Сабақтың лексикалық тақырыбы: «Қазақстан Республикасы»
Сабақтың грамматикалық тақырыбы: Тәуелдік жалғауды қайталау
Сабақтың мақсаты: Білімділік: Оқушылардың Отан, Қазақстан, туған жерінің табиғаты мен байлығы туралы түсініктерін кеңейту. Тәуелдік жалғауларын дұрыс жалғай білуге, дұрыс қолдана білуге үйрету.
Дамытушылық: Оқушылардың есте сақтау қабілеттерін дамыту. Туған ел, Отан туралы оқушылардың сөйлеу дағдыларын қалыптастыру, сөздік қорын молайту, есте сақтау қабілеттерін арттыру.
Тәрбиелік: Оқушының еліне деген сүйіспеншілігін, мақтаныш сезімі арқылы патриоттық тәрбие беру. Оқушыларды намысты, ұлтжанды болуға тәрбиелеу. Оқушыларды жердің қадірін, байлығын бағалай білуге, табиғатты сүюге және қамқор болуға тәрбиелеу.
Түрі: Дамытушылық сабақ.
Әдісі: сұрақ - жауап, сөйлесу, түсіндіру, аударма, баяндау, ізденіс, ойқозғау
Пәнаралық байланыс: география.
Сабақтың барысы:
- амандасу;
- оқушыларды түгендеу;
Сабақтың барысы:
- амандасу;
- оқушыларды түгендеу;
Үй жұмысын тексеру: Біздің Отанымыз. Тәуелдік жалғау. Ойқозғау:
Мен оның түнін сүйем, күнін сүйем,
Ағынды өзен, асқар тау, гүлін сүйем.
Мен оның қасиетті тілін сүйем,
Мен оның құдіретті үнін сүйем.
- Бұл өлең не туралы?
- Отан туралы..
- Отан деген сөзді қалай түсінесіңдер?
- Адамның туып өскен жері, туған-туысқандары, біз тұратын атамекен.
бірінші оқушы: Отан – сенің ата - анаң,
Отан – досың, бауырың.
Отан – өлкең, астанаң,
Отан – аудан, ауылың.
екінші оқушы: Отан – тарих, Отан – тіл,
Жасаған елің, ер халқың.
Отан – өлең, Отан – жыр,
Көтерген көкке ел даңқын.
үшінші оқушы: Отан осы достарым,
Көңілге мұны түйе біл.
«Отан» деп өс, жас қауым,
Оны ардақтай сүйе біл!
- Балалар, біздің Отанымыз қалай аталады?
- Біздің Отанымыз – Қазақстан.
- Қазақстан біздің Отанымыз. Ол – біздің үлкен Отанымыз. Біздің туған жеріміз Ақтау қаласы, ол біздің кіші Отанымыз. Отан деген сөзді басқа қандай сөздермен алмастыруға болады екен?
- Туған жер, туған өлке, атамекен, туған ауыл, туған қала.
- Дұрыс, бұл сөздер бір-бірінен бөлінбейтін ұғымдар.
- Отанымыз Қазақстан туралы кім не біледі?«Біздің Отанымыз» мәтін мазмұнын, Отан туралы әңгімелеу.
- иа, Отан, туған жер ұғымы, – кең ұғым. Бұл ұғымға туған үйің, туған ауылың, туған қалаң жатады. Енді осы Отан, туған ел туралы білімімізді кеңейту мақсатында мына сөзжұмбақты шешіп көрейік.
6-тапсырма 75-бет
1. Ұлт – қазақ
2. Қазақстан Республикасының мемлекеттік рәмізі – Елтаңба
3. Көктем мерекесі – Наурыз
4. Қазақтың ұлы ақыны – Абай
5. Космодром – Байқоңыр
6. Қазақстанның астанасы – Астана
7. Қазақстан Республикасының рәмізі – Ту
8. Қазақстандағы теңіз – Каспий
9. Қазақстан Республикасының мемлекеттік рәмізі – Әнұран
- Балалар, қандай тірек сөз шықты? ( «Қазақстан» деген тірек сөз шығады) Бүгінгі өтетін жаңа тақырыбымыз «Қазақстан Республикасы». Енді бүгінгі тақырыбымызға байланысты жаңа сөздермен танысайық.
Жаңа сөздер:
Сөздікпен жұмыс (Мәтін мазмұнына сәйкес сөйлем немесе сөз тіркесін құрастыру)
көмір – уголь ерекше – особенный
мұнай – нефть мақта – хлопок
темір – железо мақтан етемін – горжусь
мыс – медь биіктеген сайын – чем выше
кендері – ископаемые мөлдір – прозрачный
Мысалы: Ақ мақта, мөлдір су, ерекше оқушы,
Еліміздің табиғаты ерекше.
Оқулықтағы мәтінмен жұмыс. 1 - тапсырма. «Жері байдың – елі бай»
1. Мәтінді түсініп оқу.
2. Мәтінді орысшаға аудару.
3. Мәтіндегі сөйлемдерге сұрақ қою.
Мысалы:
Біздің Отанымыз қалай аталады?
Қазақстан қандай респбулика?
4. Тәуелдік жалғауы бар сөздерді теріп жазу.
Мысалы: Отанымыз – І жақ, көпше, табиғаты – ІІІ жақ, жекеше, қалаларында – ІІІ жақ, көпше
5. Мәтіннің мазмұнын баяндау.
6. “Отан” тақырыбына мақалдар айту “Сен мақал - мәтелдер білесің бе?” Мысалы:
Отанды сүю отбасынан басталады.
Отан оттан да ыстық.
Отансыз адам – ормансыз бұлбұл
Әркімнің өз жері – жұмақ.
Туған жердің ауасы да шипа.
Туған жерге туың тік.
7. Мәтінді пайдалана отырып, сөйлемдердің дұрыс, бұрыстығын анықтандар.
Дұрыс Бұрыс
1. Біздің Отанымыз – Қазақстан. +
2. Жері байдың – елі бай. +
3. Алматыда ақ мақта өседі. -
4. Қызылордада күріш өседі. +
5. Республикамыз үлкен емес. -
6. Оңтүстікте алма өсіріледі. –
- Балалар біздің елімізде көп ұлт өкілдері тұрады,кәне соларды атап айтайықшы: орыстар, өзбектер, қырғыздар, татарлар, немістер.
Дұрыс айтасыңдар, бабалар, әр түрлі көп ұлт өкілдері бір шаңырақ астында тұрады екенбіз. Кәнекей, әр ұлт өкілдері бір шаңырақ астында қалай тұратынын киіз үй құрып көрсетейік.
Сергіту сәті:
Кәне, кәне тұрайық,
Дөңгеленіп алайық,
Киіз үй біз құрайық.
Сол қолымды көтердім,
Оң қолымды көтердім,
Уықты мен тіредім.
Шаңырақты көтердім,
Киіз үйді тұрғыздық,
Жұмысты біз тындырдық.
Сөйлесу: «Қазақстанның таулары» диалогін оқып шығып, жалғастыру
- Сен тұратын жерде тау, өзен, көл, теңіз бар ма? Қалай аталады?
- Ал, туған жеріміздің табиғаты қандай?
«Кубик лақтыру» ойынын ойнау.
Бір оқушы есімдіктер жазылған кубикті келесі оқушыға лақтырады. Кубикті қағып алған оқушы сол есімдікті берілген сөзбен тәуелдік жалғауын жалғап айтады. Мысалы: Менің жерім, сенің Отаның, сіздің досыңыз, оның ауылы.
Сабақты бекіту
- Балалар, бүгін қандай тақырып өттік?
- Қазақстан жері қандай екен? (Қазақстан жері – бай)
- Қазақстан жерінде тағы қандай байлықтар бар? Білесіңдер ме?
- иа, Қазақстан жерінің байлығы тек мұнымен ғана шектеліп қана қоймайды. Қазақстан жерінде кен байлықтары көп. (Слайд Қазақстан Республикасының картасы, оқушылар шығып қалаларды, ондағы байлықтарды атап көрсетеді.)
- Балалар, біздің туған жерімізде қандай кен байлықтары бар? Кім көрсетіп, айтып береді?
- Біздің туған жеріміз Маңғыстауда мұнай, газ шығады.
- Ал, туған жеріміздің табиғаты қандай?
- Туған өлкеміздің табиғаты әр алуан, ерекше
Қорытынды: Балаларды мадақтау.
- Біздің Отанымыз – Қазақстан Республикасы екен. Отансыз адам болмайды. Отанымыз көркейіп, гүлдену үшін біз көп еңбектенуіміз керек. Еңбектену дегеніміз білімді,тәртіпті болуымыз. «Қазақстан» өлеңін мәнерлеп оқып беріп, «Қазақстан» сөзіне ассоциация жазады.
Бағалау: Оқушы білімін бағалау. Үй тапсырмасын орындаған және жаңа сабақта белсенділік танытқан оқушыларды бағалау.
Үйге тапсырма: «Жері байдың – елі бай» мазмұнын әңгімелеу. 4-тапсырма. Қазақстанның табиғаты туралы шағын әңгіме жазу. Сөздік жаттау.
Сабақтың тақырыбы:
«Қазақстан Республикасы»
Тәуелдік жалғау
(5-сынып)
Мұғалімі: Узбекова Ж. С
№ 4гимназиясы
Оставьте свой комментарий
Авторизуйтесь, чтобы задавать вопросы.