Сабақ тақырыбы: «Домбыра» би қимылдары

                                   Утебалиева Сандугаш Мусаевна

ырғақ пәні мұғалімі

№56 мектеп-лицейі, Астана қаласы

Сабақ тақырыбы: «Домбыра» би қимылдары

Сабақ мақсаты: «Домбыра» би қимылдарын үйрету

1.Білімділік Би қимылдарын түсіндіре және үйрете отырып, «Домбыра» би қимылдарын меңгерту.

2.Тәрбиелік. Оқушыларды би қимылдары арқылы әдемілікті, сұлулықты сезыне білуге баулу, достыққа, адамгершілікке, тазалыққа, әсемдікке тәрбиелеу.

3.Дамытушылық. Дене бұлшық еттерін дамыту. Би өнері туралы түсінігін кеңейту, оқушылардың эстетикалық талғамын арттыру, төл өнері туралы ұғымын тереңдету.

Сабақ көрнекілігі: Үнтаспа, бүктемелер, түрлі түсті суретер, магнитофон, домбыра

Сабақ түрі: Жаңа сабақ

Сабақ әдісі: Баяндау, түсіндіру, би қимылдарын көрсету, бейнелеу, үйрету

Пәнаралық байланыс: Ән-музыка

Сабақ барысы:

І.Ұйымдастыру бөлімі

1.Залға кіру.

2. «Сәлем-тәжім»

3.Түгендеу

4.Психологиялық дайындық.

ІІ. Үй жұмысы

1.Дене бұлшық еттерін қыздыру жаттығулары.

2. «Вальс биін»

ІІІ.Жаңа сабақ:

Мұғалім сөзі:

-Оқушылар, «Домбыра» қандай аспап, оны білесіңдер ме?

-Ол туралы не айтар едіңдер?

Ықтимал жауаптар:

Домбыра-музыкалық аспап. Онымен күй тартады. Құрманғазы, Дина күйшілер болған. Халқымыз оны қазақтың қара домбырасы деп құрметтейді.

Мұғалім:

1-қимыл.Иә, оқушылар, біздің бүгінгі сабағымыз да домбыраға байланысты болмақ. Сабағымыздың тақырыбы «Домбыра» би қимылы деп аталады. Біздің мақсатымыз «Домбыра» би қимылдарын үйрену.

Алдымен «Домбыраны» ұстау қалпын үйренеміз. Ол үшін оң қолымызбен домбырасын, ал сол қолымызбен, оның шанағынан ұстаймыз.(көрсетеді).

Мұғалім:

2-қимыл. Домбыраны оң қолмен және сол қолмен қағыс  би қимылдарын үйрену. Мұғалім балаларды екі қатарға тұрғызып, алдымен оң қолмен, сосын сол қолмен кезектестіре қайталатады.

3-қимыл. Домбыраны басына көтере жүру қалпы.

4-қимыл. Домбыраны ұстап, шеңбер жасап жүру  қалпы.

Үйренген би қимылдарын мұғалім көмегімен қайталайды.

Жаңа сабақты бекіту:Музыка арқылы үйренген би қимылдарын қайталау

Қорытынды:

Балалар, біздер бүгін қандай би қимылдарын үйрендік?

Ол сіздерге ұнады ма?