Уяв программи.
Сцена çине «Ма
хитре-ши Шупашкар урамĕ» юрăпа «Ямаш» ушкăн тухать.
Ертсе пыракан:
- Ырă кун пултăр, хисеплĕрен те
хисеплĕ çыннăмăрсем, туссем, тăвансем, аякран, çывăхран пуçтарăннисем, пире
хисеплесе килнисем. Йышăнса илсемĕр Çĕрпӱ Çĕрĕнчен, ăшă, çепĕç, хĕрӱллĕрен
те хĕрӱллĕ салам. Паянхи çурхи хĕвеллĕ уçă кун «Ямаш» ушкăн хĕрĕсемпе
каччисем сирĕнпе тĕл пулма питĕ хавас. Йышăнатăр-и пире?
Сире пурне те кĕмĕл уйăх пек
çутă ăшă кăмăл, ырă туйăм, хаваслă кулă, иксĕлми телей сунатпăр.
Паян эпир хамăр уяв программине
Ямаш ялĕнче çуралса ӱснĕ паллă ентешĕмĕр, кĕвĕ-çемĕ ăсти, композитор тата
дирижер Александр Сергеевич Сергеевăн «Ма хитре-ши Шупашкар урамĕ» юррипе
пуçларăмăр. Унăн сумлă та хисеплĕ ячĕ Тǎван çĕр-шыв историне кĕрсе ĕмĕрсене
хывǎнчĕ.
Юрлар-и, ташлар-и?
Пурте пĕрле пулар-и?
Курма килнĕ çыннисене
Ырлăх-сывлăх сунар-и?
1. Юрă: «Тăван курки» (ушкăнпа)
Ертсе пыракан:
Сирĕн патне çитес тесе
Инçе çула тухрăмăр.
Юррăм парне пултăр тесе
Сирĕн умма тухрăмăр.
2. Юрă: «Туллит, туллит тур лаши» (ушкăнпа)
Ертсе
пыракан:
Шăлса кайăр
урайне,
Хĕрлĕ улма
кустарма.
Вĕренсе юлăр
пирĕн юрра
Аса илсен юрлама
3. Юрă:
«Шурă кĕпе тăхăнтăмăр» (ушкăнпа)
Сцена çинчен
кĕмелле
Ертсе пыракан:
Çуль ту çине хăпартăм
Вараламарăм чăлхана.
Пĕр-ик çавра юрă юрласшăн
Каяс тесе сирĕн кăмăла.
4. Юрă «Кăвак çеçпĕл»
Венера Федосеева юрлать.
Ертсе пыракан:
Çапла сывлăх пур чухне
Урасем утнă чухне.
Чĕрем хушать юрлама,
Чунăм чĕнет ташлама.
5. Юрă «Кукамипе кукаçи»
Маргарита Иванова юрлать.
Ертсе пыракан:
Вӗç-вӗç куккук авăтать,
Йӗлме йывăç авăнать.
Хам тăвансене курсассăн,
Пӗтӗм чунăм савăнать.
6. Юрă:«Рябина зреет в сентябре»
(Нина Михайлова, Надежда Ершова тата Эльвира Тимофеева юрлаççĕ,
Ертсе пыракан:
Хĕвел
шевли вăй вылять,
Çут
тĕнчене çутатать.
Ай,
юрлар-и юррине
Туйса
пурнăç илемне.
7. Юрă: Татьяна
Ертсе пыракан:
Мăшăр йăран симĕс суханне
Чăтаймарăм çисе пăхмасăр.
Твансем савса чĕнсе ярсанах
Чăтаймарăм килсе курмасăр.
8. Юрă: «Пирĕн твансем куç тулли» (И.Маргарита юрлать.)
Ертсе пыракан:
Кашни юрă хăйне май
Хăшĕ тунсăхлă самай.
Хурлăхли хурлантарать,
Савнăçли чуна уçать
9. Юрă: «Шăнкрав курăкĕ» (Н.Фил-па Л.Иванова юрлаççĕ
Ертсе пыракан:
Пурçăн тутăр пуç тулли,
Ма çыхас мар çӱçишĕн.
Пирĕн тăван куç тулли,
Ма юрлас мар кăмăлĕшĕн.
10. Юрă «Нет секретов в деревне у нас»
Надежда Ершова юрлать
Ертсе пыракан:
Юрататăп анне куллине,
Ᾰшшăн-ăшшăн куçран пăхнине.
Ыр сăмах, пил парса суннине,
Тĕнчере чи хитри – ман анне.
11. Юрă: «Анне» (Маргарита Иванова юрлать)
Ертсе пыракан:
Юхтăр юрă шăранса,
Чун-чĕрене ăшăтса.
Юрă пире вăй парать,
Чунра çунат çуратать
12. Юрă: «Барыня» Г. Лукина юрлать
Ертсе пыракан:
Кунсем иртеççĕ малалла,
Çулĕ юлать çуталса.
Эпир юрланă юрăсем,
Ян, янраччĕр таврара.
13. Юрă: «Эпир çиччĕн пĕр тăван» (ушкăнпа)
Ертсе пыракан:
Эй, тăванăм, савăнар-и?
Пурте пĕрле пухăнсан.
Ĕмĕр-ĕмĕр пурăнар-и?
Пĕрне пĕри ыр сунса
14. Юрă: «Чăнах лайăх чĕн йĕвен» (ушкăнпа)
Ертсе пыракан:
Тăвансем, юрлар-и, кăмăла уçар-и,
Çурт тулли хаваслă чунăм çеçкере.
Сывлăхпа пурнар-и, телее туптар-и,
Çĕн вăй-хал сунатпăр пĕтĕм чĕререн.
15.Юрă:«Сакки сарă сарлака» (ушкăнпа)
Ертсе пыракан:
Çăла кайма мĕн лайăх
Мăшăр витре пит лайăх.
Хирĕç тăрса юрлама
Савнă çыннăм пит лайăх.
16. Юрă: «Ыратать-çке чунăм» Венера Федосеева
юрлать.
Ертсе пыракан:
Симĕс курăк сухан мар
Таптасан та ним те мар.
Эпир кунта ют çын мар
Юрласан та ним те мар.
17. Юрă: «Шурă роза» (Г. Ефимовăпа Н
Ершова
Ертсе пыракан:
Пурнăç – пурнăçах вăл. Этем тени ĕçпе те
çăкăрпа кăна пурнаймасть. Ᾰна çепĕç юрă та, çиçĕмлĕ ташă та, ăш пиллĕ сăмах та,
хушăран шӱт те кирлĕ. Эсир пире итлеме хавас пулсан сирĕн умăрта Маргарита
Иванова.
18.«Хĕрсене мĕнле качча парам-ши?» шӱт.
Ертсе пыракан:
Айтăр-ха, тăван, кӱлер лашине,
Час-часах пĕрле ярăнас та çук.
Айтăр-ха, тăван, юрлар
юррине,
Час-часах пĕрле пулайрас та çук
19.Юрă: «Тур лаши юртать» Амăшĕпе хĕрĕ юрлаççĕ
Ертсе пыракан:
Тăвансем сире курсассăн
Чун-чĕреçĕм савăнать.
Сирĕнпе пĕрле пулсассăн
Пĕтĕм кăмăлăм тулать.
20. Юрă:«Шăпчăк ларсан» Г. Ефимовăпа Н. Ершова юрлаççĕ
Ертсе пыракан:
21. «Утса килтĕр-и?
Чупса килтĕр-и?
Ĕçĕрсене пăрахса
Пире курма килтĕр-и?», -тесе юрлаççĕ «Ямаш» ушкăн хĕрĕсем…
Ертсе пыракан:
22. «Юрату çинчен юрлаççĕ вăйăра хĕрсем»,- тесе юрлать
Лариса Иванова )
Ертсе пыракан:
Пĕрре килет ĕмĕрĕ
Пурăнасчĕ телейпе
Пурнăçланас ĕмĕтсем
Çук, килмест-çке пирĕнтен
23. (Сирĕн умăрта
«Чӱречерен чӱречене куçарап чечексене» юрăпа Галинăпа Надежда – тус-тантăшсем.)
Ертсе пыракан:
«Пурнăçра тĕлĕнмелле кĕнчеле» тесе ахаль каламан пуль çав
24.«Ларт, ларт, ларт» шӱт(ЛукинаГ)
Ертсе пыракан:
Сывă-и, тăванăмсем
Мĕнле пурăнатăр?
Эпир кунта юрланишĕн
Эсир мĕн калатăр?
25.«Ᾰçта-ши вăл куккукĕ» юрăпа сирĕн умăрта культура ĕçченĕсем.(Галина, Лариса,
Эльвира)
Ертсе пыракан:
Тăванăмсем, çунатăмсем
Сире савса юрра юрлатпăр.
Телейлĕ, ырă çут кунсем
Таса чунтан сире сунатпăр.
26.Юрă: «Пирĕн лаша хура тур » (ушкăнпа)
Ертсе пыракан:
Айтăр пурте савнар-и,
Кӗвӗлер-и такмаксем.
Ай, юрлар-и, ай,ташлар-и,
Пӗрле чух пур тăвансем.
27.Юрă: «Килмест те килмест тееççĕ» (ушкăнпа)
Ертсе пыракан:
28.«Ма кайрăм-ши Макара, каймаллаччĕ Сахара»,- тесе юрлать
Лариса Иванова.
Ертсе пыракан:
Хĕвел хĕрсе пăхнă чух
Савăнать хирте тăри.
Чун савнипе пĕрле чух
Шăранать хитре юрри.
Юрă: Татьяна
Ертсе пыракан:
Юрлассăм та килет-çке,
Ташлассăм та килет-çке.
Сирӗн патне килсессӗн,
Савнассăм та килет-çке.
Юрă: «Çырла пиçсе çитнĕ вăхăтра» (ушкăнпа)
Ертсе пыракан:
Сирĕншĕнех юрлатпăр
Сирĕншĕнех хайлатпăр.
Çĕнĕрен те çĕнĕ юрăсем
Ᾰшшăн тав тăватпăр
Ырă çеç сунатпăр,
Пурсăра та хаклă тăвансем.
Юрă: «Атăл хăмăшĕ» (ушкăнпа)
Ертсе пыракан:
Тĕл пулса, тăвансем, савăнасчĕ
Çĕр çинче хамăр пурăннă чух!
Ушкăнпа юр юрласчĕ, ташласчĕ,
Ик хутчен пурнăç, ай, килес çук
Юрă: «Сĕтелĕрсем çинче» (ушкăнпа)
Чаршав.
Сценка: «Çĕнтерĕве – 73 çул»
Ертсе пыракан:
Савăк юрă парне пултăр
Унран пахи мĕн пултăр.
Савăнтарса эпир юрлани
Чуна уçма пулăштăр.
Юрă: «Алла купăс парăр-ха»
Ертсе пыракан:
Хисеплĕ тăванăмăрсем, сывпуллашма вăхăт
çывхарса килет. Пирĕн уява хутшăнма кăмăл тунисене, çавăн пекех уява курма
килнисене тав сăмахĕ калас килет. Ᾰнăçу, çирĕп сывлăх, иксĕлми телей сунатпăр.
Мĕн чул юрă шăранчĕ паян
Куракан эс пире пуç таян.
Анчах вăхăт васкать-ши мĕн ма
Вăхăт çитрĕ сиртен уйрăлма.
Тавтапуç хаклă тус, тăвансем
Хуларан та ялтан килнисем.
Пире сирĕнсĕр пулĕ кичем.
Сывă
пулăр тепре куриччен.
-------------------------------
Юратмасан, савăнмасан,
Мĕнле пурнан çĕр çинче.
Юрламасан, ташламасан,
Кичем пулĕ çынсене.
Оставьте свой комментарий
Авторизуйтесь, чтобы задавать вопросы.