Урок с применением Сингапурской структуры

Исмәгыйлева Н.Ә.- Балык Бистәсе 2 нче урта гомуми белем бирү мәктәбенең татар теле һәм әдәбияты укытучысы

----------------------------------------------------------------------------

Дәреснең темасы: Киләчәк заман сыйфат фигыль.

( 7 нче Б сыйныфында  Сингапур структурасын кулланып үткәрелгән дәрес )

Максат: 1.Сүз төркемнәре турындагы белемнәрен камилләштерү

               2. Сыйфат фигыльнең киләчәк заманын танырга һәм сөйләмдә дөрес кулланырга өйрәнү.

               3.Тел һәм сүз кадерен аңларга өйрәнү.

Күрсәтмәлелек: ноутбук, экран,тест, биремнәр, белемнәрне бәяләү таблицасы, һәр өстәлгә номерлар һәм Мэнэдж Мэт.

I.                  Оештыру моменты. Хәерле көн теләп, бер-беребезне сәламләү. Өй эшенең үтәлеш дәрәҗәсе турында сөйләшеп алу (Хәерле көн үземә,

       Хәерле көн күршемә,

      Хәерле көн һәммә кешегә...

II.Актуальләштерү.1.Сүз төркемнәре турында сөйләшеп алу. 2.Сыйфат фигыльне уен рәвешендә «Релли Робин” структурасын кулланып искә төшерү: 1 укучы хикәя фигыль уйлый, ә икенчесе сыйфат фигыль  ясап әйтә. Аннары бергәләп рус теленә тәрҗемә итәләр(Каршы як күрше белән башкарыла)

Рефлекция.

3. “Рольле уен” аша хикәя һәм  сыйфат фигыль турындагы белемнәрен камилләштерү. Һәр төркемнән 1 укучы (М-н, 1нче  номердагы укучылар) берсе сыйфат фигыль, икенчесе хикәя фигыль ролендә  чиратлап үзләре турында  сөйлиләр.

Рефлекция.

4. Яңа тема үтүгә хәзерлек. Экранга  игътибар итәбез:

 Алдыңнан әйткән телең артыңнан килеп тотмасын.

Нәрсә язылган ? Мәгънәсен ничек аңлыйсыз ?( «Релли Робин” структурасын кулланып, иңбаш күршесе белән киңәшеп ала)

 Җавапларны тыңлыйбыз. Мәгънәсен ачыклап фикер алышабыз, нәтиҗә ясыйбыз). Мәкальне дәфтәргә язабыз.Әлеге мисалдагы сыйфат фигыль нинди заманда килгән ?

III . Яңа тема буенча эш:

1.Бүген сыйфат фигыль турында нәрсә өйрәнербез икән ?

(Көтелгән җавап:мәгънәсен, соравын, нинди җөмлә кисәге булуын ачыкларбыз)

Бу сыйфат фигыльдән киләчәк заман формасы ясап буламы ? Хикәя фигыльнең киләчәк заманы нинди кушымчалар ярдәмендә ясалган иде ?

2. Экранга карыйбыз, мисалларны язып куябыз:

- киләчәк (көн), язылачак (шигырьләр), укыячак (китап)...

- ашар (ризык), көтәр (кеше),барыр(юл), әйтер (сүз)...

-барасы(җир), әйтәсе(сүз), укыйсы(китап)...

Киләчәк заман сыйфат фигыль нинди кушымчалар ярдәмендә ясалды ?

(Мисаллар буенча укучылар үзләре ачыклыйлар: -ачак/ -әчәк...)

 IV.      1. «Релли Робин” структурасын кулланып, иңбаш күршесе белән киләчәк заман сыйфат фигыль турында сөйләшеп ала)

2. “Микс Пэа- Шэа” структурасын кулланып, киләчәк заман сыйфат фигыльне ныгытып алабыз, бер үк вакытта ял да итәбез...(4-5 сорау бирелә, җаваплар тыңлана)

3.Теманы ныгыту күнегүләре. А) 162 нче күнегү :

әйтер (сүзләр)- үткән з.сый.ф. ;җөмләдә-аергыч

ә)165нче күнегү(2нче,3нче абзацлар буенча сыйфат фигыльнең нинди җөмлә кисәге булуы турында нәтиҗә ясау

4.Өзек тәкъдим ителә: Дәресләрдән соң китапханәгә кагылдым. Китапханәче апа миңа яңа кайткан китапны тәкъдим итте.Кичен буш вакытымда укыячак китабым турында уйлап өйгә ашыгам. Аяк астында, минем уйларга кушылып, күңелле генә итеп кар шыгырдый.

“Континиус Раунд- Робин” структурасын кулланып, өзекне дәвам итәбез.

Хикәяләр белән танышу.

5.Белемнәрне тикшерү өчен тест тәкъдим ителә.

(Сыйфат фигыль буенча 5 тест):

Тест сораулары :

1.Билгеләнгән сүз кайсы  сүз төркеменә карый ? Авыздан чыккан сүз- атылган ук. 

  а.Боерык фигыль ә.Хикәя фигыль.б.Сыйфат фигыль

2.Автобуста шәһәрдән кайтучы кешеләр күп иде. Җөмләдәге сыйфат фигыль кайсы заманда килгән?

   а.Үткән заман.  ә.Хәзерге заман .б.Киләчәк заман

3.Сездә шигырь яз...   тор...   кызлар бармы?  Хәзерге заман сыйфат фигыльнең (барлык төр) тезмә формасын сайлагыз .

а. язмый торган .     ә.язучы.  б.яза торган

4.  ... сүз – аткан ук. Нинди сүз төшеп калган ?  

 а.Әйткән . ә.Мөһим . б.Кирәкле

5. Киләчәк заман сыйфат фигыльләр кайсы төркемдә ?   

    а. килүче(кунак), барыр (юл). ә.укыйсы (китап), килер(көн). б.киләчәк(көн), сөйләшә торган (курчак)

Экранда күрсәтелгән җаваплар белән чагыштыралар, үзләре бәялиләр)

6.“Модель Фрейер” структурасын кулланып, сыйфат фигыльгә билгеләмә бирәбез, аның үзенчәлекләрен ачыклыйбыз, мисаллар һәм капма-каршы мисаллар китерәбез. Аннан соң сыйфат фигыль өчен гомуми модель төзелә.

V.1.Нәрсә өйрәндек ?Максатка ирештекме ?

“Релли - Робин” структурасын кулланып, нәтиҗә ясыйбыз.

(иңбаш күршесе белән эшлиләр)

2. Рефлекция.  (Үзбәя, төркем бәясе һәм укытучы бәясе карала. Һәрберсе махсус таблицага куела)

        3. Өй эше : 167нче күнегү,11нче җөмлә.1)Җөмләдәге 1сыйфат фигыльгә морфологик-синтаксик анализ ясарга яки 2) Киләчәк заман сыйфат фигыльләр кулланып, өзекне дәвам итәргә.