Науруз байрамы
Сәхнәлә һике. Сөйҙә матур таҫтамалдар
эленгән. Иҙәнгә һуғылған балаҫтар түшәлгән. Түрҙә мендәрҙәр өҫтөндә инәй ултыра.Ишек шаҡыйҙар.
Инәй: Рәхим итегеҙ!Ишек асыҡ!
Бала-саға көлөшөп
килеп инә.
Балалар:Һаумы,инәй.Хәл-әхүәл
нисек?
Инәй:Йә,балалар,
Науруз байрамы нисек башланды?
Балалар: Бик яҡшы,инәй,бик
күңелле.
1-се бала: (алға
сығып)Бына инәй, һиңә Науруз ашын ауыҙ итергә килтерҙек.
(Туҫтаҡҡа
туралған ит өҫтөнә килелә төйөлгән быҡтырылған бойҙай
һалынған).
Инәй (бисмилла әйтеп,ауыҙ итә): һай,рәхмәт төшкөрҙәре,бигерәк тәмле булған!
Бойҙай-туҡлыҡ,ырыҫ билдәһе ул.
Йылдың
башы уң булһын,
Ризыҡтары мул булһын,
Игендәр
шашып уңһын!
Ҡаҙандар ташып торһон!
Бир
көндәрҙең һилен,
Илдәр
булһын имен!
Аллаһы
әкбәр!
2-се бала: Инәй,нимә аңлата ул Науруз
байрамы?
Инәй:Борон йыл яҙ башынан
башланған.Уны халыҡта буранай тип,ҡанбабалар бурана тип йөрөткәндәр.Науруз һүҙе-Яңы йыл,яңы көн тигәнде
белдерә.
Ҡыҙҙар:Инәй,әйҙәгеҙ Наурузбикә һайлайыҡ.
1-се ҡыҙ: Нисек итеп һайлайбыҙ?
2-се ҡыҙ:Инәй,нисек итеп һайлайыҡ икән?
Инәй:әйҙәгеҙ балалар,көн
торошон юрайыҡ.Кемегеҙ көн торошон күберәк юрай белә,шул Наурузбикә
була.Башлағыҙ,ҡыҙҙар.
1-се ҡыҙ:Ай ҡалҡһа-көн боҙола.
2-се ҡыҙ:Балыҡ өҫтә йөҙһә-ямғыр яуа.
3-сө ҡыҙ: Иртән ҡояшты болот ҡаплаһа-көн аяҙ була.
4-се ҡыҙ:Эт ергә ятып аунаһа-көн һыуыта.
5-се ҡыҙ: Көн ҡыҙҙырһа- ямғырға.
6-сы ҡыҙ:Ҡаҙ һыңар аяҡта баҫып торһа, көн
һыуыта.
Инәй: Эй,балалар
бөтәгеҙ ҙә күҙәтеүсән икәнһегеҙ.йәгеҙ әле,улай булғас,йырлап,бейеп күрһәтегеҙ. Кемегеҙ оҫта йырсы,шул
Наурузбикә булыр.
Концерт номерҙары
1.(Кәримова
Гөлүзә башҡорт бейеүен башҡара)
2.Шиғыр һөйләйҙәр
Айгөл:Ас бүреләй
Олай ине
Тышта буран.
Көрткә сумып
Йоҡлай ине
Беҙҙең урам.
Бөгөн, күрсе,
Шундай йылы,
Шундай йылы
Солғап алған
Тәбиғәтте
Майҙын тыны.
Эльвина:ерҙе күмеп
Гөлдәргә
Яҙ килә,яҙ!
Дәртле,йәш
Күңелдәргә
Наҙ килә,наҙ!
Күк йөҙөндә
Көлә ҡояш
Беҙгә бағып,
Ҡоштар ҡайта
Тыуған яҡҡа,
Йөрәк ҡағып.
Настя:Күгәрсендәр,
Күгәрсендәр
Йырлай нисек!
Сәскә атты
Кеүек күк тә
Ал нур сәсеп.
Тып-тып итеп,
Түбәләрҙән
Тамсы аға,
Һәр тамсының
Үҙендә бер
Ҡояш яна.
Диләрә:Ерҙе күмеп
Гөлдәргә,
Яҙ килә,яҙ!
Беҙҙең шат
Күңелдәргә
Наҙ килә,наҙ!
3.Күмәк йыр башҡарыла.
Инәй:Һай,афариндар.Барыһы
ла бынамын итеп йырлай-бейейҙәр.Былай булғас,мин һеҙгә йомаҡ ҡояйым әле.
Тайҙа-таҙамаҡ,
Баҙҙа-баҙамаҡ,
Ҡарҙа-ҡаҙамаҡ.
1-се ҡыҙ:Таҙамаҡ –яҙын тау баштарының ҡарҙан асылыу мәле, баҙамаҡ-баҙҙағы бал ҡорттарын хәстәрләү мәле;
һаҙамаҡ-көрт аҫтынан,ярмаланып,аҫтындағы һыуҙың туңмай ятыуы;Яҙамаҡ-ер менән һыуҙың
араһындайымыуйәки ҡаты ҡар ятҡан саҡ.
Балалар:Ай афарин
(сәпәкәй итәләр.Ҡотлайбыҙ үҙеңде Наурузбикә булыуың менән.)
Инәй: Йәгеҙ,ҡыҙҙар,әхирәтегеҙҙе Наурузбикә
итеп кейендерегеҙ.
(Ҡыҙҙар
Наурузбикәгә матур елән кейҙерәләр,сәстәренә ленталар ,сулпылар үрәләр,ҡолаҡтарына
матур һырға тағалар).
Ҡыҙҙар: бына хәҙер ысын Наурузбикә булдың.
Наурузбикә:Рәхмәт,дуҫтарым-туғандарым.Әйҙәгеҙ,яланға сығып
ярыштар башлайыҡ.
1-се малай:Егеттәр,әйҙәгеҙ,ат сабыш ярышын
башлайыҡ.Еңеүсегә бүләккә бер толпар ат бирмәккә.
(Малайҙар уйынсыҡ аттарға
атланып ат сабыштыралар).
2-се малай:Малайҙар,беҙҙең арала
Бер ҙә ҡурҡаҡтар юҡсы,
Әйҙәгеҙ сәпкә атайыҡ.
Кем икән мәргән уҡсы?
(сәпкә атыу ярышы)
3-сө малай:Арғы
урам, бирге урам,
Хәҙер беҙ ярышабыҙ,
Ҡайһы урам көслөрәк-
Арҡанда тартышайыҡ.
(Арҡан тартышыу үткәрелә.)
4-се малай: Тамаша
ҡылыусыларға
булһын әле бер мәҙәк,
беҙгә инде күмәкләшеп
Тоҡта ярышыр кәрәк.
(Тоҡ кейеп ярышыу).
Наурузбикә: Әйҙәгеҙ иҫкә һаламдан ҡурсаҡ эшләйбеҙ.
Балалар: әйҙәгеҙ! әйҙәгеҙ!
(Алдан әҙерләнгән ҡурсаҡты биҙәйҙәр)
Наурузбикә:Бына ҡыш бабай һыны әҙер ҙә булды.әйҙәгеҙ уға суҡтар тағайыҡ.Нимәнән ҡотолорға уйлайбыҙ,шуларҙы теләктәр әйтеп
теләйек.
Настя:Ерҙә һуғыш булмаһын.
Диләрә: Алама
ауырыуҙар булмаһын.
Эльвина:Хурлыҡ,аламалыҡ юҡҡа сыҡһын!
Бөтәһе бергә: Һау
бул инде,иҫке йыл,
Түргә баҫһын изге йыл.
Имен –аман йәшәйек,
Ил тыныс булһын быйыл.
Наурузбикә: Ярыштар
дауам итә,
Һеҙҙе бүләктәр көтә,
Кемдәр оҫта ҡурайсы,
Бейеүселәр,йырсылар,Сығығыҙсы уртаға,
Күңелдәрҙе асайыҡ, йыр бәйгеһе башлайыҡ.
(Концерт номерҙары).
Инәй :Әйҙәгеҙ балалар, Наурузбикәнән
йылдың нисек килерен юратайыҡ.
Балалар: әйҙәгеҙ! әйҙәгеҙ! Наурузбикә,йыл
нисек килер икән?
Наурузбикә:Яҡшы булыр көнөбөҙ.
Туҡ булыр һәр көнөбөҙ,
Ямғыр яуып, ҡояш сығыр,
Емешләнер гөлөбөҙ.
Илгә килер именлек,
Һау булырҙар уландар,
Иген ишелеп уңыр,
Ҡуйырырҙар урмандар.
Инәй:Амин,шулай
ғына була күрһен инде, балаҡайҙарым.Юрағанығыҙ юш килһен! Науруз мөбәрәк булһын!
Наурузбикә:һүҙ
шәкерттәргә.Науруз бәйетен әйтегеҙ әле.
1-се шәкерт:Һауанан
осар мең ҡаҙ,
Меңенең башлығы бер ҡаҙ,
Асылыр мөхәррәм яҙ-
Бөтәһе бергә: Науруз
мөбәрәге бар.
2-се шәкерт:
Науруз әйтә беҙ килдек,
Ҡотло байрамын күрҙек,
Иҙге доғалар ҡылдыҡ-
Бөтәһе бергә: Науруз
мөбәрәге бар.
Науруз мөбәрәге бар.
Оставьте свой комментарий
Авторизуйтесь, чтобы задавать вопросы.