Темы эссе : Есірткіге қарсымыз

«Есірткіге қарсымыз!»

«Дені сау баласыз,елдің келешегі жоқ», - деп Елбасымыз Н.Ә.Назарбаев айтқандай бүгінгі күні «Нашақорлықпен күрес туралы және жасөспірімдердің есірткі қолдануының алдын алу» бағдарламасын жүзеге асырудың қажеттілігі туындады және ол әлеуметтік маңыздылығына ие болуда.

            Адамдар оның алдында дәрменсіздігін сезіне бастағандай. Дүниені үрей билеген шарасыздың саналы жаратылыс иелерін рухани тұйыққа тірегендей.

Есірткіге тәуелді адамдар, ең алдымен, жүйке және психикалық ауруларға шалдығады. Ұйқысыздық, жындану, ерте алжып, есінен адасу, ұстамалар (сандырақтау, қисынсыз әрекеттер жасау), галлюцинациялар (бос қорқыныш, елес көру, дыбыстар есту), ұмытшақтық, қысқаша айтқанда психикалық ауытқулар.

- Ас қорыту жүйесінің бұзылуы;

- Бауыр және бүйрек аурулары;

- Көз көруінің нашарлауы;

- Тыныс алу жүйесінің өзгерістері;

- Қан аздық, қанның улануы, қан талшықтарының түрі мен мөлшерінің өзгеруі, қанның ұюы және бұдан туындаған гангрена.

Есірткінің ең басты болымсыз жақтарының бірі өлімге апаратын улану болып табылады.

Есірткімен күресті ең алдымен мектеп қабырғасынан бастауымыз керек. Егер бала оның зияны мен азабы туралы хабардар болса, және оның шынымен де өте күрделі, қиын мәселе екендігіне көзін жеткізе білсек, сонда ғана балаларымызды сақтандыра алдық  деуімізге болады. Әрине, есірткінің таралу жолына өте қатаң тыйым  салу мен жазалау жүйесін қарсы қоюға болады. Бірақ, қоғам мүшелері тұрғысынан сұраныс болған жағдайда, оны тіпті өлім жазасымен де тосқауылдай алмайсың. Демек, ең алдымен сұранысты азайтуымыз керек. Баланы тек үркітіп-қорқытпай, оның саналы түрде есірткіден бас тартуына жағдай жасау керек.

Қорытындылай келе нашақорлармен жұмыс жасауда тек маман дәрігер наркологтардың құзырына кірмей барлық халық болып бірігіп, осы аурудың алдын алуымыз керек. Әсерлі шара балалар мен жастарды «Есірткіге қарсымыз!» дейтін дәрежеге жеткізуі қажет.

№52 Б Аралбаев атындағы орта мектебінің 10 сынып оқушысы

Бақытұлы Нұрберген