«Зырян
қаласының №9 орта мектебі»КММ
Сыныптан
тыс шара
«Сөз
мерген»
танымдық
сайысы
2
«Б» сынып
Бастауыш
сынып мұғалімі: Жампеисова К.И.
2017
жыл
Сабақтың мақсаты:
оқушылардың сөз құдіретін түсіне білуге, көркемдігін сезіне білуге баулу; ана
тіліне деген сүйіспеншіліктерін арттыру. Тіл байлықтарын, шығармашылық
қабілеттерін дамыту. Кітап оқуға деген қызығушылықтарын арттыру.
Күтілетін нәтиже:
ой-өрістері кеңейеді; білімге деген құштарлықтары, пәнге деген қызығушылықтары
артады; ана тілін қадірлей білуге үйренеді.
Көрнекілігі:
интерактивті тақта, суреттер, стикерлер, ақын-жазушылардың суреттері, ана
тіліне байланысты сөздер.
Жүргізілу барысы: Ұйымдастыру
:оқушылардың даярлығын, сыныптың даярлығын тексеру.
***Психологиялық
даярлық /бейнеролик көрсету/
Сүйемін
туған тілді, анам тілін,
Бесікте жатқанымда-ақ берген білім.
Шыр етіп жерге түскен минутымнан
Құлағыма сіңірген таныс үнін.
Туған тілде сыры
терең жаным бар,
Туған тілде әнім
менен сәнім бар.
Туған тілім тіл
болудан қалса егер,
Жүрегімді
суырып-ақ алыңдар.
Ендеше өзінің
туған тілінен нәр алып сусындап жүрген оқушыларымызды ортаға шақырайық. «Сөз
мерген» атты танымдық сайысқа қош келдіңіздер!
Бүгінгі сайысқа
қатысатын оқушылармен таныс болыңыздар. 1топ «Тапқырлар» тобы : Айым 2топ
«Алғырлар» Іңкәр
Медина Айдана
А.
Аңсар
Мақсат
Айбота
Назерке
Аружан Милена
-Әділқазылар алқасымен таныстыру /3/
-Сайыс
кезеңдерімен таныстыру: 1. «Мен-Саған», «Сен-Маған»-бір-біріне сұрақтар қойып,
жауап береді. Әр дұрыс жауапқа 1 ұпай беріледі.
2. «Мықты болсаң,
тауып көр» /тұрақты тіркестердің мәнін табу/
3. «Ұшқыр ой»
/Сөйлемдерді әңгіме шығатындай етіп құрастыру./
4. «Жүйрік
болсаң, озып көр» /берілген сөздерден мақал-мәтел құрастыру/
5. «Ойлы болсаң,
озып көр» /сурет бойынша әңгіме құрастыру/
6. «Әдеби
ертегілердің кейіпкерлерін табу» /ертегі кейіпкерлерін табу керек/
7. « Тапқыр
болсаң, талас жоқ» /мәтін бойынша сұраққа жауап беру/
Бүгінгі
сайысымызды бастамас бұрын бір сәт ұлылардан қалған ойлы сөздерге
«Анамыздың ақ
сүтімен бойымызға дарыған тілімізді ұмыту –бүкіл ата-бабамызды, тарихымызды
ұмыту». Б.Момышұлы
«Әрбір саналы,
мәдениетті азаматқа ана тілі мен сол ана тіліндегі әдебиеттің қадірін білмеу -
мәдениетсіздік». М.Әуезов
«Түрлі –түрлі
байлық бар. Солардың таңдауын берсе, мен тіл байлығын таңдар едім. Өйткені тіл
байлығы – бәрінен де сенімді байлық» Ғ.Мүсірепов
Құрметті
оқушылар! Тіл – халықтың тарихы, ұлттық қазына, тіл- біздің намысымыз, арымыз,
байлығымыз демекпін.
Ойынымыздың
бірінші белесі 1. «Мен-Саған», «Сен-Маған»-бір-біріне
сұрақтар қойып, жауап береді. Әр дұрыс жауапқа 1 ұпай беріледі.
1топ. 1- Қазақ
даласының шамшырағы болған кім?
2-Зеректік әңгімесі кім туралы? /Белгілі балалар жазушысы С.Бегалин Шоқан/
3-
«...Оның кітапқа ынталанғандығы сонша, жан-жағына да қарамады.» қай әңгімеден
үзінді? Кім туралы? /Кітап оқу. Қартқожа туралы, Ж.Аймауытов/
4-
Ө.Тұрманжановтың өлеңі қалай аяқталады:
Неткен сұлу, неткен көркем,
...
/Осы менің туған өлкем/
5- Науырыздың
ұзақ күндері қалай аталады? /Ұзынсары/
2топ. 1- Алғаш
әліппе оқулығын жазған кім? /А.Байтұрсынов/
2- Абай
ата сөзі 5асыл іс, 5жаман іс. Қандай сөздер? /талап, еңбек, терең ой, қанағат,
рақым; еріншек, бекер мал шашпақ, өсек, өтірік, мақтаншақ/
3- «Бай
болсаң, халқыңа пайдаң тисін», – деп бата берген кім?/Әйтеке би/
4- Қабуснама
деген не?/ертеде жазылған үгіт-насихатқа толы кітап. Оны жазған адамның
есімі-Қайқауыс. Ол бұл кітапты өзінің ұлына арнап жазған.
5-Кім
үлкенді тыңдаса,
Кім
үлкенді сыйласа, -жалғастыр, авторы кім?/Ата ақылы. С.Мәуленов/
-әр дұрыс жауапқа 1
ұпайдан беріледі.
2. «Мықты
болсаң, тауып көр» /тұрақты тіркестердің мәнін табу/
Бұл белестің
шарты бойынша ойыншылар берілген сөздерден тұрақты сөз тіркестерін құрастырып
мағынасын ашып айтып беру керек.
1- Сиыр, қой,
лақ, түйе, шөп /Қой аузынан шөп алмас - жуас /
2- Бас ,көз,
тырнақ, аяқ, кір /Тырнақ астынан кір іздеу - бәле іздеу/
3- Кез, ай,
сөз, тас, оқ / Сөзі мірдің оғындай - өткір сөз/
4- Сақал,
шаш, бас, бет, сипау / Сақал сипап қалу - алдану/
-
Дұрыс
жауапқа 5 ұпай беріледі.
3. «Ұшқыр ой»
/Сөйлемдерді әңгіме шығатындай етіп құрастыру./
Екі
топқа сөйлемдер беріледі. Сөйлемдерді әңгіме шығатындай етіп құрастыру керек.
1топ- «Баспалдаққа» ретімен қояды.
2топ- «Мозайка құрастырады»
- Дұрыс
жауапқа 10 ұпай беріледі.
1топқа
-
Қос қарлығаш
Бір балапан
ұядан түсіп қалды. Қарлығаштар риза болды.
Біздің дәлізде
үш жылдан бері қос қарлығаш ұя салады.
Ағам оны ұясына
салды.
Олар жылда
ұяларынан балапан ұшырады.
2топқа -Астана
Астана –
әдемі қала. Қыста өте суық, боран, аяз болады. Ал жазда ауа райы жылы.
Қала жасыл желекке оранады. Зәулім биік сарайлар, әсем ескерткіштер
бар. Әдемі субұрқақтары да көп. Астана қаласы- еліміздің алтын жүрегі.
-Топтар
дайын болғанша көрермендермен ойын ойнаймыз.
«Қорап
жүгірту» ойыны.Бұл ойынның шарты қораптың ішінде сөздер жазылған
карточкалар салынады, қорапты музыка әуенімен балалар бір-біріне береді.Егер
музыка тоқтаған кезде қорап кімде қалса, сол қораптың ішінен бір карточканы
алып,сол сөздің мағынасын айтып береді.
4.
«Жүйрік болсаң, озып көр» /берілген сөздерден мақал-мәтел құрастыру/ Бұл
белесте «Сөздің көркі - мақал»демекші берілген сөздерден мақал-мәтел
құрастырыңыздар.
Мақал-мәтелдерді сүйіп оқып, көңілдеріңізге тоқып жүрсеңіздер сөздік қорларыңыз
байып, сөйлеген сөздеріңіз сұлу, әсерлі шығады демекпін.
1-
Ауыз,
көз, құлақ, мұрын, қол /Көз қорқақ, қол батыр/
2-
Жігіт,
батыр, отан, киім, ыстық /Отан оттан да ыстық/
3-Дәптер,
кітап, бала, әке, бұлақ /Кітап – білім бұлағы/
4-Қас,
дос, аға, іні, дау /Досы көпті жау алмайды, ақылы көпті дау алмайды/.
- Дұрыс жауапқа
10 ұпай беріледі.
5. «Ойлы
болсаң, озып көр» /сурет бойынша әңгіме құрастыру/
«Үстел
үстіндегі карта» атты ойын.
- Дұрыс
жауапқа 15 ұпай беріледі.
-
екі топқа 5 суреттен дайындап қойылады
6. «Әдеби
ертегілердің кейіпкерлерін табу» /ертегі кейіпкерлерін табу керек/
1-Аңқау
арыстан суретін көрсету /36-бет/
2-Байлық
пен ақыл /38-бет/
3-Қасқыр
мен түлкі /41-бет/
4-Ұр,
тоқпақ /46-бет/
5-Сақина
/49-бет/
6-Шибұт,
Қылмойын, Қарынбас /51-бет/
- Дұрыс
жауапқа 5 ұпай беріледі.
7. «
Тапқыр болсаң, талас жоқ» /мәтін бойынша сұраққа жауап беру/
Төле би
Бір күні Төле би сапар шегіп, жол жүреді. Сөйтіп Ақылбайдың үйіне тоқтайды.
Төле биді жақсы қарсы алып, дастарқан жайып, алдына бас әкеледі. Сонда Төле би
қолына пышақ алып, етті кесе бастайды, еттің бір мұртын аузына салып, құлағы
мен тағдайын Данагүлге береді.
Тапсырма. Ал, енді
сендер Төле бидің Данагүлге не мақсатпен құлақ пен таңдайды берген себебін
айтыңдар.
Жауабы:
дарынды да, ақылды, шешен болсын деп берген.
-
Дұрыс
жауапқа 15 ұпай беріледі.
Бүгінгі ойынымыз өз мәресіне келіп жетті. Ойында өздерінің білімділігін,
тапқырлығын, шешендігін сынға салып, өнерлерін танытқан оқушыларға үлкен алғыс
айта отырып, жеңімпаз топқа «Сөз мерген» деген атақты беру үшін ортаға
сарапшыларды шақырамыз.
Марапаттау.
Оставьте свой комментарий
Авторизуйтесь, чтобы задавать вопросы.