СТАТЬЯ НА МАРИЙСКОМ ЯЗЫКЕ ДЛЯ УЧИТЕЛЕЙ АНГЛИЙСКОГО ЯЗЫКА "*КУЛЕШ ПАЛАШ АНГЛИЧАН ЙЫЛМЫМАТ"

Англичан йылмым тунемаш кулеш!

Самырык енын илышыштыже йот йылме моткоч кугу верым айлен шога. Айдеме икте але утларак йылмым пала гын, пашаверым муаш да кугурак пашадарым налаш йонжо уло. Кызыт кумданрак йот йылме технике профессий дене кылдалтын. Нунын инструкцийышт йот йылме дене пуалтыт, кудыжо мыланна йосылыкым луктын кертеш.

         Южгунам школышто йоча-влак деч колаш лиеш: «Молан мылам тендан англичан йылмыда кулеш, мый садак тракторист лиям?». Тыгай вашмут шуко жап чонем кожгатен кошто. Ялыште улмем годым Госплемзавод «Семёновский»-ын» ик у тракторжын инструкцийже дене палыме лиймем шуын колтыш. Машинан озаже каласыш, что чыла управленийже англичан йылме дене пуалтын. Йоча-влакын йодышыштлан вашмутым мумемлан чотак куанен колтышым. Трктористланат англичан йылмым сайын тунемман улмаш, ынде тыге мыйын ик йочамат ок вашеште.

         Школыштат турло у оборудованийым ужаш лиеш. Уроклаште у техникым, компьютерым кучылтыт. Тудын дене пашам пайдалын ыштен мошташ манын, англичан йылмым сайын тунемман.

         Йот йылмым тунеммаш вийым веле налеш. Сандене, пагалыме тунемше-влак, школышто  молан тендам туныктат  чылалан  тунемак шогыза. Мутпоянлыкдам пойдарен шогыза, вара веле те ушанрак да виянрак лийыда. У тунемме ийыште сенымашым гына тыланен кодам!

Шернур кыдалаш 2-шо номеран школын  англичан йылмым туныктышыжо

Наталья Валерьевна Петухова