Тақырып:
«Мен өмірді таңдаймын» тренинг
Мақсаты:
жасөспірімдердің өмірге позитивті көзқарасын қалыптастыру.
Міндеттері:
өмір құндылықтары жөнінде түсініктерді меңгерту; өмірге құштарлығын дамыту;
оптимистік мінез-құлыққа тәрбиелеу.
І.
Оқушылар Т.Айбергеновтің «Өмір» атты өлеңін оқып, «Бақытты өмір» туралы өз
ойларын түйіндейді.
ІІ.
Анкета «Өмірге көзқарасың қандай?»
Мақсаты:
оқушылардың өмірге деген көзқарасын анықтау.
1. «Өмірді»
сүйесің бе?
a) Өмірді
сүйемін, мен үшін әр минуты қымбат;
b) Кейде;
c) Айта алмаймын.
2. Жасаған
қателіктерді түзетуге болады деп ойлайсың ба?
a) әрине болады;
b) білмеймін;
c) болмайды.
3. Адам
өмірінен қымбат нәрсе бар ма?
a) адам өмірі
бәрінен қымбат;
b) білмеймін;
c) ақша, байлық, т.б.
4. Басыңа
қиындық туса не істейсің?
a) мойымаймын,
барлық қиындықты да жеңуге болады;
b) мәселені шешуге
тырысамын, сенетін адаммен ақылдасамын;
c) қиындықты көтере алмаймын.
5. Өмірден
түңілу дұрыс па?
a) дұрыс емес;
b) білмеймін;
c) дұрыс.
6. Айналадағы
адамдармен қарым-қатынасың қандай?
a) жақсы;
b) орташа;
c) нашар.
7. Алдағы
болашағыңнан не күтесің?
a) ұзақ та бақытты
өмір;
b) білмеймін;
c) ешнәрсе
күтпеймін.
ІІІ.
Оқушылар І.Есенберлиннің «Өмір жолы» туралы пікірімен танысып, өз ойларымен
бөліседі.
«Өмір
жолы-көшкен керуен соқпағы тәрізді. Оның бұлтарысы да, жазығы да көп. Асуы қиын
асқарымен қатар, төмен қарай құлдырап өтер ылдиы да болады. Керуен жолы кейде
ұзақ, кейде қысқа келеді. Бірақ, қауіп-қатерсіз, қиындықсыз болмайды. Ойламаған
жерден жел тұрып, сұрапыл дауыл соғады, қалың жауын нөсерлей құйып, бұрын суы
толарсақтан келер тайыз жыра, кенет сарылдай аққан, өткел бермес, долы өзенге
айналады, көшті бөгейді. Бұндай бөгеттен тек шаршамайтын, талмайтын керуен ғана
өте алады. Тоқтамай көшіп, өзінің деген жеріне жетеді».
ІҮ.
«Сенің жақсы сапаларың» жаттығуы.
Мақса
ты: адамдардың бір-біріне сыйластығын, сүйіспеншілігін арттыру, өзіне
сенімділікті қалыптастыру.
Жүргізілуі:
жайлы музыка ойнайды. Барлық қатысушылар бөлмеде еркін жүріп, бір-біріне
кездесіп, комплимент алмасады, яғни серіктестерінің жақсы, өзі жоғары
бағалайтын сапасын айтады. Асықпау керек. Әр қатысушының барлық мүшелеріне де
айтқаны дұрыс.
Ү.
Түйіндеме. Тереза ананың «Өмір туралы» ой-түйінімен танысып, жадында сақтау
тапсырылады.
Өмір
– ол мүмкіндік, пайдалан оны,
Өмір
– ол сұлулық, сүйе біл оны,
Өмір
– ол шаттық, дәмін тат оның,
Өмір
– ол
арманың, іске асыр оны.
ҮІ.
Рефлексия. «Тілек шамы».
С.Сатыбалдин
атындағы орта мектеп
5 сынып
оқушыларымен өткізілген
«Мен өмірді
таңдаймын» атты тренинг бойынша
АНЫҚТАМА
2017-2018 оқу жылының
қаңтар айында 5 сынып
оқушыларымен суицидтің алдын алу бойынша тренинг ұйымдастырылып өткізілді.
Тренинг мақсаты жасөспірімдердің өмірге позитивті көзқарасын қалыптастыру, өмір
құндылықтары жөнінде түсініктерді меңгерту; өмірге құштарлығын дамыту;
оптимистік мінез-құлыққа тәрбиелеу. Оқушылар тренингке белсенді қатысты.
Тренинг барысында интерактивті ақпарат құралдары, көрнекіліктер қолданылды.
Оқушылар өз ойлары, пікірлерімен бөлісті. Тренингтің өтілу барысында оқушылар
өз іс-әрекеттеріне,
мінезіне қатысты сауалдар қойып, өз ойларын айтып талқылады. Тренингке
директордың тәрбие ісі жөніндегі орынбасары қатысып, оқушылардың
қызығушылықтары мен белсенділіктерін атап өтті.
Тренинг мақсаты
орындалды. Тренинг сонында оқушыларға «Сезім» тақырыбы бойынша эссе жазу
тапсырылды.
Педагог-психолог:
С.Р.Мазанова
С.Сатыбалдин
атындағы орта мектеп
«МЕН ӨМІРДІ
ТАҢДАЙМЫН»
Тренинг
5 сынып
Педагог-психолог:
Мазанова С.Р.
2017-2018 о.ж.
Оставьте свой комментарий
Авторизуйтесь, чтобы задавать вопросы.