"Уқыпты бала-әдепті бала" (3 класс)

18-сабақ

Мектебі: ЖББОМ №4

Мерзiмі:   20.01.17                                                          

Мұғалімі: Алитурлиева Л.К.

Класс: 3Б

Оқушы саны: 17

Тақырып: Ұқыпты бала-әдепті бала

Құндылығы: дұрыс әрекет

Қасиеттері: құрметтеу, ізеттілік, сыйластық

Сабақтың мақсаты: Оқушылардың қарым-қатынас дұрыс әрекет құндылығы арқылы ұғындыру Міндеттері. Бірлік түсінігін ұғындыру; Өзара сыйластық қарым – қатынастарын дамыту; Көпшіл болуға тәрбиелеу.	Ресурстар: үнтаспа,шығармашылық тапсырма, презентация
Сабақ барысы:   Ұйымдастыру кезеңi.    5-Т ережесін ұстану 1.Талап; 2.Тәртіп; 3.Тазалық; 4.Татулық; 5.Тыныштық;
Тыныштық сәтi.     Нұрға бөлену    Ыңғайланып отырыңыздар! Денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: күн нұры сіздің төбеңізден өтіп кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойңызды, әр сезіміңізді, эмоцияңыз бен тілек қалауыңызды шайып, жүрегіңіздің хауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп сәуле шашуда. Қолыңыз тек жақсы ізгі істер істейді және баршаға көмектеседі. Нұр аяқтарыңызға тарады, аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.         Нұр бірте бірте қарқын және шұғыланы бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... ғаламның барлық түкпір-түкпіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен нұрмын ».        Осындай Нұр, Махаббат және Тыныштық күйінде отыра тұрыңыз... енді осы нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.       Жәймен көзіңізді ашуға болады.
Үй тапсырмасын тексеру: Е.Ашықбаевтің «Мен өсемін» атты өлеңін сұрау. 1.     Ұқыпты болу дегенді қалай түсінесіңдер? 2.     Ұқыптылық не үшін қажет? 3.     Әдептілікті қалай түсінесіңдер?	Сабақ барысын талқылау:
Сергіту сәті. Менің қайырымды жүрегіме рахмет! • Менің мейірімді жүрегіме рахмет! • Менің жылы жүрегіме рахмет! • Менің жүрегімнің адамдарды жақсы көргеніне рахмет! • Менің жүрегімдегі жақсы көру сезіміне рахмет! • Менің жүрегімнің қуана білетініне рахмет! • Менің жүрегімнің жанашырлығына рахмет! • Менің жан - жануарларды жақсы көретін жүрегіме рахмет! • Менің жақсылықты сезіне алатыныма рахмет! • Мен әрқашан қайырымды боламын! • Мейірімділігім менің - асыл қасиетім! • Менің жүрегім әрқашан мейірімге толы!
Дәйексөз: Ұқыптының уақыты мол. Халық даналығы   2-рет ұлдарға, 2- рет қыздарға айтқызу.  Бәріміз қосылып айту	мағынаны ашу
Әңгімелеу.  «Мейірімді бала» Нұрдаулет үйдің үлкені.Ол 4 сыныпта оқиды.Анасы барлық жұмысты соған тапсырады.Оның кішкентай қарындасы мен інісі бар.Інісінің аты-Нұраділ,ал қарындасының аты-Фатима.Фатима Нұрдаулетті тындағысы келмейді.Бірақ Нұрдаулет Фатиманы қамқорлыққа алып жүреді.Бірде Фатиманың жылаған даусы естілді.Далаға шықса Фатима балшыққа құлап қалыпты.Нұрдаулет Фатиманы әкеліп,шешіндіріп,басқа кейімдерін кигізді.Нұрәділдің шынысына сүт құйып беріп,ұйықтатып тастады.Анасы жұмыстан келгенде Нұрдаулеттің істеген ісін көріп,осылай әрқашанда іні-қарындасына қамқор бол деп ризашылық сезімін білдірді. Сұрақтары: -Нұрдаулет нешінші сыныпта оқиды? -Неге Фатиманың ісіне ренжімейді? -Анасы Нұрдаулетке не деді? -Ризашылық сезімін қай жерден көруге болады? -Сендер алғыс айтқанда қандай сезімге бөленесіңдер? -Алғысты қай кезде айтады?	мұғалім сыйы
Шығармашылық тапсырма (санамақ арқылы топтасады.) 1-топ  Мен бос уақытымда ... .......................................................... 2-топ Мен күнімді мынадай игі істер жасаумен өткіземім:........................................................................................... 3-топ Мен үнемі ұқыптымын, өйткені .........................................
Топпен ән айту. Мен әдепті баламын Сөзі: А.Асылбекров Әні: И.Нүсіпбаев  Мені үлкендер әдепті деп мақтайды, Мінезімнен теріс қылық таппайды. Ал егер сен жалқау болсаң тілазар, Ондай әдет жақсылыққа жатпайды.   Қайырмасы: Айтқан тілді аламын, Айтқан жерге барамын. Мен әдепті, мен әдепті баламын! Қарсы алдынан кесіп өтпей көлденең, Қашан да мен үлкендерге жол берем. Абайсызда қалса біреу сүрініп, Сол заматта сүйеніш боп қол берем. Қайырмасы: Тілін алып кішінің де кәрінің, Көңілінен шығып жүрмін бәрінің. Ата – ананың айтқан сөзін тыңдауды, Әдептілік белгісі деп таныдым. Қайырмасы:
Үй тапсырмасы М.Гумеровтың «Дәме» атты мәтінін оқу.
Сабақтың қорытынды минуты (Тыныштық... бар жерде, тыныштық... бүкiл әлемде) Енді көзімізді жұмып осы сабақта айтылған ойлар мен істерді ой елегінен өткізіп көрейікші. - Барлық айтылған жақсы ойларды жүрегіміздің түкпіріне апарып орналастырайық. - Енді көздеріңді аша ғойыңдар. Сабақ аяқталды. Бүгінгі күндерің қуаныш әкелсін!