Ашық сабақ Әдебиеттік оқу "Сайыс"

Білімділік: Балаларға жан - жақты білім беру және білім деңгейлерін анықтау.
Дамытушылық: Өз ойын еркін айта білуге қалыптастыру. Білімге деген құштарлықтарын дамыту.
Тәрбиелік: Балаларды ауызбіршілікке, ұйымшылдыққа, достыққа тәрбиелеу.
Сабақтың әдіс - тәсілдері: ойын, сұрақ - жауап,
Сабақтың түрі: Кіріктірілген сабақ.
Пәнаралық байланыс: Тіл дамыту, ағылшын тілі.
Сабақтың көрнекілігі: Интерактивтік тақта, қуыршақтар (ертегі кейіпкерлері), түрлі - түсті шарлар.

Сабақтың барысы:
І. Ұйымдастыру кезеңі.
а) сәлемдесу әдебі: Балалармен сәлемдесу.
ә) сабаққа қатысуын бақылау: Түгендеу.

Сабақты біз бастайық,
Артта қалып қоймайық!
Қандай сұрақ болса да,
Жауап таппай қоймайық!

ІІІ. Жаңа сабақ.
- Балалар, бүгін біздің сабағымыз ерекше болмақ. Ол үшін бәріміз бір - біріміздің қолымыздан ұстап, көзімізді жұмайық. (3 рет айналу) Балалар, біз ертегі әлеміне тап болдық.
Автор: Ертеде "Ақтөс" атты ит болыпты. Бір күні Ақтөс ұйықтап жатқанда оның үш досы - қораз, мысық, ешкі орманға қарай ойнауға кетеді. Ойынға қызыққан үш дос кеш батқанын байқамай, қайтар жолдарын таппай адасады. Олар келе жатып, қалың ағаштар арасындағы ескі үйге кезігеді. Орманның ішінде тұрған бұл кімнің үйі екен?- деп таңданады. Үйге жақын келіп, есігін қағады. Бірақ ешкім жауап бермейді. Ешқандай дауыс шықпаған соң үшеуі бет алып үйге кіреді. Кіргендері сол еді, есігі тарс жабылып, үйдің іші қараңғы болады. Қараңғыдан қорыққан үш достың дауыстары шықпай қалады. Сол кезде зұлым қасқырдың даусы шығады.
Қасқыр: - А, а, а, ұсталдыңдар ма, жақсы болды қарным аш еді. Енді мен сендерді жеймін дейді.
Сонда Қораз: - Қасқыр, бізді жемеші, мен саған өлең айтып беремін.
Мысық: - Ал, мен саған үйіңді жинап беремін.
Ешкі: - Ал, мен саған дәмді ас даярлап беремін,- дейді.
Автор: - Сонда Қасқыр, не істерін білмей басы қатып отырғанда, достарын іздеп Ақтөс келіп қалады.
Ақтөс: - Қасқыр, менің достарымды жібер, - дейді.
Қасқыр: - Жарайды, жіберемін. Бірақ менің бір шартым бар. Мен сендерге сұрақ қоямын, ал сендер дұрыс жауап берсеңдер, мен сенің достарыңды біртіндер жіберемін, ал жауап бермесеңдер бір - бірлеп жеймін.
Автор: - Ал, балалар, Ақтөске достарын құтқаруға, сендердің көмектерің қажет, көмектесеміз бе?
Балалар: - Ия, ия, ия.
Автор: Кәне, олай болса, Қасқырдың тапсырмасын орындайық.

1 - тапсырма: "Тапқыр болсаң, тауып көр" ойыны.

2 - тапсырма: "Ойлан, тап" ойыны.
1. - Ол төртбұрышты,
- теледидарға ұқсайды,
- теледидар сияқты экраны бар,
- оның тышқан деген досы бар,
- ол қайда барса да тышқанмен бірге жүреді. (Компьютер)
2. - Ол әрбір адамда бар,
- оны адамдар тек бір мезгілде ғана қолданады,
- оның саусақ тәріздес қолдары бар,
- ол адамға жылу береді. (Қолғап)
3. - Ол атамда бар,
- оны күтіп ұстау қажет,
- әсіресе ол кітап, газет оқығанда керек болады. (Көзілдірік)
4. - Ол кейде суда жүзеді,
- оның мойны ұзын,
- оны үйде де бағады,
- ол көктемде балапан басып шығарады. (Қаз)
5. - онда кішкентай балалар көп, үлкен адамдар да бар,
- ол жақта ойыншықтар өте көп,
- және ол жақта ұйықтаймыз, тамақ ішеміз. (Балабақша)
6. - Ол сен де, менде де бар,
- біреулерде ұзын, біреулерде қысқа,
- атам мен әжемде ол ақ. (Шаш)

Қасқыр: - Ал, жарайды, балалар, сендер білімдеріңнің арқасында қоразды құтқардыңдар. Олай болса, мен қоразды босатамын.
Педагог: - Жарайсыңдар, балалар, біз қоразды құтқардық.
Қасқыр: - Енді мысықты құтқарғыларың келсе, тағы менің тапсырмаларымды орындаңдар!
Педагог: - Балақайлар, мысықты құтқару үшін қасқырдың келесі тапсырмасын орындайық.

3 - тапсырма: "Көңілді шарлар" ойыны.
1. Біз қай Республикада тұрамыз? (Қазақстан Республикасында)
2. Бағдаршамның көздерін ата? (Қызыл, сары, жасыл.)
3. Бір аптада неше күн бар? (Жеті)
4. Бас қаламыз қалай аталады? (Астана)
5. Біз қай қалада тұрамыз? (Таразда)
6. Рәміздерді ата. (Ту, елтаңба, әнұран)
7. Бір өркешті жануар? (Нар)
8. Жыл мезгілдерін ата. (Қыс, көктем, жаз, күз)
9. 1 жылда неше ай бар? (12 ай)
10. Құлағы үлкен жануар? (Піл)
11. Ағаш тазалайтын орман дәрігері. (Тоқылдақ)
12. Шөлге шыдамды жануар? (Түйе)
13. Түйенің төлі қалай аталады? (Бота)
14. Қыста ұйқыға кететін аң? (Аю)

ІV. Сергіту сәті: "Ойыншықтар"
Біздерде бар қуыршақ,
Бұзау, қозы, құлыншақ.
Ойыншықтар тыңдайды,
Әмір беріп, бұйырсақ. 2 рет

Ойыншықтар ұйықтайды,
Айтқанымнан шықпайды.
Ал қозы мен құлыншақ,
Ұйықта десем ұқпайды. 2 рет

Қасқыр: - Ой, ой, ой, балақайлар, қандай қиын тапсырма берсем де орындайды екенсіңдер. Енді сендерге қандай тапсырма берсем екенмін, а - а - а....
Педагог: - Тамаша, балалар, сендердің білімдерінің арқасында Қоразды құтқардық. Келесі, Ешкіні құтқару үшін Қасқырдың келесі тапсырмасын орындайық.

4 - тапсырма: "Полиглот" ойыны.
- Балалар, біз "Бүлдіршіндер мектебінде" қандай шет тілдерді үйреніп жатырмыз?
- Қазір мен сендерге жұмбақтар жасырамын, жұмбақтың жауабын кім тапса, сол бала жұмбақтың жауабына қарай үш тілде жауап береді.

Жаздай інге тығылып,
Жатқан қызыл түлкіні.
Құйрығынан суырып,
Әкелді әжем бір күні. (Сәбіз)

Аласа ғана бойы бар,
Қабат - қабат тоны бар. (Қырыққабат)

Өзі бір қу,
Жүрген жері айқай шу. (Түлкі)

Білімнің дәнін тереді,
Балаға тәлім береді. (Ұстаз)
Төрт қырлы, өзі аппақ,
Тақтадағы ізі аппақ. (Бор)

Уылжығын албырт,
Дәмі ғажап..... (Алмұрт)

Жеміс - жидек жегенім,
Балды жақсы көремін. (Аю)

Қалқиып қос құлағы,
Елеңдеп қорқып тұрады. (Қоян)

Қанжардай тісі бар,
Үрейлі түсі бар. (Қасқыр)

Адамға серік,
Күзетке берік. (Ит)

V. Сергіту сәті.

5 - тапсырма: "Ұйқасын тап" ойыны.
Қасқыр: - Ақтөс, сенің достарыңа, мен өте риза болдым. Менің де осындай достарым болса ғой.
Ақтөс: - Балақайлар, Қасқырда бізбен бірге дос болсыншы?
Балалар: - Ия, дос боламыз.
Ақтөс: - Менің достарымды сендердің білімдеріңнің арқасында құтқардық. Рақмет, балалар.
Педагог: - Көрдіңдер ме, балалар "Білекті бірді жығар, білімді мыңды жығар" - деген осы. Сол себепті балалар, сабақты жақсы оқып, ақылды болайық.

Мақсаты: Балалардың шапшаң, тез ойлау қабілеттерін дамыту. Балаларға тест сұрақтары арқылы логикалық ойлау қабілетін дамытумен қатар, еркін сөйлеуге дағдыландыру.
Әдіс - тәсілдер: Сұрақ - жауап
Көрнекілігі: Теледидар, бейнесюжет
Сабақтың барысы: 
Ұйымдастыру бөлімі: Амандасу
Қымбатты әріптестер, қонақтар және біздің кішкентай бүлдіршіндеріміз! «Бала тілі – бал» атты сайысымызға қош келіпсіздер! Сайысымызға үш топ қатысқалы отыр. «Білімді мыңды жығар, білікті бірді жығар»- дегендей ортаға үш сайыскер тобымызды шақырып алсақ.
1 - ші «Барыс»тобын ортаға шақырамыз,
2 - ші «Құлагер»тобы,
3 - ші «Сұңқар»тобын қошеметтеп ортаға шақырайық. 
Сайысты бастамас бұрын сендерге баға беретін әділқазылармен таныс болайық. Төрт құбыламыз тең болған сияқты, олай болса сайысымызды бастайық.
Балақайлар ең алдымен сайыс ережесімен таныстырайын: 
Сайыс 4 бөлімнен тұрады: 
1. Ширату,
2. Ойлан тап, 
3. Бұл қай кейіпкер?, 
4. Ертегілер елінде, - деп аталады. 
Ендеше 1 - ші бөлімге кезек берейік. «Ширату»
Ойынның шарты: Мен сендерге суретті тест сұрақтарын жасырамын. Ол сұрақтар сендердің өткен оқу іс - әрекеттеріңдегі тақырыптарға байланысты болмақ. Сұраққа бірінші жауап беру үшін, алдарыңызда тұрған әуенді ойыншықтын тетігін басасыңдар. Дұрыс жауапқа үш ұпай, жауап бермеген жағдайда ұпай берілмейді.
1сұрақ: Не ұшады?
1) Кеме
2) Қарға
3) Машина
2 сұрақ: Не жүзеді?
1) Ұшақ
2) мысық
3) Қайық
3 сұрақ: Доп қай геометриялық пішінге ұқсайды?
1) ұшбұрыш
2) шаршы
3) шеңбер
4 сұрақ: Қазақстан Республикасының туының түсі қандай?
1) көк
2) қызы
3) сары
5 сұрақ: Үй жануарын тап?
1) қасқыр
2) сиыр
3) қоян
6 сұрақ: Жабайы жануарды тап?
1) Аю
2) жылқы
3) қой
Бірінші бөлімнің ұпай сандарына кезек берсек....
Кезекті «Ойлан тап»бөліміне берсек. Балақайлар мен сендерге ойынның ережесін түсіндіріп өтейін. Сендерге теледидардан кішкентай бүлдіршіндер бір зат атаулысын суреттеп, сипаттап айтып береді сендер соның қандай зат екенін табуларын керек. Ойынның шарты түсініктіме?
1 - ші бейне сұрақ: Ол бәріміздің үйімізде бар. Ол төртбұрышты. Түсі қара. Оның басқаратын тетігі болады. Біз одан көптеген бағдарламалар, мультфильм, кино қараймыз. (Теледидар )
2 - ші сұрақ: Ол қазір көптеген үйлерде бар. Ол төртбұрышты. Теледидарға ұқсайды. Біз одан көптеген мәліметтер аламыз. Ойындар ойнаймыз. Ол арқылы ғаламторға шығамыз. Оның тышқан деп аталатын құрылғысы бар.(Компьютер)
3 - ші сұрақ: Ол байланыс қызметі. Бәріміздің үйімізде бар. Ол шырылдаса көтереміз. Онымен ағайындармен, достармен сөйлесеміз.(Телефон)
4 - ші сұрақ: Ол жүреді. Оны біздің папаларымыз жүргізеді. Ол жанармай арқылы жүреді. Оның төрт дөңгелегі бар. Түстері әртүрлі. Бір жерге барсақ соған мініп барамыз.(Машина )
Ұпай санарын қорытындыласақ. Балақйлар көзді ашып жұмғанша 3 - ші бөлімге де келіп жеттік. Үшінші бөлім: «Бұл қай кеіпкер?»
Ойынның шарты мынадай: Мен сендерге ертегі кейіпкерлеріне байланысты сұрақтар қоямын. Соған жауап берулерің керек.
1сұрақ: Бауырсақ ертегісіндегі кейіпкерді тап?
1) қарға
2) түлкі
3) ит
2 - ші сұрақ: Мақтақыз бен мысық ертегісіне қай кейіпкер қатыспайды?
1) Қоян
2) сиыр
3) терек
3сұрақ: Жеті лақ ертегісіндегі жағымсыз кейіпкерді тап?
1) ешкі
2) лақ
3) қасқыр
Үшінші бөлімді де аяқтадық, енді ұпай сандарымен таныс болайық. Балақайлар соңғы, әрі ақтық бөлімге де жетіп қалыппыз. Олай болса 4 - ші айналым «Ертегілер елінде»
Ойынның шартын түсіндірейін: Менің қолымда «алақай» мини - компьютері бар, сол компьютерге бір ертегінің карточкасын салып, ертегіден үзінді тыңдатамын сендер оның қай ертегі екенін табасыңдар. Ойынның шартын түсіндіңдер ме?
1ші ертегі: «Қарға мен түлкі»
2ші ертегі: «Түлкі мен ешкі»
3ші ертегі: «Қу әтеш»
Жарайсыңдар балақайлар, қандай тапқыр едіңдер! Төрт бөлімде де өздеріңді жақсы көрсетіп шықтыңдар! Осымен «Бала тілі - бал» атты интеллектуалды сайысымыз өз мәресіне жетті. Жарыс болған соң жеңімпаз болуы тиіс. Сөз кезегін әділқазыларға береміз.
Балаларды мадақтау, марапаттау.
Соңы.