саны) және әр пиксельді бояуға қажетті түстердің санына тәуелді болады. Өңдеу редакторлары: Adobe Photoshop, Corel PhotoPaint Фракталды графиканың жасалу әдісі сурет салуға немесе безендіруге емес,програмалауға негізделеді. Егер растрлық графикада растр (пиксель), ал векторлық графикада сызық базалық элемент болып табылса, фракталдық графикада математикалық формуланың өзі базалық элемент болып табылады, бұл компьютердің жадында ешқандай объект сақталмайды, кескін тек қана теңдік бойынша салынады деген сөз . Векторлық кескіндер, бұл - сызық, доға, шеңбер және тікбұрыш сияқты геометриялық объектілер жинағынан тұратын кескіндер. Бұл жерде вектор дегеніміз - осы объектілерді сипаттайтын мәліметтер жиынтығы. Векторлық графиканың басты артықшылығы оған кескін сапасын жоғалтпай өзгеріс енгізуге, оңай кішірейтуге және үлкейтуге болатындығы. Векторлық кескіндер СorelDRAW, Adobe illustrator  секілді векторлық графикалық редакторларда жасалады. Үш өлшемді графика: Үш өлшемді графика (3D Graphics) — көлемді объектілерді бейнелеуге арналған тәсілдер мен құралдардың жиынтығынан тұратын компьютерлік графиканың бөлімі. Үш өлшемді графикамен жұмыс істеуге арналған бағдарламалар: - 3D Studio MAX 5; - AutoCAD; - Компас; Қазіргі компьютерлік графика қолданылу әдісі бойынша мынадай негізгі салаларға бөлінеді: Ғылыми графика. Алғашқы компьютерлер тек ғылыми және өндірістік есептерді шығару үшін қолданылды. Іскерлік графика – қандай да бір мекеме жұмысының көрсеткіштерін көрнекі түрде ұсыну үшін қолданылатын компьютерлік графиканың маңызды саласы. Конструкторлық графика - инженер - конструкторлардың, архитекторлардың, жаңа техниканы ойлап шығарушы өнертапқыштардың жұмысында қолданылады. Суреттеу графикасы (көркем графика) - деп компьютер экранында ерікті түрде сурет салу мен сызуды айтады. Жарнамалық графика – теледидар пайда болғаннан кейін танымал бола бастады. Графиктік файлдардың форматтары : Графиктік формат – бейнені кодтау тәсілі. o   ВМР- форматы (ағылш.тіл. Bit Map – «биттік карта»). ВМР – графиктік файлдың стандартты форматы. o    PSD - Adobe PhotoShop пакетінің стандартты форматы, көп қабатты бейнелерді сақтайды. o    CDR форматы - Corel Draw   бағдарламасының форматы және ол векторлық бейнемен қоса, растрлік графиканы және мәтінді сақтау мүмкіндігін береді. o   РNG-форматы - ағыл.т. Portable Network Graphic Format – «желі бойынша графиканы жіберу форматы», «пинг» деп оқылады). o   GIF-форматы - (ағылш.т. Graphics Interchange Format – «графиканы алмастыруға арналған формат»). o   JPEG-форматы - фотобейнелерді сығып сақтауға арналған аса әйгілі формат. Компьютермен жұмыс 1. Paintnet графикалық редакторында төмендегі нысанды салыңыз!            2. Paintnet графикалық редакторында төмендегі нысанды салыңыз! Түстер палитрасын қолданыңыз!                  Күрделі тапсырмалар:              Топпен жұмыс. Графика Растрлық Векторлық Фракталдық      +          + +          + +
Аяқталуы Кері байланыс		Сабақты  қорыту. В П Л Ь А Д Ж Е И Е Ч К Н Т К К С О Р Е Ү Т А П Т Е Г С О Й Н Н Н Т А Р А Т Ы О Ф Л Р С О Й Т О У Б Т Р Ф О Р М Үйге  тапсырма  § 19. Компьютерлік графика, түрлері. Бағалау. Оқушылардың  білімін бағалау
Қосымша ақпарат
Рефлексия
Қорытынды бағамдау
Қандай екі нәрсе табысты болды? (оқытуды да, оқуды да ескеріңіз) 1. Сабақтар оқушылар өздері жаңа материалды интернеттен іздеп тауып, презентация жасап түсіндіргені табысты болды. 2. Оқушлар компьютермен жұмыс жасағанда деңгейлік тапсырмалардың орындауы Қандай екі нәрсе сабақты жақсарта алды? (оқытуды да, оқуды да ескеріңіз) 1. Оқушылар өздері ізденгені және өзін-өзі бағалауы 2. Қабілетті оқушылармен жұмыстың болуы Сабақ барысында мен сынып немесе жекелеген оқушылар туралы менің келесі сабағымды жетілдіруге көмектесетін не білдім? 1. Топтық жұмысты әр сабақта қолдануын 2. Оқушыларды шығармашылыққа бағыттай отырып, өздігінен жаңа сабақты меңгеруіне көмектесетінін білдім.