Мемлекеттік
тілді үйрену – заман талабы
«Ана тілі- бәріміздің анамыз,
өйткені ол – ұлтымыздың анасы»
Н.Ә.Назарбаев
Қазақ тілі – Қазақстан Республикасының мемлекеттік тілі болып саналады. Қазақ тілі - әлемдегі тілдердің ішіндегі ең бай, келбетті тілдердің бірі. Қазақ тілі қазақ халқының ана тілі.
Тіл қай елде, ұлтта болсын қастерлі, қасиетті, құдыретті.
Тіл
әрбір азаматқа ана сүтімен беріліп қалыптасады. Ана сүтімен бойға енген қасиеттер туған тілдің арқасында дамиды. Туған тілге деген құрмет пен сүйіспеншілік
бала кезден басталуы керек.
Қазақ тілін өзге ұлт өкілдеріне үйрету мақсатында, біздің Тоғызақ
орта мектебінде оқушыларға арналған «Балбөбек» тіл дамыту үйірмесі жұмыс
істейді. «Балбөбек» тіл дамыту үйірмесінде оқушылар бейне сабақтар, аудио
сабақтар, үлестірме қағаздармен жұмыс жасайды. Өзара қызығушылық танытып,
мұғалімнің берген тапсырмаларына дұрыс жауап беруге тырысып, ынта ықыластарымен
сабақтарға араласады. Үйірменің басты мақсаты қазақ тілінің маңызы мен қоғамдағы
орны, жас ұрпақтың мемлекеттік тілдің қадір – қасиетін түсіне білуге тіл
тазалығы үшін күресе білуге үйретеді. Қазақ тілінде емін еркін сөйлеуге
мүмкіндік береді.
Қазақ тілі – халқымыздың рухани байлығы, атадан балаға, ұрпақтан –ұрпаққа мирас
болып қалып отырған баға жетпес асыл мұра. Ана тілдің қасиеті туралы қанша айтсақ та таусылмайды. Азаматтың қолындағы барлық асыл заттары тозады,
жоғалады, ал тіл тозбайтын ең қымбат мұралардың бірі. Қазақтың біртуар ақыны М.Жұмабаев: “Ұлтқа тілімен қымбат нәрсе болмақ емес, бір ұлттың тілінде сол ұлттың сыры, тарихы, тұрмыс тіршілігі, мінезі айқын көрініп тұрады” - деген. Тіл байлығы - әрбір ұлттың мақтанышы. Әр азамат өзінің ана тілін, көзінің қарашығындай
қарауы және ана тілінің орынсыз шұбарлануына қарсы тұруға тиісті.
Қазақстан - әлемдегі ең мықты, бәсекеге қабілетті елу елдің қатарына ену үшін
қазақ тілін жоғары мәртебеде ұстауымыз керек.
Салтанат Рамазанова
Тоғызақ орта мектебі
қазақ тілі мен әдебиеті пәні мұғалімі
Қарабалық ауданы
Оставьте свой комментарий
Авторизуйтесь, чтобы задавать вопросы.