Тренинг "Сіз мен біз " ұжымдық

Тренинг тақырыбы:  «Сіз+Мен =Біз»

Мақсаты: Мектеп мұғалімдері ішіндегі топ ішіндегі байланысты орнату, бір-бірімен жарасымды қарым-қатынас жасауға мүмкіндік беру.

Сәлемдесу

Мақсаты:

Тренингімізді  бастамас  бұрын  бір-бірімізбен сәлемдесіп  алайық.Ең алдымен қасыңызда тұрған әріптесіңізбен жұп боласыз.

Шарты: Егер сіздер 1 шапалақтағанымды естісеңіздер-қол алысып амандасасыздар.

Егер 2 рет шапалақтағанымды естісеңіздер-иықтарыңызбен амандасасыздар.Ал егер 3 шапалақ естісеңіздер-арқаларыңызбен амандасасыздар.    Рахмет.

 «Арифметикалық іс-әрекет» атты жаттығуды орындауға барлығыңызды ортаға шақырамын

Мақсаты: ұстаздардың ортақ шешімге келуі,топтағы өз рөлін анықтай алуы.

Сіздердің міндеттеріңіз өз тобыңызды жинақтап, өзара ғана  ештеме түсіндірмей,тек топ мүшелерімен бірге  қолыңыздағы фигураларды құрайсыздар./Үшбұрыщ,шеңбер,төртбұрыш, қосу,көбейту,бөлу/

-Бұл тапсырманы орындау барысында сіздерге қиындық келтірді ме?                                                           –Тапсырманы орындауда сіздерге не көмектесті деп ойлайсыздар?

Қорытынды: «Бірлік болмай,тірлік болмас» деген халық мақалы бар.Ұйымшылдық,татулық болса,бірлік,достық орнайды екен.Егер бәріміз біріксек,кез-келген жұмысты тез және нәтижелі орындайды екенбіз.Бірігіп,бірлікте жұмыла істеген істің қуанышы көп болады.Ынтымақ бар жерде,береке,татулық,сыйластық болады.

Шуақты күн

Мақсаты: бір-біріне деген ізгі ілтипаттарын білдіру.

Қолдарыңызды жаймен музыка ырғағымен  алға қарай созып,шеңбер жасаймыз.Бір-бірімізге күлімдеп,бойымыздағы жылылығымызды,сүйіспеншілігімізді,жақсылық нұрын  бағыттаймыз.Алақандарымызды жоғары қаратып,бір-біріміздің алақанына өз қолдарымызды қоямыз да,бір-бірімізге жаймен қолымызды қысып рахмет айтамыз.Рахмет.

 Жүрекше

Мақсаты: Ұжым мүшелері арасындағы сыйластықты нығайта отырып,эмоционалды жігер беру.

Ұмытпаңыздар: Біз-барлығымыз біргеміз! Бірлігі жарасқан ұжымбыз! Ұжымдағы әр адам-қайталанбас және ерекше жан.Біз бәріміз-үлкен күшпіз! Біз мектебіміздің жүрегіміз!Мейірімді болса жүрек-орындалар арман –тілек!

Мектеп психологы              Ж.Қанатова

А.Байтұрсынов атындағы №211 орта мектеп

«Сіз+Мен =Біз»