Сәтті жағдай

БҚО Жаңақала ауданы Жаңақала ауылы  Жаңақала  ЖОББМ қазақ тілі және әдебиет  пәні мұғалімі

Искарина Аксана Абдулхамитовна

Тәрбие сағаттың тақырыбы: «Біз достықты қалай түсінеміз?»

Мақсаты: оқушыларға достың адам өміріндегі маңызы, достықтың шынайы белгісі туралы түсіндіру;    оқушыларды әдебитілмен сөйлеуге дағдыландыру, олардың өзін қоршаған ортасын дұрыс түсінулеріне, өмірге деген көзқаратарының қалыптасуына өз ойын, пікірін баяндай жеткізе білулеріне көмектесу;   оқушыларды достыққа адал болуға, имандылыққа, сыйластыққа тәрбиелеу

Түрі: тренинг элементтері аралас танымдық сағат

Әдісі: сыни тұрғысынан ойлау стратегиялары, сұрақ-жауап

Көрнекілігі: интерактивті тақта

Барысы: Ұйымдастыру

Төрт түсті гүлдер арқылы топқа бөлу.

Негізгі бөлім

Кім достық туралы мақал-мәтел біледі.

Оқушылар кезекпен білетін мақалдарын айтады.

Мұғалім: Олай болса бүгінгі ашық сынып сағатымыз «Біз достықты қалай түсінеміз?»

Оқушылар достық туралы өз ойларын айтады.

Мұғалім: Дұрыс айтасыңдар, балалар. Достық – аспандағы жарық жұлдыз, теңіздегі гауһар тас. Жұлдызды да, гауһар тасты да ешкім кірлете алмайды. Достық адамды асқақтатады.

            Нағыз достық адамға шабыт беріп отырады. Олар бір-бірінің қуанышында да, сәтсіздігінде де ортақтасып отырады.

            Жалған достықтың- ғұмыры қысқа болады. Олар бір-біріне шынайы болмайды. Бір –бірінің кемшіліктерін түземейді.

            Ертеректе ел ішінде сөзге шешен Әйтімбет деген кісі болыпты. Бірде замандастары шешеннен:

-          Достық нешеу? - деп сұрапты.

Әйтімбет:

-          Достықтың екі түрі бар. Бірі адал, екіншісі амал достық,-дейді.

-          Дұрыс-ақ енді оларды қалай ажырата аламыз?

Шешен:

-          Адал достық –өмірлік нұсқа, амал достықтың өрісі қысқа, - деп жауап беріпті.

Тапсырма № 1 Жағдаяттар шешу.

Бұл сұрақтар үрулі шардың ішінде болады. Оның жауабын айту үшін шарды дротиктермен жарулары керек. Әр топтан үш оқушыдан шығады.

1.             Саған досың өкпелі. Неге екенін білмейсің. Екі күн болды, сені көрсе қашқақтайды. Сен не істейсің?

2.             Досың сенің жақсы көретін киіміңді күйдіріп алды. Қандай шешім қабылдар едің?

3.             Сенің досыңды үлкен балалар қорқытып жатыр. Сенің әлің жетпейді. Не істейсің?

4.             Сенің досың өзінен кіші баланың телефонын тартып алды. Сынып жиналысында оны талқылап жатыр. Ол сенен көмек күтіп отыр. Сен не айтар едің?

5.             Сенің жаңа досың бұрынғы досыңды тастауыңды өтінді. Өзімен ғана дос болғаныңды қалады. Не істейсің?

6.             Досың сенің қимас ағаң сиылаған сыйкәдеңді ұнатып қалды. Қайта-қайта оны қызықтаумен болды. Қимас досың сұраса берер ме едің?

7.             Сенің досың сенен көмек сұрады. Бірақ дәл сол уақытта сенің қолың бос емес, оның да қолын қайтарғың келмейді. Бұл жағдайда не істейсің?

Тапсырма № 3    «Сөйлемді аяқта» тренингі

1.      Әрбір адамға дос керек, өйткені...

2.      Сыйластық бар жерде...

3.      Достық адамдар арасындағы ...

4.      Жақсы дос, жаман дос қандай ...

Мұғалім: Сонымен, балалар! Дос қандай болу керек?

Сергіту сәті. Достық туралы слайд-шоу көру.

Тапсырма № 2 Топтастыру, бес жолды өлең

Мұғалім: осымен біздің «Біз достықты қалай түсінеміз » атты ашық тәрбие сағатымыз аяқталды. Қолдарыңыздағы гүлдеріңізді бір-біріңе сыйлаңыздар!

Краткое описание документа:

Мақсаты: оқушыларға жақты және жақсыз сөйлем туралы түсінік бере отырып, жақты сөйлемді жақсыз сөйлемге айналдыруға үйрету; кішіпейілдік пен адамгершілікке тәрбиелеу; сөздік қоры мен тіл байлығын дамыту.

Әдісі: сұрақ-жауап, талдау, топтық жұмыстар

Түрі: саяхат сабақ

Көрнекілігі: интертақта, мәтіндер жазылған парақшалар

Сабақтың барысы: Ұйымдастыру кезеңі. Сәлемдесу түгендеу, топқа бөлу.