Ашық сабақтың тақырыбы "Жайлаудағы қошақан" (3 класс)

М.М «№ 5 Шарбақты арнаулы жалпы білім беру мектеп – интернаты»

Тақырыбы: «Жайлаудағы қошақан"

(облыстық семинарда өткізілген іс – шара)

Орындаған: Абельдинова Г.З.

Тақырыбы: Жайлаудағы қошақан.

Мақсаты: Қошақан пішінін мақтадан жапсырып жасауды үйрету, дұрыс және ұқыпты желімдеу, қағаз бетінде дұрыс пішінді көшіруді үйрету.

Шығармашылық , қиялын, дүниетанымын дамыту. Оқушының шеберлігін, байқағыштық қабілетін арттыру.

Еңбекті сүюге, жауапкершілікке , өз бетімен жұмыс жасауға, әсем безендіре білуге, эстетикалық талғамын тәрбиелеу.

Құрал – жабдықтар: қайшы, ПВА желімі, мақта, қошақан пішіні, қылқалам, қатырма қағаз.

Көрнекілік: Сөзжұмбақ, қошақан суреті.

Әдіс –тәсілдері: Түсіндіру, сұрақ – жауап, ертегі қойылым, музыкатерапия.

Сабақтың барысы: І. Қызығушылықты ояту.

Кел, балалар, ойнайық,

Ойнайық та, ойлайық.

Қандай жұмбақ болса да,

Шешпей оны қоймайық.

1.Кішкентай ғана бойы бар,

Айналдыра киген тоны бар. (Қой)

2.Менің атам бақты оны,

Үстінде бар ақ тоны.

Ол не – Төлдің бозымы,

Білемін ғой... (қозыны)

ІІ. «Қасқыр мен қозы» ертегісінен көрініс.

Автор: Қасқыр судың жоғары жағында, қозы төменгі жағында су ішіп тұрады. Қасқыр қозыны жегісі келіп, сылтау іздей бастайды.

Қасқыр: - Мен ішетін суды неге былғайсың?

Қозы: - Қасеке, мен сен ішетін суды қалай былғаймын. Сен судың жоғары жағында мен төменгі жағындамын, мен ішкен су саған бармайды ғой.

Қасқыр: - сен өткен жылы менің әкемді қорлағансың.

Қозы:–Қасеке, мен қалайша сенің әкеңді қорлаймын, өткен жылы тумаған де едім.

Қасқыр: - Әдепсіз, үлкенге неге қарсы сөйлейсің? (деп, қозыны сол жерде бас салыпты)

Сұрақтар:

1.Қозы мен қасқыр қай жерде су ішіп тұр еді?

2.Қасқыр неге ашуланды?

3.Қасқырдың ісі дұрыс па?

4.Бұл көріністе қозының қандай екенін көреміз?

ІІ. Операционалды – орындаушылық кезең:

-Бүгінгі шығармашылық сағатымыздың тақырыбы мына сөзжұмбақты шешкенде шығады.

Сұрақтар:

1.Қойдың төлі

2.саусақтың басына киетін темір

3.Тазалап ақ қағаз бетін

Жоқ етер қарындаш ізін

4.желім түрі.

5.Ақ алтын

6.Матаны,қағазды, жіпті қиятын құрал.

7.Тігін құралы.

Қозы

Оймақ

өШіргіш

ПВА

маҚта

қАйшы

иНе

-Ендеше сабақтың тақырыбы:

«Матадан қошақан пішінін жапсырып жасау».

Қошақанды барлығымыз білеміз бе?

Ол – қандай төл?

қойдың төлі

Шопан ата Қошақан жуас

пұшайт,пұшайт момын

Оқушылардың қошақан туралы өлең мәнерлеп оқуы.

Енді осы қошақан пішінін жасау үшін бізге қажет заттар: қатырма қағаз, мақта, ПВа желімі, қайшы, қылқалам.

-Ендеше осы құралдарды пайдалану үшін қандай қауіпсіздік ережесін сақтауымыз керек.

ІІІ. Сарамандық жұмыс:

Қошақан пішінін жасау үшін бізге қағаз, мақта, желім керек.

1.Қошақан суретін қатырма қағаздың бетін көшіру.

2.Сызық бойымен қошақан суретінен екі бетін көшіру.

3.Қошақанның екі бөлігін бір-біріне беттестіріп желімде.

Аяғынын басып қайырып бүкте.

4.Дайындалған пішін бетіне желім шағып, оның үстіне мақта талшығын жапсыр.

5.қошақанның көзі мен ауызын қаламмен белгіле.

6.Жайылымда жүрген қозыны көрсету үшін жасыл қағаз бетіне шөптермен гүлдерді жабыстыр.

ІҮ. Рефлексия

-Бүгін біз сабақта ненің пішінің жасадық?

-Балалар қошақан туралы әнді білесіңдер ме?

-«Қошақаным» әнін қыздарға айтқызу.