« №19 М . Мақатаев атындағы
жалпы орта мектебі»
Тақырыбы:
«Модель,нақты
объектінің қасиеттері. »
Информатика пәнінің мұғалімі: Гаухар
Тлеуова
Сынып: 6ә
2015 – 2016 оқу жылы
Мақтарал
ауданы. Ж.Ералиев а/о.
№19М.Мақатаев
жом
Пәні:
Информатика
Мұғалімі: Тлеуова Гаухар.
Күні:
Сыныбы:
6а
Сабақтың тақырыбы: Модель,нақты объектінің
қасиеттері.
Сабақтың мақсаты: Модельдеу
түрлерін жаңа технологиялық ақпаратты қолдана отырып, ақпараттық модельмен
жұмысты бейнелеп көрсету.
Білімділік: Ақпараттық модель туралы толық
мәлімет беру.
Дамытушылық: Оқушылар логикалық
ой-өрісін,зейінін, есте сақтау қабілеттерін дамыту.
Тәрбиелік: Компьютерлік сауаттылыққа
тәрбиелеу.
Сабақтың типі: Жаңа тақырыпты
меңгеру.
Сабақтың түрі: Білім бекіту
сабағы.
Әдіс-тәсілдері: Жеке, топпен
жұмыс, өз бетімен жаңа білім алу,бекіту жаттығулары.
Пәнаралық байланыс: Математика,
Биология, География, Технология
Көрнекі құралдар: Үлестірме
тапсырмалар, презентация, карточкалар
Техникалық құрылғы: Компьютер,
интерактивті тақта,магниттік тақта.
Сабак барысы:
1.Ұйымдастыру кезеңі.
Сәлемдесу,
балаларды жребий арқылы топқа бөліп отырғызу.Топ басшыларын анықтау.
2. Үй тапсырмасын тексеру
«Кім мәреге бірінші жетеді?» сайысы
Балаларға
өткен тақырыптары бойынша сұрақтар қойылады. Бірінші боп карточканы көтерген
топ жауап береді, егер дұрыс жауап берсе сол топтың мәшіні алға жылжиды.
3. Жаңа сабақ «Білімді мыңды жығар»
Модель дегеніміз – нақты
объектіні, процесті немесе құбылысты ықшам әрі шағын түрде бейнелеп көрсету.
Модель– көрнекі түрде жазбаша жоспар, сызба
ретінде жасалады.
Модельдеу – объектілерді,
процестерді немесе құбылыстарды зерттеу мақсатында олардың моделін (макетін)
құру.
Модельді қасиеттеріне қарай мынадай топтарға:
Қолданылу
аймағы.
Модельде
уақыт факторын ескеру.
Білім
саласына қарай топтау.
Модельді
көрсету тәсіліне қарай топтау.
Ақпараттық модель- зерттеудегі
объект туралы қажетті ақпараттың бәрін қамтитын шамалар жиынтығы. Ақпараттық
моделді қолмен ұстап, көзбен көре алмаймыз, себебі олар тек ақпараттардан ғана
құралады.
Мысалы:
әрүрлі құбылыстар: экономикалық, физикалық, химиялық.
Материалдық модель- нақты нысандар,
мысалы: глобус, схемалар, манекен, ұшақ моделі.
Ақпараттық модельдің түрлері:
Геометриялық модель – графикалық
пішіндер мен көлемді конструкциялар.
Ауызша модель – иллюстрацияны
пайдаланып, ауызша және жазбаша сипаттаулар.
Математикалық модель – объект немесе
процестің әр түрлі параметрлерінің байланысын көрсететін математикалық
формулалар.
Құрылымдық модельдер – схема,
графиктер мен кестелер.
Логикалық модель – ой қорытындысы
мен шарттарды талдау негізге алынған іс-әрекеттерді таңдаудың әр түрлі
нұсқалары көрсетілген модельдер.
Арнайы модельдер – ноталар,
химиялық формулалар.
Компьютерде
модель құру кезінде объектіге зерттеу мақсатында, зерттеу құралдары мен
адамның білім дәрежесіне қарай әртүрлі ақпарат жинақталады. Мысалы: өсіп
тұрған гүл жөнінде биология маманы, дәрігер және оқушының алатын мәліметтерін
салыстырайық.
4.Сергіту
сәті «Ойнайық та, ойлайық!»
5.
Бекіту.“Өзіңді тексер”сайысы. Балаларға компьютерлік
тапсырмалар арқылы карточкалар ұсынылады. Карточкада модель түрлері жазылады
сол модельдерді түсіндіреді, мысал келтіреді.
6.
Бағалау
7.
Қорытындылау
8.
Рефлексия
Күні:
––––––––––––––
Пәні:
Информатика
Сынып:
8
Сабақтың
тақырыбы: Күрделі шарттар.Практикалық жұмыс.
Сабақтың
мақсаты:
Білімділік:
Күрделі
шартты операторлардың жазылу тәртібімен таныстыру. Сабақтан алған теориялық
білімдерін жүйелі түрде тәжірибе жүзінде көрсете білу дағдыларын қалыптастыру.
Дамытушылық:
Бағдарламалау
тілінде жұмыс жасай білу дағдыларын, ойлау қабілеттерін, өз білімдерін сауатты
түрде жеткізе білуді, пәнге деген қызығушылықты дамыту.
Тәрбиелілік:
Оқушылардың
белсенділігін арттыру, өзара көмектесуге тәрбиелеу.
Күтілетін
нәтиже:
Тармақталу
операторларының түрлерін, күрделі шарттардың программада жазылуын біледі.
Оқушылар
ынтымақтастықпен жұмыс істеуге үйренеді.
Тыңдау
мәдениеті қалыптасады, өз ойын толық, анық жеткізе алады.
Көрнекілік:
Презентация, суреттер
Құралдар:
Қима қағаздар, постерлер, маркерлер, стикерлер
Сабақ
кезеңдері
І.
Ұйымдастыру кезеңі
Сәлемдесу,
оқушылардың сабаққа дайындығын тексеру.
- Ынтымақтастықты
оқытуды орнату;
- Сабаққа
назарын аудару;
ІІ.Үй
тапсырмасы
Үйге
берілген тақырып: «Тармақталу операторлары».
Оқушылар 2 топқа бөліп, әр топ өз тапсырмаларын плакат бетіне түсіріп,
қорғайды.
І
топ: Тармақталу операторлары туралы түсінік
ІІ
топ: Тармақталу операторларының блок – схемасы
Шаттық шеңбері
Оқушыларға шаттық шеңберінің ережесімен таныстыру. Оқушылар
ортаға шығып бір – бірінің қолынан ұстап, бірі – біріне жақсы тілектер айтады.
Жаңа сабақ
Күрделі шарттар
Және,
немесе, емес қызметші сөздерімен
біріктірілген, бірнеше қарапайым шарттардан тұратын шарттар (логикалық
өрнектер) күрделі шарттар деп аталады.
Паскаль тіліндегі логикалық операциялар:
And (және) логикалық
операциясы бар күрделі шарт қарапайым шарттардың екеуі де орындалған жағдайда
ғана ақиқат деп есептеледі.
Ал егер қарапайым шарттардың кемінде
біреуі орындалса, онда or (немесе) логикалық операциясы бар
күрделі шарт ақиқат деп есептеледі.
Not (емес) А=0
логикалық операциясы А≠0 шартымен бірдей.
Кейбір есепте үш және одан да көп тармақ, яғни шығу сызықтары
бар шарттарды тексеруге тура келетін кездер кездеседі.
Бұған мысал ретінде квадрат теңдеу
ах2 + bx + c = 0, (a ≠ 0) түбірлерін табатын
программа құруды қарастырайық.
І топ – квадрат теңдеуді математикалық жолмен шешуді көрсетеді;
ІІ топ – квадрат теңдеудің блок – схемасын сызады.
Оқушылар топпен жұмыс істейді. Топтық жұмыста оқушылар
тармақталу операторлары туралы білімдерін толықтырып, күрделі шарттардың
есептерде қолданылуын өздері қорытып шығарады.
Компьютермен жұмыс
ах2 + bx + c = 0, (a ≠ 0) квадрат теңдеуінің
түбірлерін табатын программаны компьютерде теріп, нәтижесін көреді.
Сабақты бекіту:
1.
Тармақталу операторлары дегеніміз не?
2.
Тармақталу операторының толымды түрі?
3. Тармақталу
операторының толымсыз түрі?
4. Тармақталу
операторында қолданылатын қатынас белгілері?
5. Алгоритмдік
тілде қандай түйінді сөздер қолданылады?
6. Паскаль
тілінде күрделі шарттардың жазылу түрі
Кері байланыс
Бүгін мен не үйрендім?
|
Маған не ұнады?
|
Маған не ұнамады?
|
|
|
|
Оқушылар кері әсер парағын толтырып, жинап береді.
Үйге тапсырма
Күрделі шарттар, есеп №2
Оқушыларды бағалау Топ оқушыларын
жинаған балдарына қарай және сабаққа белсенді қатысқан оқушыларды бағалау.
Тексерген:
Оставьте свой комментарий
Авторизуйтесь, чтобы задавать вопросы.