Инфоурок / Информатика / Другие методич. материалы / Жігітке жеті өнерде аз

Жігітке жеті өнерде аз


библиотека
материалов

«Жігітке жеті өнер де аз»

Мақсаты:  Жоғары буын оқушыларының арасынан қабілетті, яғни білімді, спортқа икемді, еңбекке бейімді, жан- жақты, сегіз қырлы оқушыларды анықтау. Ұлтымыздың салт-дәстүрін құрметтеуге, өнерде, өмірде кездесетін ұлттық нақыштарды сақтауға, тілді сүюге деген шәкірт ынтасын ояту.

Көрнекіліктер: Сахнаны безендіру, күйтаспа, қанатты сөздер.

Дайындық барысы: Жігіттерімізге қойылатын талаптармен таныстыру.

1-жүргізуші: Кеш жарық , құрметті ардақты да аяулы ұстаздар және ата-аналар мен оқушылар! Бүгін мектебіміздің дүлдүл жігітін анықтау мақсатында өткелі отырған  «Жігітке жеті өнер де аз» байқауына қош келдіңіздер!

2- жүргізуші:Ал енді сахнаға сұлу да, сымбатты, сыпайы да ұстамды, өнерлі, жігерлі, сері жігіттерімізді шақырайық.

1-жүргізуші:

Спортпенен білім жағын бір қосқан.

Кем қалмаған талантпенен табысқан,

Алдарыңызда өзі әнші, күрескер

Нұрсұлтанды қарсы алайық шабытпен.

2-жүргізуші:

Білімді, алғыр, ақылды

Танитын алыс жақынды,

Мектептің озат түлегі

Қошеметпен қарсы алайық Олжасты.

1-жүргізуші:

Білімді, өзі алғыр жан-жақты,

Ақыл десе өз-өзіне айбатты

Мектептегі мына біздің серіміз

Шақырайық ортамызға Берікті.

2-жүргізуші:

Жақсы оқиды, өнері бар талапты,

Осы байқауға қатысамын деп келіпті

Шындық үшін шырылдайды, ой айтып.

Шақырайық ортамызға Медетті.

1-жүргізуші:

Білімменен бүгін міне ән қосты,

Өз өнерін ортаға сап үндесті

Алғырлығын тағы бізге дәлелдер

Көрейікші шақырып ап Жандосты.

2-жүргізуші:

Біледі ол жақсы менен жаманды,

Өнерімен тамсандырған талайды

Талай қыздың жүрегін ол жаралар,

Ортамызға шақырайық Мәдиді.

1-жүргізуші:

Сайыста бақ сыналар, бап сыналар,

Бас жүлдені өнерлі, тапқыр алар.

Кім өнерлі, кім тапқыр- шешу қиын,

Қазылар алқасы нық сыналар.

2-жүргізуші:

Кез келген сайыс бағалануы тиіс. Осының ара жігін ажырататын әділ қазылар бар. Бұл жарыстың ажырамас бір бөлшегі, дәстүрлі үрдісі, бізде сол үрдіс бойынша әділдігін айтып, тура шешім шығарар қазылар алқасымен таныс болыңыздар.

1.Мектеп директоры.

2. Тәрбие ісінің меңгерушісі.

3.Намыс ұйымының бірлестік жетекшісі.

4.Ата-аналар ұйымының мүшесі.

5.Оқушылар ұйымының  жетекшісі.

1-жүргізуші:

Байқауға қатысатын жігіттеріміз әдет- ғұрып төңірегіндегі біліктілік, ақыл- парасат, өнер-жігерлік пен батырлық сайысында күш сынасып тапқырлық көрсетулері керек.

Ендеше бағдарламамен таныс болайық.

1-кезең: Сәлем -сөздің анасы (сәлемдесу, таныстыру)

2-кезең: Білімдіден шыққан сөз.

3-кезең: Поэзия минуты.

4-кезең:Сөз қадірін тапқыр білер.(мақал-мәтел мәнін ашу)

5-кезең: Сұлу би-сымбат мүсін айғағы( биге икемділігін көрсету)

6-кезең: Адамды адам еткен- еңбек. (үйге берілген тапсырма бойынша жігіттердің өз қолдарымен жасаған қол өнері бұйымдарын сарапқа салу)

7-кезең: Спорт- денсаулық кепілі (спорттық ойындар)

8-кезең: Мен өнерлі жігітпін. (өз өнерлерін ортаға салу)

9-кезең: Қорытынды (жеңімпаздарды анықтау, марапаттау)

Ән: «Алға қазақ жігіттері» орындайтын Махмутов Олжас.

2- жүргізуші:

Армысың, айналайын дана халқым,

Сақтаған ұлтымыздың берік салтын.

Тіл ұшына оралар кездескенде,

«Сәлем- сөздің анасы» деген нақыл.

Топ алдына шыққанда басын иіп,

Сәлемдесу- парызы әрбір жастың.

Өнерлерін паш етер жігіттермен,

Сәті келіп қалғандай танысатын- дей келе,  алғашқы кезеңді бастаймыз.

(жігіттеріміз өздерін ретімен таныстырады)

1-жүргізуші:

«Мектеп-кеме, білім- теңіз»- деп дана халқымыз бекер айтпаған.Тағыда сол халық «Білекті бірді жығады, білімді мыңды жығады» дейді.Енді жігіттеріміздің білім деңгейінің қаншалықты екенін пайымдайық.

2-жүргізуші:

2-кезең бойынша «Білімдіден шыққан сөз» (Жігіттеріміз сұрақтарға жауап берулері керек)

Берілетін сұрақтар төмендегідей.

1. Сайыскерге:

1.Вальс королін ата.

2.Сутегі құрамындағы атом саны қанша.

3.Ат әбзелдерін ата.

4.Қазанға не сыймайды.

2.Сайыскерге:

1.Поэзия  патшасы.

2.Мұсылмандардың қасиетті кітабы.

3.Қазақ тілі алғаш иемлекеттік тіл мәртебесін қай жылы алды.

4.Су түбінде не жоқ?

3 Сайыскерге:

1.Абай Құнанбаевтың неше қара сөзі бар?

2.Биік орналасқан материк.

3.Киіз үйдің жабдықтарын ата.

4.Теңізге қызыл шүберек салсаң не болады?

4 Сайыскерге:

1.Ислам діні қай ханның тұсында қабылданды?

2.«Шахмат» сөзі қайдан шыққан, қандай мағынаны білдіреді?

3.Ертеде қазақтар сүтті ағаш ыдысқа қалай пісірген?

4.1 тонна мақта ауыр ма? 1тонна темір ауыр ма?

5. Сайыскерге:

1.Алгебра мен география кітаптарын тұңғыш жазған қазақ зиялылары кімдер?

2.Мадагаскар астанасы.

3.Төрт түлік малдың иесін ата?

4.Жерді қоршап тұрған газ қабаты.

6 Сайыскерге:

1.Қазақстанның тұңғыш астанасы.

2.Қазақ даласының жарық жұлдызы.

3.Қамшы түрлерін ата?

4.Әлемнің жеті кереметін ата?

1-жүргізуші:

Құлақтан кіріп бойды алар,

Әсем әнмен тәтті күй.

Көңілге түрлі ой салар,

Әнді сүйсең менше сүй- деп Абай атамыз тамсанған ән өнеріне жігіттеріміздің қаншалықты қабілетті екенін байқайық.Яғни сайысымыздың 3 кезеңі «Өлеңге әркімнің- ақ бар таласы» (Поэзия минуты)

2-жүргізуші:

Сөздің көркі мақал- дейді халық.Ең мәдениетті, нағыз қазақ сөзін мақалмен сөйлейтіні баршамызға аян.Жігіттеріміздің сөз саптауларын сарапқа салайық.

(жігіттерімізге мақалдың мәнін ашу ұсынылады)

Мақалдар.

1. Сайыскерге:

Ағашқа қарап тал өсер,

Атаға қарап бала өсер.

2. Сайыскерге:

Кісі елінде сұлтан болғанша,

Өз еліңде ұлтан бол.

3. Сайыскерге:

Жаман атқа жал бітсе.

Жанына торсық байлатпас.

Жаман адамға мал бітсе,

Қасына қоңсы қондырмас.

4. Сайыскерге:

Өтірік сөз жанға қас, өткір пышақ қынға қас.

5.Сайыскерге:

Сұлу сұлу емес, сүйген сұлу.

6.Сайыскерге:

Тіл-сүйексіз.

1-жүргізуші:

Ән мен күйді қатар берген санамызға,

Құштар- ау өнерге үлкен, баламызда.

Өнердің ең әсемін би деп айтсақ,

Жігіттер, биден құр қол қаламыз ба?!

Қане жігіттер, сайыстың 5 кезеңі «Сұлу би- сымбат мүсін айғағы» кезеңінен де өтелік.

(жеке және  жұптасып билеу)

2-жүргізуші:

«Еңбек етсең ерінбей, тояды қарның тіленбей» -дейді Абай атамыз .Келесі байқауымыз жігіттердің еңбекқорлығын тамашаласақ.

(жігіттер өз қолдарымен жасаған бұйымдарын  түсіндіре отырып, назарға ұсынады)

1-жүргізуші:

Қазіргі таңда жалпы қоғам алдында қойылып отырған басты мақсат, салауатты өмір салтын құру. Берік қоғам құру үшін қоғамда денсаулығы мықты азаматтардың көп болуы қажет. Біздің жігіттеріміз ертеңгі берік қоғамның негізі бола ала ма? Олардың спортқа деген бейімділігі қандай? Осыны бағаласақ. (Білек күші, қол күрес.)

2-жүргізуші:

Өнерлі жігіт өрге жүзер дейді жұртым.

Өнерлі болса жігіттер болар сылқым,

Қане жұртым көрелік «нағыз жігіт»

Қағып қандай, тамсанып, десіп шіркін.

Байқауымыздың жеті кезеңінен өткен жігіттердің жеті түрлі қырын байқадық. Енді сайыстың соңғы кезеңі «Мен өнерлі жігітпін» белесінен өтуге жігіттерді шақырамыз.

(Жігіттеріміз өз өнерлерін көрсетеді)

1-жүргізуші:

Бір жігіт бар –құр жан,

Бір жігіт бар- тірі жан,

Бір жігіт бар- жігіт жан… деп Шал ақын жырлап өткендей,- бүгінгі жігіттеріміздің әділ бағасын беру үшін  сөз кезегін әділқазылар алқасына береміз.

2-жүргізуші:

Бақыттарың бастан кетпесін,

Жамандық қуып жетпесін.

Әсем күлкі жүздеріңнен

Өмір бойы кетпесін деп –«Жігітке жеті өнер де аз» байқауын аяқтаймыз.

1-2 жүргізуші:

Сау болыңыздар көргенше.

Қайта айналып келгенше,

Жиі келіп тұрыңыздар

Қоштасайық ендеше.

Көңіл қойып тыңдағандарыңызға көп рахмет.


Только до конца зимы! Скидка 60% для педагогов на ДИПЛОМЫ от Столичного учебного центра!

Курсы профессиональной переподготовки и повышения квалификации от 1 400 руб.
Для выбора курса воспользуйтесь удобным поиском на сайте KURSY.ORG


Вы получите официальный Диплом или Удостоверение установленного образца в соответствии с требованиями государства (образовательная Лицензия № 038767 выдана ООО "Столичный учебный центр" Департаментом образования города МОСКВЫ).

Московские документы для аттестации: KURSY.ORG


Общая информация

Номер материала: ДВ-566371

Похожие материалы



Очень низкие цены на курсы переподготовки от Московского учебного центра для педагогов

Специально для учителей, воспитателей и других работников системы образования действуют 60% скидки (только до конца зимы) при обучении на курсах профессиональной переподготовки (124 курса на выбор).

После окончания обучения выдаётся диплом о профессиональной переподготовке установленного образца с присвоением квалификации (признаётся при прохождении аттестации по всей России).

Подайте заявку на интересующий Вас курс сейчас: KURSY.ORG