"Ана тілім - байлығым"

                                          № 11 «Қызғалдақ» тобының  тәрбиешісі  Б.Л.Джусибалиева

№ 11 «Қызғалдақ» тобының  ұйымдастырылған оқу іс – әрекетінің технологиялық картасы

Білім беру саласы:  Қатынас

Ұйымдастырылған  оқу іс – әрекеті: Тіл дамыту               

Тақырыбы:    «Ана тілім - байлығым»

Мақсаты:

Білімділік: Балаларға ана тілі туралы  түсінік беру, білімдерін жетілдіру. Мемлекеттік тілдің мәртебесін биік ұстау жөнінде,  әр ұлттың өзіндік ерекшеліктері, салт – дәстүрі, діні мен тіл ерекшелігі болатынын түсіндіру.

Дамытушылық: Өзінің ана тіліне деген  сүйіспеншілігін арттыру, ой орісін, сөздік қорын дамыту.

Тәрбиелік: Туған халқының тілін қастерлейтін саналы да  парасатты азамат етіп тәрбиелеу.                              

Керекті кұралдар: Қазақстан Республикасының рәміздерінің  және елбасының суреттері.

Әрекет кезеңдері	Тәрбиешінің әрекеті	Балалардың әрекеті
Мотива- циялық- қозғаушы	Шаттық шеңбері –  Балалар, қараңдаршы, бүгінгі ерекше күн. Бүгін бізге көптеген қонақтар келген екен, қане шаттық шеңберін құрып, жақсы тілегімізді айтайық.	Балалар бір – біріне деген жылы лебіздерін білдірді. Арайлап таң атты. Алтын сауле таратты. Жарқырайды күніміз Жайнап түсті даламыз Біз ерекше баламыз, Айтқан тілді аламыз. Достарымды көргенде, Қуана қарсы аламыз. Қайырлы күн апайлар.
Іздену- ұйымдасты- рушы Рефлексті- коррекция- лаушы	Балалар орындарымызға отырамыз.  -Қазір жылдың қай мезгілі? -Күз мезгілінде неше ай бар? -Күз мезгілі екенін қалай білуге болады? -Бір аптада неше күн бар? Өткен оқу іс – әрекетін естеріне түсіріп корейікші. Ия балалар қүз туралы тақпақ жаттаған болатынбыз, кәне кім маған осы қүз туралы тақпақ айтып береді? Балалар мен сендерге өлең шумақтарын оқып беремін, сендер мені мұқият тыңдап отырыңдар. Әрбір тілде сөйле әлемді таң қылып,  Қазақ тілін білмеу қандай заңдылық,  Өсер балаң, байтақ далаң тұрғанда,  Қазақ тілі жасау керек мәңгілік.  Балалар өлең шумақтары не туралы? -Дұрыс тіл туралы, олай болса бүгінгі біздің оқу іс – әрекетіміздің  тақырыбы: «Ана тілім - байлығым» деп аталады. Ана тілім – дана тілім, айбарлым Сырың терең, тұнығындай қайнардың Ана тілім – қасиетім, қастерлім Бір өзіңнен бақыт нәрін алғанмын, – деп ақындар жырлағандай халқымыздың өшпес асылы, сөнбес шырағы, мол қазынасы, сан ғасырлық тарихи бар, қасиетті тіл мен өнеріне арналған «Ана тілім - байлығым» атты тақырыптық оқу іс-әрекетімізді бастаймыз. -Балалар қандай мерекені атап өтеміз? Елбасымыз Нұрсұлтан Әбішұлы Назарбаевтың 1998 жылға 20 қаңтардағы жарлығына сәйкес «22 қыркүйек-Қазақстан  халықаралық тілдер күні» ретінде аталып келеді. Қәне, балалар осы тіл мерекесіне ән – жыр тақпақтарымызды арнайық. Әнұран орындалады. -Балалар біз күннің екінші жартысында тіл туралы тақпақтар жаттаған болатынбыз, қане кім тіл туралы тақпақ айтып береді? «Тіл не үшін  керек?»деген сұраққа Нұрай мен Гүлназ былай деп  жауап береді. Нұрай: -Мен саған сұрақ қойғым  келіп тұр? Осы тіл не үшін керек? Гүлназ: -Тіл бір – бірімізбен сөйлесу үшін         қажет қой. Нұрай: -Жарайды онда адамдардың бәрі бір ғана тілде сөйлемей ме? Неге ана тілі деп бөледі? Гүлназ: -Себебі, әр елдің өз Отаны, өз тілі бар емеспе? Нұрай: -Неге біз өз тілімізді ана тілі дейміз? Гүлназ: -Себебі, бұл тілді анамыздың аузынан  естиміз. Тәрбиеші: -Дұрыс айтасыңдар ана тілі дегеніміз, ананың ақ сүтімен бойға дарыған өз анамыздың тілі ғой. Ал, ана деген бәрінен де қастерлі, аяулы да, асыл жан. -Балалар, сендер шаршаған боларсыңдар. Қане жаттығу жасап, сергіп алайық. Тәрбиеші:Балалар, міне осы өлең – тақпақтарда айтылғандай, өз тілімізді, қадірлеп, оны  сүйе білуіміз керек. Тіл бар жерде, ұлт та, ел де, жер де болмақ. Сондықтан әрқайсысымыз өз ұлтымыздың тілін қадірлей білейік. -Балалар, сендер тіл турады мақал – мәтелдер білесіңдер ме? Олай болса мақал – мәтелдер айтып  жарысайық.	-Күз мезгілі. -Үш ай бар. -Күн суыта бастады,  ағаштардың жапырақтары сарғайып жерге түсе бастады. Құстар жылы жаққа ұшып кете бастады. - Бір аптада жеті күн бар. Күз туралы тақпақ жаттадық. Cалтанат: Күншуаққа маужырап Жатыр еді атырап. Ағаштардан жамырап, Ұшты кенет жапырақ. Аймаржан:    Ақыл ойын дананың. Ана тілден  аламын Сүйем туған тілімді Мақсат етем әр сөзін. Гүлназ: Ана тілім елім Қайсар, қайрат, күнім. Ана тілім – менің Баста бақыт құсым. Аққу:­ Өсірген ой – білімді Сүйем туған тілімді Мақсат етем әр сөзін Мәнін терең білуді. Ырысбек: Ақыл ойын дараның Ана тілден аламын Ана тілім ардақты Ақ сүтіндей анамның. Нұртас:  Тілім барда мақтанам Тілім менің аппақ ән Бірлігімді бүгінгі Ана тілім сақтаған. Балалар сергіту жаттығуын жасайды. Ақиқат:   Ана сүті  бой өсіреді Ана тілі ой өсіреді. Анель:      Ақыл көркі – тіл Тілдің көркі – сөз. Ұлдана:  Өзге тілдің бәрін біл Өз тіліңді құрметте. Сырғалым: Білімді мыңды жығады Білекті бірді жығады. Жанель:  Шенен сөз бастар Батыр қол бастар. Қаусар: Өнерлі бала сүйкімді. Жұлдызай:        Шешеннің тілі ортақ Шебердің қолы ортақ. Рысбек:   Өнер алды қызыл тіл.
	Қорытындылау. -Балалар бүгінгі оқу іс әрекеті сендерге ұнады ма? -Балалар біз қандай мерекені атап өттік? -Қандай оқу іс-әрекеті болды? Балаларды мақтап мадақтау.	-Ия -Тіл мерекесі. -Тіл дамыту.

Күтілетін нәтиже:

Білуі  тиіс:  Мемелекеттік тілдің мәртебесін биік ұстау жөнінде.

                      Өзінің ана тіліне деген  сүйіспеншілігін арттыра білу.                                                                                                                                                      

Игереді:       Өзге тілдің бәрін біл өз тіліңді құрметте