Разработка урока по самопознанию "Адамзаттың бәрін сүй, бауырым деп!"

Начало формы

    «Өзін-өзі тану» сабағының жоспары

Мектеп: Жаңаөзен қаласындағы №8 Қашаған Құржыманұлы атындағы орта мектеп                                

Мерзiмі: ______________________

Мұғалім: Демиханова Акнур Урунбаевна             

Сынып: 8 «А», «Ә», «Б», «В», «Г»

Оқушылар саны: 24-26

Тақырып:  Адамзаттың бәрін сүй, бауырым деп

Құндылық: сүйіспеншілік

Қасиеттер: кешірімділік, адалдық, риясыз қызмет ету

Сабақ мақсаты: Оқушылардың «Риясыз сүйіспеншілік» сөзінің мағынасын тереңінен ұғындыра отырып, сүйіспеншілік құндылығының мәнін ашу. Міндеттері: - оқушыларды кешіре білуге үйрету; - оқушылардың ддалдық қасиеттерің дамыту; - оқушыларды риясыз қызмет етуге тәрбиелеу.	Ресурстар: (құралдар, мәлiметтер)  слайд, өлеңнің аудиодискісі
Сабақ барысы: 1.     Ұйымдастыру кезеңі. Тыныштық сәті.    «Нұрға бөлену»          Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.           Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты.             Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.            Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.              Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».             Осындай Нұр, Махаббат және Тыныштық күйінде  отыра тұрыңыз...              Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.             Жаймен көзіңізді ашуға болады. Рахмет.               Оқушылар өз әсерлерімен бөліседі. 2. Үй тапсырмасын тексеру            «Екі дос» (аңыз әңгіме) •        Осы әңгіме сендерге қалай әсер етті? •        Осы әңгімеден қандай қасиеттерді өзіңе алуға болады? •        Неліктеп екі дос осылай істеді деп ойлайсындар? •        Екі дос қандай болды? •        Жан жолдас деп айтуға болма?неліктен? •        Екі достың арасында риясыз сүйіспеншілік бар деп айтуға болама?неліктеп және қандай әрекеттен байқадындар?	Ескерту
3. Дәйексөз.  Не жетеді нағыздосқа, асылға, Қуансаң да, қайғырсаң да қасыңда. Қиналады — сен қиналсаң болғаны, Ұйықтамасаң — ұйықтамайды ол дағы Уильям Шекспир... (Уильям Шекспир туралы қызық деректерді оқушыларға айтып беремін) –Дәйек сөзде қандай дос жайлы айтылған? –Осындай қасиеттермен бай досыңды, бауырым деп айтуға бола ма? –Егер дос болсан, қандай дос болу керек? –Нағыз дос болу үшін қандай қасиеттері болу керек?
4. Әңгімелеу І.Есенберлин «Мен адамдарды құрмет тұтам.Бірақ олардың Американы не бүкіләлемдік тартылыс заңын ашқандықтан немесе ғарышқа ұшуымен емес, тек таза көңілмен сүйе білу және жақсылық жасап, әділ бола білу, біреудің қайғысын бөлісе білуіне қарап .Өйткені адамды адам ететін және мәңгілік ететін –махаббат, әйтпесе бәрі де апат болар еді... Тіпті, егерде ең ұлы ашылымдар болмаса да – бәрібір адамзат өмір сүрген болар еді, ал егер сүйіспеншілік жоқ болса, ол тез арада жойлар еді». –Осы әңгімеде сендер қалай ойлайсыңдар І.Есенберлин не айтқысы келді? –Соңғы сөзді қайталап,оқушылардан осы сөзді қалай сендер түсіңіндер? Мұғалімнің сыйы: Мультфильмы: Верните Рекса https://youtu.be/Zh9T0VJ7Jek
5. Шығармашылық  жұмыс, топтық жұмыс.    Шағын қойылым Атасы мен немересі. Атасы: Айналасындағыларды жақсы көрмеген адам әрқашанда өзін бақытсыз сезінеді. Немересі:Барлық адамды жақсы көру мүмкін емес қой. Атасы:Мүмкін болғанда қалай. Бұл –өте қарапайы нәрсе. Тек қана барлығына жақсылық тілеп, ниетің мен ойыңды жақсылыққа бағыштасаң болғаны..... Немересі:Мен бұған қалай үйренсем екен.... –Сендер қалай ойлайсыңдар бірінші адам неден бастау керек?адамзаттың бәрін сүю үйрені үшін? –Немересіне қандай кеңес берер едіңіз?
7.Топпен ән айту. Сөзi: Хасен Закарияновтiкi. Әнi: Оралхан Көшеровтiкi.  Жанар Айжанова «Достарым» Толтыра бiлiп көңiлдiң олқы бос жағын, Қатемдi түзеп жол тапсам дұрыс қостадың, Қиналған шақта бөлiсiп жүрек жылуын, Жүрдiңдер сендер қолтықтан демеп достарым. Жабыққан сәтте қас-қағым Жанымды ұғар басқа кiм?! Жаңа бiр әуен бастадым Сендерге арнап , достарым. Сағыныш толы кеудемдi кернеп жыр көшкiн,  Достыққа келдi сағына әнмен үн қосқым, Өтермiн мына өлшеулi ғана тiрлiкте, Биiктен сайлап, орынын адал, шын достың. Десек те қанша баянсыз достан түңiлдi ер Қаншама арзан мiнезге куә жұмыр жер. Асылдар аз ба, жанын да қияр дос үшiн Соларға тағдыр, өкiнбей өтер ғұмыр бер.
7. Үй тапсырмасы.  –Балаларға Ұлы адамдар туралы қызықты деректерді тауып алуға тапсырма беремін.Оқушылар Ұлы адамдар туралы бізге айтып, тауып алған материалдармен бөліседі. Мысалы: –Тереза ана туралы –Януш Корчак туралы – Махатма Ганди туралы –Бауыржан Момышұлы туралы – Сократ туралы –Абай туралы
8. Соңғы тыныштық сәтi. Бүгінгі  айтылған барлық  жақсы қасиеттерді жүрегімізге сақтап алайық. Сабақ аяқталды. Рахмет!