Универсиаданы қарсы алу (Класс сағаты)

Әлімбет орта мектеп -балабақшасы

Класс сағаты

Тақырыбы: Универсиаданы қарсы алу

Класс: 5А-7А

Класс жетекшісі: Аманжол П.Н.

2016-2017 оқу жылы

Тақырыбы: Универсиаданы қарсы алу

Мақсаты: Оқушыларды қысқы Универсиадамен таныстыру. Салауатты өмір салтын қалыптастыру. Спортқа деген қызығушылығын арттыру. Отанын, елін, жерін сүюге тәрбиелеу. 

Студенттік спорт тарихы 1905 жылдан басталады. Осы жылы АҚШ-та студент жастардың алғашқы халықаралық жарысы өтті. Бірінші Дүниежүзілік студенттік ойындар 1923 жылы Парижде ұйымдастырылды. Алайда, Универсиада деген атау алған алғашқы спорт жарысы 1959 жылы Италияның Турин қаласында өтті. Содан бергі кезеңде Универсиада әлемдегі ең айшықты халықаралық бұқаралық спорт және мәдени оқиғалардың біріне айналды. Универсиаданың бір мақсаты – спортты білім беру жүйесінің маңызды элементтерінің бірі ретінде ілгерілету.

Универсиаданы Алматыда өткізу туралы ресми шешім 2011 жылғы 29 қарашада Брюссельде Халықаралық университеттік спорт федерациясында (FISU) өткен дауыс беру нәтижесінде қабылданды. Осылайша, Алматы бұрынғы кеңестік кеңістік елдерінің ішінде бірінші болып, 2017 жылы өтетін XXVIII қысқы Универсиаданың астанасына айналды. Бұған дейін 1973 жылы Мәскеу және 2013 жылы Қазан қаласы жастардың тек жазғы спорт ойындарын қабылдаған болатын. Универсиада туын Алматы қаласына беру салтанатты рәсімі 2015 жылғы 15 ақпанда Испанияның Гранада қаласында өтті.

Алматыда өтетін 2017 жылғы Дүниежүзілік қысқы универсиаданың тұмары ретінде сұңқар таңдалды. Тұмарды ұсынушылардың пікірінше, сұңқар жылдамдықты, жеңілдікті, күш-қуат пен жеңіске деген құлшынысты бейнелейді. Логотип айқын көрінетін динамикалық пішіні бар сұңқар қанаты түрінде жасалған. Осы символға орай, Алматыдағы Универсиаданың ұранына «Қанатыңды кең серпі!» тіркесі таңдалды.

XXVIII қысқы Дүниежүзілік универсиада 2017 жылы 28 қаңтар мен 8 ақпан аралығында өтеді. Алдын ала мәлімет бойынша, оған FISU альянсына кіретін 50 елден бес мыңнан астам студент қатысады. Шамамен үш мыңға жуық еріктілер қатарын жұмылдыру жоспарлануда.

Мегаполисті ірі спорттық шараға дайындаудағы инфрақұрылымдық база қызметін 2011 жылы өткен 7-қысқы Азия ойындарына арнап салынған нысандар атқарып отыр. Атап айтқанда, «Сұңқар» халықаралық шаңғыдан секіру кешені, Балуан Шолақ атындағы Спорт сарайы және Алматы облысындағы Шаңғы-биатлон стадионы универсиада жарыстарын қабылдайды. Спорт жарыстары сондай-ақ «Медеу» мұз айдынында және «Шымбұлақ» тау-шаңғылы курортында өтеді. Универсиада үшін қосымша тағы Мұз сарайы, Мұз аренасы және Атлеттер қалашығы салынады.

Универсиада аясында Қазақстанда спорттың 13 түрінен (8 міндетті және 5 қосымша) жарыстар жоспарланған. Мәнерлеп сырғанау, шорт-трек, тау шаңғысы спорты, сноубординг, биатлон, шаңғы жарысы, шайбалы хоккей, керлинг міндетті спорт түрлеріне кіреді. Ал қабылдаушы тараптың ұсынысы бойынша енгізілетін қосымша спорт түрлеріне шаңғымен тұғырдан секіру, шаңғы қоссайысы, фристайл, конькимен жүгіру спорты және бенди кіреді.

Қазақстанның студенттік құрамасының сегіз қысқы Универсиадаға қатысқан тәжірибесі бар. Осы уақыт аралығында Қазақстан құрамасы қоржынына 43 награда салды.

 СПОРТТЫҚ БАҒДАРЛАМА:

2017 жылдың 29 қаңтар мен 8 ақпан аралығында  Алматы қаласында 28-Бүкіләлемдік қысқы Универсиада болады. 2017 жылғы қысқы Универсиада 12  спорт түрінен өтеді:

•  биатлон
•   шаңғы спорты
•   кёрлинг
•   коньки спорты
•   шаңғы қоссайысы
•   шаңғымен жарыс
•   Шаңғымен тұғырдан секіру
•   сноуборд
•   мәнерлеп сырғанау
•   фристайл
•   шайбалы хоккей
•   шорт-трек

Жарыс 8 спорт нысанында өтеді: «Шымбұлақ» тау-шаңғы шипажайы, «Медеу» спорт кешені, «Сұңқар» шаңғы трамплиндер кешені, Б.Шолақ атындағы спорт және мәдениет сарайы, «Алатау» шаңғы-биатлон кешені, Мұз сарайы, Мұз аренасы және Алматының орталығындағы уақытша спорт кешені. Универсиада тарихында бірінші рет спортшылар жарыс уақытында тұратын Атлеттер қалашығы болмақ.

УНИВЕРСИАДА УАҚЫТЫНДА ТУРИСТЕР МЕН СЕРІКТЕСТЕР ТАБУ:

2017 жылы Алматы қаласында өтетін 28-Бүкіләлемдік қысқы Универсиаданы шет елде таныту үшін бірнеше мерекелік шара өтеді.

2017 жылғы қысқы Универсиаданы өткізуге серіктерстер тарту мақсатында маркетингтік бағдарлама жүзеге асырылуда. Тұрақты демеушілерге «алтын», «күміс», «қола» жарнамалық пакеттері дайындалған.

УНИВЕРСИАДА СИМВОЛИКАСЫ:

2017 жылғы қысқы Универсиаданың ұраны – «Қанатыңды кең серпі!», жас спортшыларды спорттың биік шыңын бағындыр дегенді білдіреді.

Универсиаданың кез-келген логотипінде FISU эгидасы бойынша жүргізіліп жатқан, міндетті элемент латын U әрпі болуы шарт.

2017 жылғы қысқы Универсиада логотипі жайылып тұрған құс қанаты бейнесінде: солдан жоғары көтеріліп тұрғаны биіктікті  және шыңды бағындыру деген мағынаны білдіреді.

2017 жылғы қысқы Универсиада талисманы Сұңқар құсы. Қазақ даласындағы мықты, еркіндік сүйгіш, жылдамдық пен ұшудың, жылдамдық пен энергияның және жеңіске жетудегі зор талаптың белгісі. Яғни, жас спортшылардың бойындағы қасиеттердің барлығы.

ҚАЗАҚСТАН ҚҰРАМАСЫНЫҢ УНИВЕРСИАДАҒА ҚАТЫСУЫ:

Универсиада – Халықаралық студенттер спорты Федерациясының(FISU) қанаты астында өтетін, халықаралық студенттер арасындағы жарыс. Универсиада 50 жылдан бері әлемдік спорт аренасында маңыздылығы бойынша екінші орында. Жарысқа 17-ден 28 жас аралығында студент-спортшыларғақатысуға рұқсат етілген.

Қазақстан Универсиадаға 1993 жылдан бері қатысып келе жатыр. Осы жылдар ішінде 700 спортшы қатысып, 125 медаль иемденген.

Қазақстандық сопртшылар үшін 2015 жылғы қысқы Универсиада ең нәтижелі болды. Құрама бірінші рет жалпы есепте 3-ші орын алды (5 алтын, 6 күміс).