Қарумен саптық тұрыс. Саптық элементтер

І. Сабақтың тақырыбы: Қарумен саптық тұрыс. Саптық элементтер

ІІ. Сабақтың мақсаты: а) Оқушыларға саптық элементтер жайлы түсінік беру

                                          б) Оқушыларды қаруды «арқаға», «Белдікке», «Кеудеге»

                                              тәсілдермен таныстыру

ІІІ. Сабақтың уақыты: 45 минут

IV. Сабақтың әдісі: көрсету, түсіндіру, жаттығу

V.Өтетін орны. Саптық жаттықу алаңы (алаң)

VI. Қолданылатын материалдар:

VII. Сабақтың барысы:

 Кіріспе бөлім- 10 минут. Сапқа тұрғызу, мәлімет қабылдау, оқушылардың сырт келбетін тексеру. Қажетті материалдарды түгендеу.

VIII. Оқу сұрақтары: 1.Сап элементтері.

2. Қарумен саптық тұрыс

ІІ бөлім. Сап- әскери қызметшілердің,бөлімшелердің және бөлімдердің жарғымен белгіленген өзара іс-қимыл жасаулары үшін жаяу тәртіптегі және машинадағы орналасуы.

Қатар- белгіленген бір сызық бойында әскери қызметшілердің біреуі екіншісінің қасында белгіленген аралықты сақтап орналасқан сабы.

Маңдайшеп- әскери қызметшілердің саптағы тіке қарап тұрған жағы.

Саптың тыл жағы деп- маңдайшепке қарама-қарсы жақты айтады.

Лек- әскери қызметшілердің,бөлімдер мен бөлімшелердің легі.

      Автоматты – «кеудеге», «белдікке», «арқала»пәрмендерін орындау. Қарумен саптық тұрыс та қарусыз саптық тұрыс сияқты, бұл ретте қаруды аузын жоғары қаратып, оң қолдың білегімен белдіктің жоғары жағына тигізіп, ал жиналмалы дүмді автоматты аузын төмен қаратып, «белдікке» күйінде ұстау керек. Карабинді аяққа қол пулеметі сияқты ұстау керек. Автоматты «белдікке»күйінен «кеудеге» күйіне «Автоматты -кеудеге» пәрмені бойынша үш тәсілмен атқарылады.

Бірінші тәсіл-белдік жоғары ұсталып автоматты иықтан алу керек және оның сағағынан,ұңғы кертігінен сол қолмен іліп, оқжатардысолға қаратып, аузын иектің биіктігінде тік ұстау керек.

Екінші тәсіл- белдікті оң қолмен оңға қарай жіберіп тастап, баудың астына кигізу керек.

Үшінші тәсіл – белдікті бастан асыра лақтырып тастау керек; автоматты дүмінің мойнынан ұстап, ал сол қолды жылдам түсіріп жіберу керек.

Жиналмалы автомат та осы тәсілмен жасалады.

«Қаруды- Арқаға», «Белдікке» және «Кеудеге» пәрмендерін бермес бұрын «тежегішке- қой» пәрмені бойынша қару тежегішке қойылады.

«Қаруды-Арқаға» күйінен «бауға» күйіне «қаруды белдікке» пәрмені бойынша екі тәсілмен алынады.

Сабақты қорытындылау. Оқушыларды бағалау-3 мин. Үйге тапсырма.