Внеклассная мероприятия "Нашақорлық" (9 сынып)

Тәрбие жұмысы

НАШАҚОРЛЫҚ- есірткі заттарына тәуелділікке байланысты, ағзаның физикалық және психикалық қызметтерінің бұзылуына, аяғы өлімге әкеліп соғатын сырқат.

ЕСІРТКІЛЕР –

бұл психикалық және физикалық тәуелділікке апарып соғатын, әсіресе жасөспірім кезінде оларды қолданудың салдарынан адам денсаулығына қауіп төндіретін өсімдіктер, заттар, дәрі-дәрмектер.

Есірткіге үйрену қорқынышты,

одан бір-ақ жолмен құтылуға болады.

Есірткілерді сирек қолдануды өз бетімен тоқтау өте  қиын. Оңайы – оларды қолдануды бастамау. Егер есірткімен сонда да «таныстық» болса, психиатр дәрігерге немесе наркологқа неғұрлым ерте көрінсеңіз, соғұрлым бұл өлім әкелетін уға құштарлығыңыз бен үйренуіңізден арылу оңай болмақ.

Мемлекет нашақор ауыруларға көмек беруге кепілдік береді, оның ішіне тексерілу, кеңес беру, диагностика, емдеу және медициналық қоғамдық ақтау кіреді.Сонымен бірге, қоғам есірткіні енді бастағандарға және одан құтылуға тырысатындарға төзімді. Бірақ, қоғам емдеуден бас тартатындарға қатал, басқа біреулерді есірткі саудасына итермелейтіндерге аяусыз.

                 ХР   оқушыларының  үндеуі.

Нашақорлықпен тұрақты әрі кешенді күрес жұмыстарын одан әрі жандандыру мақсатында жігерлі жастарды індеттің тамырын қиюда бірлесуге шақыра отырып, кәсіптік лицей оқушыларына үндеу жолдаймыз!

Нашақорлық –еліміздің дамуына орасан зор кедергі келтіретін індет, сондықтан біз осы індетпен табанды түрде Қазақстанның болашағы үшін аянбай күресуіміз керек!

      Біз Қазақстан Республикасының тұрақтылығын, қауіпсіздігі мен өркендеуін әрі қарай дамыту мақсатында бірлесіп жұмыс атқаруға дайын екендігімізді білдіреміз!

      Біз құрбы-құрдастарымыз бен жастар арасында салауатты өмір салтын насихаттау жұмыстарын кең тұрғыда жүргізуді өз міндетіміз деп есептейміз!

       Егер СЕН өз еліңнің жарқын болашағына нық сенімен қарасаң, жастық күш- жігеріңе сеніп, қоғамдағы өзгерістеге бей-жай қарамаймын десең, бізбен бірге нашақорлыққа жол берме!

Өмірің болсын десең сенің сәнді

Ойланып, айналаңа қара мәнді.

Адам бол!Білімі тасқын, өнері асқан

Өзіңе сүйсіндірер басқа жанды.

Салауатты мақсатың-өмір сүру,

Өмірдің мағынасын керек білу.

Ішімдік, нашақорлық сенің жауың

Пайдасы сол –бұл жолдан аулақ жүру

      Қазақстанның болашағы – біздің болашағымыз!