Тақырыбы: Тәуелсіздік таң нұры
Мақсаты:
1.
Оқушыларды өз елінің тарихын терең білуге үйрету.
2.
Олардың танымдық іскерлігін және ойлау қабілетін жетілдіру,
дамыту.
3.
Елін, жерін сыйлауға, сүйе білуге, патриоттық сезімдерін
қалыптасыруға тәрбиелеу.
4.
Суреттер, ұлағатты сөздер, ҚР-ның рәміздері.
Тәрбие сағатының барысы
1.Ұйымдастыру.
2. Кіріспе.
- Құрметті оқушылар,
бүгінгі тәрбие сағатымызға мектебіміздің әкімшілік мүшелері мен оқушылар
қатысып отыр. Олар сендердің өз елдеріңді қалай сүйетіндеріңді, тарихтарыңды
қандай деңгейде білетіндеріңді көрмек. Бүгінгі тәрбие сағатымыздың тақырыбы «
Тәуелсіздік – биік туым, айбыным» деп аталады.
Балалар, 1986 жылы 16
желтоқсанда Қазақстан тарихында қандай ірі оқиға болды?
/Оқушылар Желтоқсан оқиғасының мәні мен маңызын ашып береді/
Осы желтоқсанның арқасында 1991 жылы біздің еліміз тәуелсіздігін
алды. Тұңғыщ ҚР Президентін сайлап, ҚР мемлекеттік нышандарын бекіттік. Яғни,
қазақ елі аңсаған арманына қол жеткізді. Ата – бабамыз ақ найзаның ұшымен, ақ
білектің күшімен қорғап қалған қазақ жерінде егемен елдің көк байрағы
желбіреді. Жер шарында «Қазақстан» деген тәуелсіз мемлекет пайда болды. Әлем
танитын мемлекетке айналдық.
Қазақстан әлеуметтік-экономикалық және қоғамдық-саяси
дамуының келешегіне айқын жол ашқан 25.10.1990ж. «Егемендік туралы Декларация»
екені баршамызға белгілі.
Ел тарихы, жер тарихы
өзіміз,
Болашақтың қасиетті көзіміз.
Барлық ұлтпен бауырласып жетерміз,
Ақ-қараны тілеп тұрса сөзіміз,-
дегендей, Қазақстанда тыныштық болып, егемендігіміз ұзағынан
болғай деп тілейміз.
Арайлы азаттықтың нұрын құшқан,
Шолпандай жарқыраған күншығыстан.
Тәуелсіз Қазақстан – туған елім,
Досы көп, бата алмайды, ешбір дұшпан,-
деп ақын жырлағандай, тәуелсіздік дегеніміз – рухани тылсым, өз
елін өзі басқаруы, әр адамның өз тағдырын өзі шешуі.
Сендердің ойларыңша тәуелсіз ел дегеніміз не?
/3-4 оқушы өз ойларымен бөліседі./
Иә, «тәуелсіздік» деген ұғымның мағынасы өте зор, тамыры терең.
Тарихқа шолу.
Қазақстан елі – сонау Алтайдан Пиренейге дейін билік еткен, Еділ
батырдың елі, Мысыр еліне билік жүргізген Бейбарыстың, үндіні билеген Бабырдың
елі.Бұл – қасиетті Тұран жері. Қазақ жеріне көз тігіп, басып алғысы келгендер
көп болды.Жоңғар шапқыншылығы, одан кейін орыс патшасы. Ақ патшаның ол
саясатына Кенесары хан түн ұйқысын төрт бөліп, аттан түспей алысқан. Ол өлер
алдында « Қош бол, аман бол, Сарыарқа өскен елім. Қайтқан қаздай қалың ел,
көшкен жерім» ,- деп қоштасыпты. Мүмкін Сәкен аға да ел-жұртымен осылай
қоштасқан болар, бірақ оны көрмек түгілі, естіген жан бар ма?
Ал кеңес өкіметі тұсында қазан төңкерісінен кейін,
біздің қазақтың туған елін, жерін тастап Иран, Пәкістан, Ауғаныстан, Қытайдан
пан іздеп кетуінің себебі неде?
/1-2 оқушының жауаптары тыңдалады/
Міне, осының барлығы – бізге Тәуелсіздіктің оңайлықпен
келмегенінің дәлелі.
Ендеше, «Тәуелсіздік» деп аталатын қасиетті ұғым не берді?
Тақтаға топтастыру әдісімен жазылады.
Тәуелсіздіктің бір белгісі – мемлекетіміздің рәміздері.
Ол ұлт пердесі.Оны әр адам білуге тиісті. Ендеше мемлекеттік нышандардың шығу
тарихына тоқталамыз.
Сөз оқушыларда.
Иә, 2006 ж. ақпаннан бастап, мемлекеттің әнұраны « Менің
Қазақсатным» болды. Ол 1986 жылдың желтоқсанында – ақ елдің әнұранына айналған
ән.
Әұраным – жанұраным,
Айтар әнім, сөйлер сөзім.
Туған жерім сағынарым,
Мақтанышпен қайталдым.
-
дей отыра бәріміз тұрып әнұранды орындасақ.
3. Тәуелсіздікті аңсаған бабаларымыздың жердің бүтіндігі, елдің
амандығы үшін небір тар жол, тайғақ кешуден өткені белгілі. Енді Қзақстан халқы
тәуелсіздік жолында бірлік пен ынтымақтастықты сақтап, ел экономикасын одан әрі
жақсарту үшін қызмет жасауға тиіс. Мемлекеттің болашағы сендердің қолдарыңда.
Жақсы білім, үлгілі тәртіп ол да қоғамға қосқан үлесің болып саналады.
Оставьте свой комментарий
Авторизуйтесь, чтобы задавать вопросы.